Внеурочные работы
проект на тему

     Брейн-ринг

(Хетӕгкаты Къостайы цард ӕмӕ сфӕлдыстадӕй)

 Ахуыргӕнӕг:           Хӕйманты Ж.А.

1хай

1.Чи у Хетӕгкаты Къоста?

2.Кӕд ӕмӕ кӕм рӕйгуырдис поэт?

3.Чи уыд йӕ мад?

4.Чи уыд йӕ фыд ӕмӕ цы куыст кодта?

5.Цавӕр цӕстӕнгас дардта Къостайы фыд Леуан ахуырмӕ? 6.Чи хъомыл кодта Къостайы йӕ мады мӕлӕты фӕстӕ?

7.Къостайӕн йӕ дыккаг мады ном?

8.Кӕдӕм алыгъд Леуан йӕ бинонтимӕ ,кӕм ӕрцардысты?

9.Кӕмыты ахуыр кодта Къоста?

10.Кӕд райдыдта фыссын Къоста йӕ поэтикон уацмыстӕ?

11.Къостайы уарзон дӕсныйад цы уыд?

12.Стъаврополы гимназы фӕстӕ кӕм ахуыр кодта Къоста?

13.Къоста йӕ ахуыр фӕцис Бетъербухы академийы ӕви нӕ?  Цӕмӕн?

14.Кӕцы аз сыздӕхт поэт Ирыстонмӕ?

15.Къостайы уӕрзон сылгоймаджы ном ?

16.Кӕдӕм алыгъд Къоста, фыццаг хатт ӕй хасты куы арвыстой, уӕд ?Цӕмӕн уыд хасты?

17.Цавӕр газеты редакцийы куыста ?

18.Цавӕр цаутӕ ӕрцыд Къостайы фыццаг хасты рӕстӕджы?

19.Къостайы дыккаг хасты дуг?

20.Кӕд амардис Къоста?

21.Кӕм ӕрцыд ныгӕд поэт?

         Аслан кӕсы ӕмдзӕвгӕ «Ныстуан»

22.Кӕцы аз рацыд  мыхуыры Къостайӕн йе мдзӕвгӕты ӕмбырдгонд ӕмӕ куыд хуындис?

23.Цавӕр ӕмдзӕвгӕтӕ ӕрцыд хаст «Ирон фӕндыр»-мӕ?

24.Куыд зонӕм мах Къостайы ӕмдзӕвгӕтӕ ?

      Адарддӕр кӕнут ацы  рӕнхъытӕ.

-  Ныббар мын…

-- Тызмӕгӕй мӕм ма кӕс …

  -Мыггагӕй  мӕ ма фӕрс…

-Лӕг кӕрдзынӕй дӕр ӕфсӕды …

-Раджы хохы цъуппӕй касти …

-Тархъӕды иу саг пырхкалгӕ йӕ уӕнтӕй…

-Зымӕг нӕ хӕхты цух нӕ уадзы …

-Адӕмӕн сӕ рӕсугъд уӕттӕ …

-Ныббар мын, кӕд-иу дӕм мӕ зарӕг…

Инсценировка «Сидзӕргӕс».

25.Ранымайут-ма Къостайы басниты сӕргӕндтӕ?

26.Цавӕр ӕмбисӕндтӕ ӕрхаста Къоста йӕ басниты?

27.Цавӕр нывтӕ скодта Къоста?

      Ранымайут ма сӕ.

Ӕмдзӕвгӕ «Ныфс»

 Ах-ӕг: Къоста цы фӕцард  ,уымӕн йӕ фылдӕр рӕстӕг арвыста Уырысы зӕххыл. Ӕмӕ-иу тынг арӕх мысыд йӕ Райгуырӕн бӕстӕ. Бирӕ уарзта Ирыстон,йӕ мӕгуыр ӕфхӕрд адӕмы, йӕ райгуырӕн хъӕу, йӕ цъитиджын хӕхтӕ.

       Базонут-ма,ацы кроссворд цавӕр дзырдтӕ ӕмбӕхсы?

      Фарстатӕ:

1.Къостайы фыццаг ӕмдзӕвгӕты ӕмбырдгонд.

2.Ӕрцыдтӕн…Мӕхицӕй фыддӕр…

3.Чи фыхта йӕ сывӕллӕттӕн хъӕдурты бӕсты дуртӕ?

4.Хуыцауӕй арфӕгонд нӕ фестӕм …

5.Къонайыл хуысгӕйӕ аргъӕутӕ мысы.

6.Леуаны бӕллицц.

ФӔСУРОКТЫ КУЫСТ

   Ирон ӕвзаджы бӕрӕгбонмӕ

«Мӕлӕн дын нӕй,

                          нӕ фыдӕлты ӕвзаг»

Ахуыргӕнӕг:   

                                 Хӕйманты Ж.А.

«Мӕлӕн дын нӕй, нӕ фыдӕлты ӕвзаг»

                                                                 (Хаджеты Т.)

1-аг амонӕг. Ӕгас нӕм цӕут нӕ зынаргъ уазджытӕ. Абон Ирыстонӕн у стыр бӕрӕгбон. Нӕ бӕрӕгбон кӕнӕм нӕ уарзон мадӕлон ӕвзаджы кадӕн.

