Класста эмес иш Талкан
классный час (4 класс)

Этаптар

                         Ӱредӱчиниҥ ижи

Ӱренчиктериҥ ижи

I.Ӱренчиктерди ӱренерине ууламjылаары

II. Jаҥы теманы ачарыла иш бӱдӱрери

III.Амаду тургузары

IV.Jаҥы ачкан билгирди тузаланып, иштеери

V. Jаҥы билгирди быжулаары

VI. Бойы алдында, таҥынаҥ иш бӱдӱрери

VII. Бӱдӱрген ишти, билгирлерди  кемjиири, чокымдаары, баалаары

-Эзендежери

-Слердиҥ кажыгарда ла шар бар. Оны ӱрӱп ийигер. Анда не бичилгенин кычырып, нӧкӧрӧргӧ айдып, шарды сыйлап беригер.

Эмди бис иштенерге белен

- Jакшы

- Балдар, бу «Куулгазынду кайырчакта» бистиҥ бӱгӱниги куучындажатан темас.

-Мен слерге текст кычырзам, табыгар, анда не керегинде айдылган?

(Ол- алтай албатыныҥ озогыдаҥ бери эдип келген курсагы болор. Оны эдерге кӧп эдимдер керек. Бу коркышту ток курсак, чай казандарга керектӱ, оноҥ до ӧскӧ тату курсак эдерге jараар)

- Талкан

- Айдарда, бис талкан керегинде куучындажарыс

- Кандый амаду тургузып ийерис?

- 4 ӧмӧликке бӧлинип, иштенип ийели.

Кажы ла ӧмӧликке jакылта:

- Ол jурукта не jуралган, оныла нени эдет?

1 ӧмӧлик: От салып казанды  кызыдып jадылар. Казан кызыган кийнинде ого бир эмеш арба уруп,  алтын-сары ӧҥдӱ болгончо куурар(быжыраар). Ол кӱйе бербезин деп, булгуушла булгаар. Аш бышса белетеп алган чарага урар.

2 ӧмӧлик:Куурып алган ашты сокыга бир эмештеҥ салып, саазы айрылзын деп согор. Сокыбаланы кеминде ле согор керек, оноҥ ӧскӧ чачыла берер.Ашты бир канча ӧйгӧ соксо, саазы чыгып калар.

3 ӧмӧлик: Чарактары саазынаҥ арутаарга эскинге салып собырар.

4 ӧмӧлик: Аруталган кийнинде, чарактарды баспакка салып, баспакбалала jыжар (базар). Мынайып талкан бӱдет.

- Кажы ӧмӧлик белен, чыгып кӧргӱзип куучындагар.

Талканды сӱтле кожо булгаар, оноҥ сахар кожоор. Оноҥ ары колло кичинек болчоктор эдерис. Кижиниҥ бойыныҥ кӱӱниле, бого шоколод, мӧт кожоорго jараар. Болчоктор бӱткен болзо, курсак белен.

-Балдар, билип jӱригер: Баспакты кӱнбадыш jаар эмезе эжик jаар курыырга jарабас. Бу jаан  ашты этсе, jерге тӧгӱлген чаракты терип алар. Арбадаҥ чыккан томонды тӧкпӧй, ийнекке берер. Чак тушта  томонды да jип jӱргенин улус эмдиге ле куучындайт. Бис ӱзегис билерис, эмдиги де ӧйдӧ jуу болуп турганын, оныҥ учун  бу слердиҥ эткен аш-курсагарды бистиҥ jуучылдарга база ийерге jараар. Ол талканнаҥ эткен  ток курсак болор.

- Эмди бисте талкан бӱткен, талканнаҥ кандый аш-курсактар jазап jат, слер билерер бе?

- Бис слерле кожо «Чок-чок» деп тату курсак jазарыс. Озоло баштап, Талканды сӱтле кожо булгаар, оноҥ сахар кожоор. Оноҥ ары колло кичинек болчоктор эдерис. Кижиниҥ бойыныҥ кӱӱниле, бого шоколод, мӧт кожоорго jараар. Болчоктор бӱткен болзо, курсак белен.

 - Слерге бу иш  тузалу болды ба,  балдар?

- Нени билип алдыгар?

- Эмди слердиҥ кажыгарда ла кичинек карточка бар, анда эрмектиҥ бажы бар, учы jок. Слер оны оноҥ ары уулалтып бичигер.Кем бичип салган «Куулгазынду кайырчакка»  салып ийигер

- Jаан быйан слерге иштенгенерге, jакшы болзын!

Jакшылажары

- шарларды бой-бойына сыйлажар

- ӱредӱчини угар, каруу берер

- талкан

- амаду тургузар

- ӧмӧликтерле иш бӱдӱрери

- иштерин куучындар

- ӱредӱчини угар, каруу берер

- кажы ла ӱренчик таҥынаҥ иш бӱдӱрип jат

- бойыныҥ ижин баалаары