Алфавитны куллану
план-конспект урока (2 класс) по теме

Алфавитны куллану

Максат: алфавитның кулланылышын аңлау  күнекмәсе формалаштыру.

Планлаштырылган нәтиҗәләр:

метапредмет – дәрестә үзләштергәнне тормышта куллана белү теләге булдыру;

предмет –  алфавитның сүзлекләрдә, исемлекләрдә кулланылышына күзәтү ясап, гамәли куллана белү күнекмәсе формалаштыру;

шәхескә кагылышлы –  дәрестә өйрәнелгән белемнең кирәген аңлау, уңай мөнәсәбәт күрсәтү.

Дәрес барышы

1. Мотивлаштыру-ориентлаштыру этабы.

1.Эш дәфтәрләрендә матур язу күнегүләре.

 2. Актуальләштерү.

- Алфавит турында белгәннәрне искә төшерү.

- Ребус чишү, сүзләрне алфавит тәртибендә әйтү.

3. Уку мәсьәләсен кую.

Дәреслектәге биремне карыйбыз (40бит)

- Алфавитның кайларда кулланылганы күрсәтелгән?

Нәтиҗә: Алфавит сүзлекләрдә һәм исемлекләр төзегәндә кулланыла

Димәк, без бүген дәрестә нишләрбез?.

Уку мәсьәләсе. Без бүген дәрестә алфавитны куллану күнекмәләрен үстерербез.

2. Уку мәсьәләсен өлешләп чишү этабы.

91. нче күнегүнең биремен укыйбыз.  Төркемнәрдә эшлибез.

- Сезнең өстәлләрдә чәчәк таҗлары ята. Анда безнен сыйныфыбыздагы кызларның исемнәре язылган. Әйдәгез алфавит тәртибендә аларны тезик. Кайсы төркем әзер, шул җавап бирә.

2.  Парлап эшләү.

92нче күнегү. Бирем белән танышыйк.

- Биремне тиз үтәү өчен нәрсәне белергә кирәк? (алфавитны яттан...)

Тикшерү: кашык, пычак, тәлинкә, чәйнек;

Кәнәфи, өстәл, урындык, шкаф.

Ял минуты:  Бастык, һәр төркем фамилияләренең беренче хәрефе буенча, тезелеп баса.Ә хәзер исемнең беренче хәрефе буенча.

3. Мөстәкыйль эш. 93нче күнегү.

- Биремне укыгыз.

- 1укучы тактада эшли, калганнар дәфтәрләрдә. Тикшерү.

1. – а, 2-ә, 3-б, 4-в, 5-г.

Алсу, ә -, бөгелеп, вакыт, гәүдә.

4. 94нче күнегү. Иң беренче нишлибез? (җавапларын язабыз, аннан алфавит тәртибендә язабыз). 3 табышмак – 3төркемгә. Тикшерү:

Суган, алма, кыяр.

5. – Алфавитны сүзлекләр, исемлекләр төзегәндә куллану өчен нишләрбез?

- алфавитны яттан өйрәнербез;

- сүзләрне алфавит тәртибендә урнаштырырбыз:

- алфавит буенча тикшерербез.

III. Рефлексив бәяләү этабы.

1.Рефлексив кабатлау.

- Нинди уку мәсьәләсе куйган идек?

2.Бәяләү. (үзбәя, үзара бәяләү)

- Мин биргән кәгазьләргә үзегезнең төркемдәге укучыларның исемлеген алфавит тәртибендә язасыз, һәркем үзенә билге куя.

3.Өй эше. А)95нче күнегү.

                  Ә) алфавитның һәр хәрефенә кеше исемнәре язырга.

Вакыт калса:1)Түбәндәге сүзләрдә нокталар урынына сузык авазлар куеп  сүзләрне дөрес итеп язарга үәм укырга..

Т . ш                               к . ч                                 к . л                    

Т . ш                               к . ч                                 к . л                    

Т . ш                               к . ч                                 к . л                     

Т . ш                               к . ч                                 к . л                    

Тиешле тартык авазлар куеп  сүзләрне дөрес итеп язарга үәм укырга.

Ка . ак                         ки . әк                     кө .                       ки .

Ка . ак                         ки . әк                     кө .                       ки .

Ка . ак                         ки . әк                     кө .                       ки .

 2) Алфавитның барлык хәрефләренә дә кызлар (яисә малайлар) исеме уйла.