План урока по родной литературе 3 класс
план-конспект урока (3 класс)

Ирон литературæйы урок 3-æм къласы.

Нымæц 24.09.2018 г.                                  Чиныг Дзапарты З.

Дуне у уыци-уыцитæй конд, Уыдонмæ сыгъзæрин дæгъæл – зонд

                                 Эзоп. «Рувас æмæ Сæгъ»

Урочы  тип: ног æрмæгимæ базонгæ кæнын

Урочы нысан:

1.Скъолодзауты базонгæ кæнын чиныджы ног хаимæ

2. Базонгæ кæнын Эзопы цард æмæ сфæлдыстадимæ, басня Рувас æмæ Сæгъ.

4.Ахуыр кæнын рольтæм гæсгæ кæсын.

3.Ахуыр кæнын скъоладзауты:  зондджын адæймаг рагацау хъуамæ ахъуыды кæна, цалынмæ бавнала исты хъуыддаг кæнынмæ. 

1. Организацион хай.
2. Хæдзармæ куыст сбæрæг кæнын.

III. Скъоладзауты базонгæ кæнын чиныджы ног хаимæ æмæ ног æрмæгимæ.

1. Мотиваци

   Чиныджы II хай (слайд)

– Цæуыл цæудзæн ныхас ацы хайы уацмысты?

– Цавæр уацмыстæ бакастыстут зонды, ахуыры тыххæй?

  Æрбакæсут ма  экранмæ .

- Цавæр дыууæ къордыл адих кæнæн ис ацы уацмыстæ?

(баснятæ æмæ аргъæуттæ цæрæгойты тыххæй)

 - Исчи уæ зоны цы у басня? (слайд)

Зæгъут- ма уæдæ куыд хуыйны басня? (сывæллæттæ кæсынц слайдмæ)

2. Ахуыргæнæджы ныхас.

– Бакæсут уацмысы сæргонд, йæ авторы ном.

– Чи уыд Эзоп?

– Цæуыл фыста ацы куырыхон лæг?

Ахуыргæнæг дзуры Эзопы цард æмæ сфæлдыстады тыххæй.

– Ацы уацмысы сæйраг архайджытæ та чи сты?

– Аргъæутты, басняты рувас куыдæй æвдыст фæцæуы?

Сæгъ та?

3. Нывимæ куыст. (чиныджы).

Рувас æмæ сæгъы æддаг бакаст цæуыл дзурæг у?

– Цавæр архайд æвдыст цæуы нывы?

4. Бацамонын зынæмбарæн дзырдтæ: рагъ, боцъо, æрду.

Рагъ- спина, хребет, гребень

Боцъо- борода

Æрду – волосинка, волосок

5. Скъоладзаутæй кæсынмæ хуыздæр чи арæхсы, уый бас-

ня аив кæсы.

6. Фæрстытæ басняйы мидис равзарынæн:

– Цæмæн æрбацыд Сæгъ цъайы цурмæ?

– Цымæ йыл Рувас афтæ тынг цæмæн бацин кодта?

– Куыд æй ныссайдта цъаймæ?

– Цæуыл уыд Сæгъы катай, йæ дойны куы басаста, уæд?

– Радзурут-ма, цы хин æрхъуыды кодта Рувас?

– Сæгъ ыл баууæндыд? Цæмæн?

– Куыд бауайдзæф кодта сæгъ Рувасæн?

– Рувас ын цы дзуапп радта, уый-ма хъæрæй бакæсут. Разы стут йемæ? Цæмæн?

– Зæгъут, цы у ацы уацмыс йæ жанрмæ гæсгæ?

– Йæ сæйраг хъуыды йын кæцы ныхæстæ æвдисынц?

7.Физминуткæ

Къухтæ! Къухтæ!

Айрæзут!

Къухтæ! Къухтæ!

Атæхут!

Къухтæ! Къухтæ!

Амбæхсут!

Къухтæ! Къухтæ!

Мæнæ 'стут!

8.  Кæйтты куыст.

Карточкæимæ бакусын. Фæбæрæг кæнын басняйы миниуджытæ

Зæгъут ма цавæр уырыссаг æмæ ирон фыссæг фыстой баснятæ?

Хорз ын зонут йæ баснятæ, æркæсут ма слайдтæм æма зæгъут куыд хуыйнынц ?

9. Нывыл ногæй бакусын. (чиныджы)

– Басняйæн йæ кæцы бынат æвдыст цæуы нывы?

Ссарут-ма йæ тексты æмæ йæ рольтæм гæсгæ бакæсут.

IV. Рольтæм гæсгæ каст.

V. Æмбисæндты хъуыды равзарын:

– Хъаруйæ тыхджын иуыл фæуæлахиз уыдзæн, зондæй

тыхджын – сæдæйыл.

Даргъ рехи хæццæ ма арф зунд дæр гъæуй.

– Кæцы æмбисонд хуыздæр æвдисы уацмысы хъуыды?

– Æрхæссут-ма сымах дæр æмбисæндтæ баснямæ.

VI. Рефлекси:

– Цавæр уацмыс бакастыстæм абон?

– Чи у йæ автор?

– Цы у йæ жанрмæ гæсгæ та?

– Цæй мидæг ис ацы басняйы тых?

VII.Хæдзармæ куыст. Басня рольтæм гæсгæ кæсын са-

хуыр кæнын. Фæрстытæн дзуæппытæ бацæттæ кæнын.