Рәхмәт сиңа,Әлифбам!
материал (1 класс) по теме

Рәхмәт сиңа, Әлифбам!

     Максатлар: Укучыларның танып-белү эшчәнлеген үстерү; фәннәргә кызыксыну уяту,игътибарлылык,тапкырлык,оешканлык,бердәмлек,коллективизм тәрбияләү; шигырьләрне сәнгатьле итеп сөйләүләренә ирешү.

А.Б.: Күч безнең күңелгә

         Җыр яме, җир яме.

         Рәхим ит,түрдән уз –

         Әлифба бәйрәме.

     Кадерле укучыларым! Сезне мәктәп дигән белем йортындагы беренче җиңүегез – “Әлифба”ны тәмамлавыгыз белән котлыйм. Хәрефләр белән танышу, сүзләр тезү җҗиңел булмады. Әмма сез тырышып белем алдыгыз: укырга, язарга өйрәндегез. Әлифба үзара дус, әдәпле булырга, укучылар өчен кагыйдәләрне үтәргә өйрәтте.

     Хөрмәтле әти-әниләр, укытучылар, укучылар, кунаклар! Һәрберегезне олы бәйрәм белән тәбрик итәм. Балаларыгызның әлифбаны яхшы үзләштерүендә сезнең дә өлешегез бар. Хәзер балаларыгыз чын мәгънәсендә укучылар булдылар. Ә хәзер сүзне укучыларга бирәбез.

Җыр “Әлифбам”.

   1 нче укучы:      Без бит әле быел гына

                                Мәктәпкә диеп килдек.

                                Ә аңарчы көн буена

                                Бакчага йөргән идек.

      2 нче укучы:   Бик күп нәрсә белдем мин

                                Туган илем турында.

                                Мин бит инде зур үстем

                                Әлифбам бар кулымда.

      3 нче укучы:  Хәрефләрне тиз өйрәндек,

                               Сүзләр төзеп уйнадык.

                               Көн дә иртән сагынып килдек,

                               Мәктәптән без туймадык.

        4 нче укучы:  Язарга да өйрәндек без

                               Каләм тотып кулларга.

                               Хәрефләрне тездек ап-ак

                               Тигез, туры юлларга.

         5 нче укучы:   Аннары мисал, мәсьәлә

                                   Чишү юлын эзләдек.

                                   Дәфтәрләрне, көндәлекне

                                   Бишле белән бизәдек.

        6 нчы укучы:  Дус, тату, матур яшәүнең

                                   Серләренә төшендек.

                                   Бик тырышып укыганга

                                   Уңышларга ирештек.

      Ишек шакыйлар.

А.Б.: Кем бар? Әйдәгез, бәйрәмгә рәхим итегез!

         - Исәнмесез!

А.Б.:  Әйдәгез, рәхим итегез! Әлифба бәйрәменә әкиятләр иленнән Кызыл калфак килгән икән. Сүзне аңа бирик.

Кызыл калфак:  Кадерле 1 класс укучылары! Хөрмәтле кунаклар, әти-әниләр, укытучылар! Менә бүген сез – 1 класс укучылары - иң кадерле, иң беренче уку китабыгыз – “Әлифба” белән саубуллашасыз. Сезгә уңышлар телибез, “5” легә укыгыз. Кемдә иң күп “5”ле, шул ул иң көчле!

Укучылар: Безнең белән сез дә бәйрәм итегез! Безнең белән калыгыз!

Кызыл калфак: Ярар, тик минем бер шартым бар. Мин сезгә табышмаклар әйтәм. Шунда сезгә бик кирәкле сүз чыгачак. Шул сүзне тапсагыз, мин сезнең белән калырмын.

Укучылар: Әйдә, кызыл калфак, сынап кара үзебезне.

 (Тактага кроссворд эленә. Табылачак “Әлифба” сүзе ачыграк итеп билгеләнә.)

Кызыл калфак: Ой, молодцы, укучылар,бар табышмакларга да дөрес җавап бирдегез. Укыйк әле, нинди сүз чыкты икән?

