Сценарий праздника "23 февраля-день защитников Родины"
методическая разработка (2 класс) по теме

Апас муниципаль районы Иске Йомрал гомуми урта белем бирү мәктәбе.

23 нче февраль-ватанны саклаучылар көне

                                                                                     Әтиләр һәм башлангыч  сыйныф            

                                                                                     укучылары белән берлектә

                                                                                     үткәрелгән чара

                                                                      Кл.җит: Мингазова Д.С.

2012 ел

Максат: 1. Туган илне яратырга, аны сакларга өйрәтү, патриотик тәрбия бирү.

              2. Ватанны саклаучылар көне белән әтиләрне котлау, аларны хөрмәт   итәргә өйрәтү.

              3. Җитезлекне, зирәклекне, көчлелекне сынау.

Җиһазлау: әтиләр өчен ясалган бүләкләр, әтиләр турында язылган сочинениеләр, КВНга кулланма материаллар,    таблицалар (23 нче февраль – Ватанны саклаучылар көне; шигырь юллары;)

      Алып баручы.

Кадерле әтиләребез, хөрмәтле ветераннарыбыз! Сезне Ватанны саклаучылар көне белән кайнар котлыйбыз. Сез чын ватанпәрвәр кешеләр. Үз илегез өчен гомерегезне дә кызганмыйча, сугыш кырларында аяусыз көрәштегез. Безгә, кадерле балаларыгызга тынычлык алып килдегез. Кадерле әтиләребез!Сез барыгыз да армия сафларында хезмәт итеп , туган авылыгызга исән килеш әйләнеп кайтып, әти-әниләрегезне хөрмәтләп, балаларыгызны тәрбияләп яшисез. Сезгә озын гомер, нык сәламәтлек, бәхеттә, шатлыкта яшәвегезне телибез.

Кичәне сезгә багышлыйбыз.

Җыр “Совет солдаты”

                       Кидең өскә соры шинельне,

                       Яклар өчен Туган илеңне.

                       Ил өчен утка кердең син,

                       Ярты дөньяны гиздең син.

                       Дан, сиңа дан, Совет солдаты

                       Дан, сиңа дан, Совет солдаты

                        Даның яңгырый синең еракта,

                        Тын океанда, биек Карпатта.

                        Мәгърүр басып ил чигендә,

                        Сакта торасың бүген дә.

                       Дан, сиңа дан, Совет солдаты

                       Дан, сиңа дан, Совет солдаты.

Укучылар бергә. Йөрәкнең ул иң мөкатдәс хисе,

                                Күңелнең ул тора түрендә;

                                Ул салкында сине җылытучың,

                                Юанычың авыр көнеңдә.

1 нче укучы. Дөньяда әти белән әнидән дә кадерле кеше юк.

2 нче укучы. Сезгә булган җылы хисне, әти,

                       Гомер буена сакларбыз,

                       Һәм шулай ук, бу олы сүз белән

                       Туып үскән илне акларбыз.

3 нче укучы. Әтием белән икәү

                       Без гел бергә йөрибез.

                       Бергә утын кисәбез,

                       Бергә карлар көрибез.

4 нче укучы. Юлга чыксак, кырларда

                        Бергә җырлап алабыз.

                        Яшеренгән гөмбәне

                        Икәү эзләп табабыз.

Җыр “Әти дә солдат булган”

                     Бабай да солдат булган,

                      Әти дә солдат булган.

                     Дәү абый да солдат булып

                     Ил чикләрендә торган.

                      Кече абый солдат булып,

                      Кайтты быел яз гына.

                      Мин үзем дә солдат булам

                     Үсим генә аз гына.

                     Әти дә солдат булган,

                     Бабай да солдат булган.

                     Дәү абый да солдат булып

                     Ил чикләрендә торган.

5 нче укучы. Тал чыбыкны шомартып,

Бергә кәрзин үрәбез.

Бик күңелле яшибез,

Менә шуңа күрә без.

6 нчы укучы. Кош – һавада, ат – тауларда,

                       Егет яуда сынала.

7 нче укучы. Бөркет оча тауда, далада,

Һәм уяна бөркет бик иртә.

Шуңа күрә Ватан-ана да

Кыюларны бөркет дип йөртә.

8 нче укучы. Кайчагында эшеннән

Арып кайткан чагында

Йөгереп кенә йөримен

Әтиемнең янында.

3 нче укучы. Әтиләр узган җирдә

Яшәрә гөлләр.

Тыныч көннәрне бүләк итүче,

Илебез данын бөек йөртүче,

Әтиләрдә бит туган ил көче.

Әтиләргә бүләк тапшыру.

1 нче укучы. “Мин әтигә охшаган”

Әтигә йомышы

Төшмәгән кеше юк.

Аның бит кулыннан

Килмәгән эше юк.

Бура да бурый ул,

Чыгара белә ул мич.

Терлекче, игенче,

Гармунчы, итекче,

Комбайнчы, шофёр

Кирәксә була ич.

Кемгәдер булышсам,

Эшләсәм игелек,

Әйтәләр: “Гел инде

Әтисе бу егет!”

Әйтәләр ихластан

Мин моңа ышанам.

Әти бит үзе дә

Гел миңа охшаган!..

Җыр “Бәхеттә, шатлыкта”

4 нче укучы  “Саклый белергә кирәк.”

                          Яңгыр исе, бал исе –

Аны миңа җил бирде.

Ипи, бәрәңге, алма –

Аны миңа җир бирде.

Кояш, ай, зәңгәр йолдыз –

Аны миңа күк бирде.

Авыл, болын, шәһәрләр –

Илем миңа күп бирде.

Ә кемнәрдер һавага

Ракеталар куймакчы.

Кояшны сүндермәкче,

Йолдызларны коймакчы.

Ак өзәңгеле атны

Чабудан туктатмакчы,

Кешене, гөлне, кошны

Мәңгегә йоклатмакчы...

Йокыдан торган гөлне

Һәркем күрергә тиеш

Һәм илен янулардан

Саклый белергә тиеш!

Җыр “Матур булсын”

           1. Син дә җырла батыр егет

               Син дә җырла матур кыз

               Матур булсын, матур булсын

               Матур булсын бу тормыш.

           2. Безнең  ил кояшы балкый,

               Якты булып көн саен!

               Якты булсын, якты булсын,

               Якты булсын көн саен.

            3. Илебезнең халыклары

               Тыныч тормыш коралар

               Тыныч булсын, тыныч булсын,

               Тыныч булсын дөньялар.