Әкият илендә күңелле стартлар.
план-конспект занятия на тему

Әлмәт муниципаль районы мәктәпкәчә мәгариф белем бирү учреждениясе гомумүстерешле-58 нче”Шаян нәниләр” балалар бакчасы

       Әкият илендә күңелле стартлар

         (Мәктәпкә хәзерлек төркеме балалары өчен сценарий)

                                                                    Тәрбияче: Кирамова Г.М.

Максат: балаларда физкультура һәм спорка  кызыксыну уяту; актив ял итүне оештырырга өйрәтү; сәламәт яшәү рәвешенә өндәү; әкиятләргә карата мхәббәт тәрбияләү.

Үткәрү урыны: спорт залы.

Җиһазлар: су салынган 2 табак, 20 теннис шары, 2 тәлинкә, 20 кашык, 4 урындык, 2 бүрек, 2 туп, 2 яулык, 2 боҗра 2 чиләк, 2 себерке,20 кәгазь йомарламы.

А. б. Балалар, сез барыгыз да әкият яратасыз. Бүген без сезнең белән берничә әкияткә сәяхәткә барырбыз, һәм сез үзегез шул әкиятнең геройлары да булырсыз. Уеныбыз ярыш формасында

була. Иң элек командалар белән танышыйк. ( музыка астында командалар чыга һәм үзләре белән таныштыралар ) Ә хәзер әйдәгез әкиятләр иленә сәяхәтебезне башлыйбыз.                                                            1 әкият “Чуар тавык”  Яшәгән ди булган ди әби белән бабай. Аларның чуар тавыклары булган. Тавык алтын йомырка салган. Әби дә, бабай да ватып караганнар, вата алмаганнар. Шулчак тычкан йөгереп чыккан да койрыгы белән йомырканы бәреп ваткан. Әби белән бабай бик кайгырганнар. Ә тавык әйтә икән:                                                                                                                                                - Кайгырмагыз әле сез шул кадәр, мин сезгә тагын йомырка салырмын, алтынны түгел, ә гадине.                                             1 ярыш.Ике табакта су. Аларның һәрберсендә унар теннис шарлары.Табаклар 3 м ераклыкта урындыкка куелган. Командалар янындагы урындыкларга тәлинкәләр һәм шул тәлинкәләр янына 10 кашык куелган. Кашыкны авызга кабып, табактан йомырканы кашыкка алып, йөгереп кайтып тәлинкәгә саласы. Кайсы команда тизерәк ташыр?                                                                                          А.б. “ Чуар тавык  “ әкиятендә сез әби белән бабай ролендә булдыгыз. “ Шалкан “ әкиятендә дә шул роль дә булырсыз.                                                                                                                                                       2 әкият “ Шалкан “  Бабай шалкан утырткан. Шалкан зур булып үскән. Бабай тарта, тарта тартып чыгара алмый икән. Бабай әбине чакырган. Әби бабайга тотынган, бабай шалканга тотынган. Тарталар, тарталар икән тартып чыгара алмыйлар икән.                                                                                                                       2 ярыш. Парлап басалар. Малайлар бурек кия, ә кызлар яулык бәйли. Малай туп тота, кыз млайның биленә тотына. Шулай тотынган килеш йөгереп килеп эстафетаны икенче парга тапшыралар.                                                                                                                                                                                     А. б. Әкиятләр буенча сәяхәтебезне дәвам итәбез. Алдагы тукталыш “ Теремкәй “ әкияте. Басу уртасында теремкәй тора. Ул зур да түгел, кечкенә дә түгел. Менә шул теремкәйгә ничә җәнлек сыяр икән?                                                                                                                                                                                                     3 ярыш. “ Теремкәй “ – боҗра. Шул боҗрага берәм – берәм йөгереп барып керәләр кайсы командадан ничә кеше сыя.                                                                                                                                                                    А. б. Ә урман уртасында тавык тәпиенә басып бер өй тора. Ул кемнең өе дип уйлыйсыз?                                   4 ярыш. “ Убырлылар ярышы “. Бер аякны пластмасса чиләккә тыгып, бер кул белән чиләк сабын, икенчесе белән себерке тотып әйләнеп килергә.                                                                                                                          А. б. Ә хәзер Кар патшабикәсе биләмәләренә юл тотабыз. Анда Кай исемле малай боз кисәкләреннән фигура ясый. Әгәр ул аны тизерәк ясап бетерсә, өенә кайтырга рөхсәт алачак. Әйдәгез аңа бозлар җыярга булышыйк.                                                                                                                               5 ярыш. 3 м ераклыкта ике сызык сызыла. Уенчылар берсе артына тезеләләр, һәрберсендә кәгазь йомарламы – боз кисәкләре. Менә шул боз кисәкләрен икенче сызыкның икенче ягына ыргыталар. Командалар биремне чиратлап үтиләр.                                                                                                               А. б. Әкиятләр буенча сәяхәтебез тәмамланып та килә. Барыгыз да бик җитезләр, өлгерләр икәнсез. Рәхмәт сезгә!                                                                                                                                                         Жюрига сүз бирелә, командаларга бүләкләр тапшырыла.