Эссе Багшаар мэргэжэхэмни онсо оньхотой
материал на тему

Эссе «Багшаар мэргэhэмни онсо оньhотой»

             «Бэрхэ багша гэрэл мэтэ, hайн шаби сэсэг мэтэ» гэжэ буряад зон хэлсэдэг.Энэ оньhон ʏгэ хадаа минии эжыдэ тон тааруу юм. Эльгэ зʏрхэндэмни эгээл нангинаар hанагдаха минии эжы – Бадмаева Светлана Бадмаевна, аяар 35 жэлэй туршада Хэжэнгын аймагай Могсохоной дунда hургуулиин эхин ангиин багшаар ажаллаhан намтартай. Хʏʏгэдые хʏнэй зэргэ болгохо хʏндэтэйхэн ажалдаа шалгаржа, «Буряад Республикын габьяата багша» гэhэн ʏндэр нэрэ зэргэдэ хʏртэhэн.

         Эжымни – минии наhанай жэшээ. Бага балшар наhанhаа хойшо багшын ажалда дурлаhан би эжынгээ харгыгаар тэгʏʏлэн, багша болохоо мэргэжэhэмни онсо оньhотой.

       Эдир хƟƟрхэн хʏʏгэдээ хʏтэлэн, эрдэмэй орон руу дахуулжа, харюусалгатайхан, буянтайхан ажалтайб.

      «Би буряад хʏнби» гэhэн ʏндэр мэдэрэл олгожо, элинсэг хулинсагуудайнгаа дундаршагʏй баялигтай танилсуулан, сэдьхэлэй оюун ухаатай, ёhотой Буряад оронойнгоо эрхэтэдые ургуулан, ажабайдалай ʏргэн харгыда тʏрʏʏшын шатаhаа саашань ʏдэшэдэг hургагшын дэмбэрэлтэй заяатайб.

         Асагад нютаг багшын ажалай харгыда замаймни эхин болоо. Тʏʏхэ домогоор, мэдээжэ хʏнʏʏдэр суурхаhан газарта нютагжажа, Агван Доржиевай нэрэмжэтэ Асагадай дунда hургуулида 22 жэл зʏʏдэн шэнги ʏнгэршƟƟ.

           Yхибʏʏн бʏхэн бэлиг шадабаритай. Багша гээшэ хʏʏгэн бʏхэниие хараадаа абажа, байгаалиhаа ʏгтэhэн шадабарииень олгохо аргатай. Багшын гарта- хʏʏгэдэй заяан. Урагшаа дабшан, hурагшадаа дэбжэн, суг хамта эрдэмэй оръёл ƟƟдэ тэгʏʏлнэбди.

    Иванова Г-Х.Ц.