 Укучылар: Ә - Л –И -  Ф – Б – А.

Кызыл калфак: Укучылар! Бик тырыш, белемле икәнсез! Мин бик шат! Мин бик теләп сезнең бәйрәмегездә калам!

Җыр җырлана

Әлифба турында шигырьләр уку.

Ә - Ә бар әнидә, әбидә,

       Әтәчтә, кәпәчтә...

      Тагын “ә” кайда бар,

      Әйтегезче, дусларым.

(Укучылар “Ә” хәрефенә башланган сүзләр әйтәләр)

Л - Өйрәндек күп хәрефләр

      Тырышып, түгеп тирләр.

      “Л” хәрефенә башлана

      Тагын нинди исемнәр?

(Укучылар “Л” хәрефенә башланган сүзләр әйтәләр)

И - Әти, әни, әби, бәби –

      “И” хәрефе бар бездә.

      Син дә әйдә, сүзләр уйла

      “И” хәрефенә тизрәк.

(Укучылар “И” хәрефенә башланган сүзләр әйтәләр)

Ф – Фаил, Фәния, Фәнил,

        Син әйдә сана тизрәк.

        Тагын ниләр уйлыйк икән?

        Фикер йөртергә кирәк.

(Укучылар “Ф” хәрефенә башланган сүзләр әйтәләр)

Б – Бүген бәйрәм бит безнең,

      Бар балалар да белсен.

      “Б” дан башка бәйрәм булмый,

      Барысы күреп торсын.

(Укучылар “Б” хәрефенә башланган сүзләр әйтәләр)

А –“А” бар алмада, айда,

        Алсу, Алмаз, Айнурда.

        “А” хәрефен яратабыз,

        “А” тагын бар кайларда?

(Укучылар “А” хәрефенә башланган сүзләр әйтәләр)

А.Б.: Хәрефләр серле-серле,

          Хәрефләр тылсым-тылсым,

         Тылсымлы бу хәрефләр

         Һәрвакыт юлдаш булсын.

         Хәзер инде, без, дуслар,

         Тылсымчылар үзебез.

         Рәхәтләнеп укыйбыз

         Татарның һәрбер сүзен.

“Татар халык биюе” - 1 нче сыйныф укучылары башкаруында.

А.Б: Бигрәк тырыш балалар булдыгыз. Азрак ял итеп алырга теләмисезме? Әйдзгез, уеннар уйнап алыйк әле.

         1)

         2)

         3) Әти-әниләргә сораулар бирү.

         4)

         5)

Әти-әниләргә сораулар:

1. “Әлифба”да сузык аваз хәрефләре нинди төс белән язылган?
2. “Әлифба”да  А дан соң нинди хәреф өйрәнелә?
3. Кечкенә вакытта өйрәнгән бер шигырьне яттан сөйләргә.
4. Ф битендә нинди хайван сурәтләнгән?
5. Теләк һәм тәгъдимнәрегезне әйтегез.

Туган тел керә.  

А.Б.: Рәхим ит, туган тел! Түрдән уз!

Туган тел: Исәнмесез, укучылар! Менә ниһаять мин дә килеп җиттем.

         Туган тел – иң татлы тел!

         Туган тел – иң тәмле тел!

   Тәмле дип телеңне йотма,

   Туган телне онытма!

А.Б.: Укучылар! “Әлифба”ны тәмамладык. Аңа алмашка “Туган тел” килә.

       (Укучыларга “Туган тел” китабы тапшыру)

Укучылар:  Рәхмәт, Туган тел, сиңа

                      Безгә килүең өчен.

                     Дуслашырбыз, серләшербез,

                     Белем алып үтәр безнең

                     Туачак һәр көнебез.

Җыр: “Бәйрәм бүген”.

А.Б.:Ә хәзер сүз укучыларны котлау өчен әти-әниләргә бирелә.

А.Б.: Кадерле кунаклар, бәйрәмебезнең беренче өлеше тәмам. Ә хәзер өстәл янына рәхим итегез!