1 сыйныф өчен дәрес планы "Ашамлыклар"
план-конспект урока (1 класс)

1нче сыйныф

Тема. “Ашамлыклар”

Дәрес максатлары:

Белем бирү максаты: өйрәнелгән лексик-грамматик материалны ныгыту, системага салу; эшчәнлекне планлаштыру һәм аны тормышка ашыру юлларын эзләү, табу, нәтиҗә ясау;

Үстерү максаты: укучыларның фикерләү сәләтен,дәлилли һәм нәтиҗә ясый белү күнекмәләрен үстерү, сүзлек запасын баету. Мавыктыргыч материаллар ярдәмендә татар телен өйрәнүгә кызыксынучанлыкны үстерү.

Тәрбияви максат : ризыкка хөрмәт тәрбияләү, дөрес туклану турында сөйләшү, дустанә мөнәсәбәтләр тәрбияләү.

Укытуның планлаштырылган нәтиҗәләре.

Ашамлыкларны татарча әйтә белү, алар белән сүзтезмәләр, җөмләләр төзи белү; үз-үзеңне эстетик яктан тәрбияләү, ашамлыкларның турында әңгәмә кора алу.

Җиһазлау: ноутбук,мультимедия проекторы,экран,презентация,биремле карточкалар, “Сәлам” сайты

Дәрес планы

1. Дәресне “Сәлам” җыры белән башлыйбыз.

Оештыру:

1)исәнләшү,хәл сорашу; уңай психологик халәт тудыру;

2)дежур укучы белән әңгәмә;

3)һава торышы,яз билгеләре турында сөйләшү

#1040;ктуальләштерү:

1)Рәсем буенча эш. Диалог төзү:

- Бу нәрсә?

-Бу шәһәр.

-Шәһәрдә нәрсә бар?

-Шәһәрдә йорт, бина, кибет бар.

-Бу кибеттә нәрсә бар?

- Бу кибеттә дәфтәр, китап, каләм, карандаш бар.

- Ә бу кибеттә нәрсә бар?

- ???

-Кибетнең исеменә карыйк әле. Нәрсә дип язылган? Дөрес , ашамлыклар – продукты. Димәк, без бүген нәрсә турында сөйләшәбез? Дөрес, без бүген ашамлыклар турында сөйләшәбез.

2) Дәреснең темасын,максатын ачыклау.

-Әйдәгез әле, балалар, теманы ачыр өчен, аудиоязманы тыңлыйк әле . Ә хәзер рәсемнәргә карап шушы сүзләрне кабатлыйк.

Ипи. Май. Сөт. Ит. Балык. Йомырка. Шикәр. Тоз. Чәй. Алма.

Рәсемнәргә карап, сүзләрне тәрҗемә итәбез.

#1041;елем һәм күнекмәләрне ныгыту:

1)Әйдәгез әле, бер бирем эшләп алабыз. Сезнең алда карточкалар. Карточкалардагы сүзләр белән рәсемнәрне тоташтырып чыгыгыз.

2)Парлап эш. Сорау-җавап

- Кибеттә нәрсә бар? Кибеттә май бар. Кибеттә шикәр бар. ...

- Кибеттә нәрсә юк? Кибеттә тоз юк. Кибеттә сөт юк. ...

3)Карточкалар белән эш. Хәрефләрдән сүзләр төзибез.

Мәсәлән, КӘРИШ –ШИКӘР , МАЛА-АЛМА

Физкультминут. Тема буенча яңа җыр тыңлау, җырлау.

3) “Ашамлыклар кибетендә” уены.

Әйдәгез,сатучы һәм сатып алучы булып уйнап алабыз.

Сатучы- сатып алучы – диалог төзибез.

-Исәнмесез!

-Хәерле көн!

-Сезгә нәрсә кирәк?

- Миңа ... кирәк.

-Күпме кирәк?

-1 кг( 2кг, 3штук,.. ) кирәк

- Ничә сум тора?

-50 сум тора.

-Рәхим итегез.

-Рәхмәт.

IV. Рефлексия.

-Мин сезгә өч смайлик бирәм.Я вам даю три смайлика.

Если вам всё было доступно и интересно,то поднимите вевёлый смайлик.

Те , кто не до конца разобрался или что-то не понятно,поднимите средний смайлик.

Для тех,кому было не интересно и не понятно,поднимите грустный смайлик.

(Укучылар тиешле смайликларны күрсәтәләр).

#1049;омгаклау.

-Димәк,без бүген нинди темасы буенча сөйләштек, нинди сүзләрне татарча әйтергә өйрәндек? Әйе, дөрес. Без бүген “Ашамлыклар” темасы буенча өйрәнелгән сүзләрне сөйләмебездә кулланып,сүзлек запасыбызны баеттык.

-Бүген барыгыз да бик актив булдыгыз. Молодцы!

- Шуның белән дәрес тәмам.Сау булыгыз.