2-аг амонӕг. Ирыстон у махӕн нӕ райгуырӕн бӕстӕ. Адӕймаг цы бӕстӕйы, цы зӕххыл райгуыры уыцы фыдыбӕстӕ у йӕ ныййарӕг мад.

1-аг амонӕг. Нӕ гыццыл Ирыстоны ӕнгомӕй цӕрынц уырыссӕгтӕ сомихӕгтӕ,гуырдзийӕгтӕ, дагестайнӕгтӕ, ӕмӕ ӕндӕр адӕмыхӕттытӕ.

2-аг амонӕг. Нӕ раг фыдӕлтӕ иу афтӕ дзырдтой «Кӕй уӕрдоны бадыс,уый зарӕг кӕн»

Афтӕ нӕу?

1-аг амонӕг. Афтӕ у,афтӕ.

Хонгӕ кафт.

2-аг амонӕг. Рагӕй-ӕрӕгмӕ Хетӕкаты Къоста у Ирыстоны ном ӕмӕ кад, йӕ зонд ӕмӕ йӕ уд. 15- ӕм майы 1899 азы мыхуыры рацыд йӕ чиныг «Ирон фӕндыр» кӕцы сси адӕмӕн фӕндагамонӕг стъалы. Уымӕ гӕсгӕ уыцы бон 2003 азӕй фӕстӕмӕ бӕрӕггонд цӕуы «Ирон ӕвзаджы бӕрӕгбон».

1-аг амонӕг. Нӕ рагфыдӕлтӕ нын ныууагътой хъӕздыг ӕмӕ рӕсугъд ӕвзаг. Мах дзы буц стӕм,уымӕн ӕмӕ уый у нӕ культурӕйы, нӕ лӕгдзинады,ӕмтгӕй райсгӕ нӕ адӕмы рӕзыны сӕйраг фӕрӕз. Иу ӕмӕ дыууӕ поэты нӕ загътой се мдзӕвгӕты нӕ ирон мадӕлон ӕвзаджы тыххӕй.

Рацыдысты сывӕллӕттӕ ӕмӕ дзурынц ӕмдзӕвгӕтӕ.

1-аг

Ирон ӕвзаг, ныууагътой нын нӕ фыдӕлтӕ сӕ фӕстӕ.

Ирон ӕвзаг-нӕ ныфс, нӕ кад, нӕ намыс.

Цӕуы ӕнустӕй мингай азтӕй рӕстӕг,

Уӕддӕр зӕронд нӕ дӕ ӕмӕ нӕ хъавыс.

2-аг

Ӕз ӕууӕндын рухс дунеты хуртыл

Равзӕрдис сӕ бӕллицтӕй сӕ ас.

Ӕз иронау хуримӕ фӕдзурын,

Хуримӕ фӕкӕнын ӕз ныхас.

3-аг

Ӕз тӕхын мӕ бӕллицты бӕлонау

Иры взаг-мӕ бӕллицты фысым

Ӕз ирон дӕн- дзурын ӕз иронау,

Базыдтон кӕсын ӕмӕ фыссын.

4-аг

Цард тӕхы мӕ бӕллицты уӕрдонау,

Лӕг нымайы рӕстӕгӕн йӕ цыд.

Ӕз сыгъдӕг куы фӕдзурын иронау,

Уӕд мӕнӕй ныббуц вӕййы мӕ фыд.

5-аг

Дунейы тӕккӕ стырдӕр хӕрзтӕн

У сӕ хуыздӕр мадӕлон ӕвзаг,

Чи йӕм кӕсы иунӕг боны цӕстӕй,

У гъе уый нӕ адӕмы ызнаг.

6-аг

Цӕмӕн ма ис сисӕн ӕвзагӕй уӕлдӕр,

Ирон ӕвзаг равзӕрдис дисӕн.

Цӕмӕн кӕнӕм не взаг нӕхӕдӕг дӕлдӕр,

Ӕвзаг куы у удты ӕвдисӕн.Худындзӕг «Лӕппу ӕмӕ нана»

Лӕппу: Ох хуыцау,рӕвдздӕр ма нӕ хӕдзармӕ куы бахӕццӕ уаин. Ацы скъолайӕ мӕ бон куынӕ уал у. Нана, о нана рӕвдздӕр. Рӕвдздӕр хӕринаг!

Нана: Рауай ма, рауай мӕ къона.

Лӕппу: Цы кӕныс нана? Де рфгуыты бынӕй мӕм цы кӕсыс?

Нана: Цал хатты дын загътон дӕхи хорз дар.

Лӕппу: Ӕмӕ та цы кодтон нана?

Нана: Абон та мӕм дӕ ахуыргӕнӕг дзырдта. Зӕгъма, цы бӕллӕхтӕ сарӕзтай знон скъолайы?

Лӕппу: Знон?

Нана: О мӕ хур знон.

Лӕппу: Ацы ахуыргӕнджытӕ хӕйрӕджытӕ куы сты нана гъе. Ӕз знон скъолайы дуарӕй кӕсгӕ дӕр куынӕ бакодтон.

1-аг амонӕг.Фстаг рӕстӕг мах тынг арӕх фӕдзурӕм: «Ирон ӕвзаг сӕфы»-фӕлӕ йӕ цӕмӕй сӕфтӕй, мӕлӕтӕй фервӕзын кӕнӕм ууыл ныр ахъуыды кӕнын хъӕуы.

Кӕсӕг. Автор Къадзаты с.

  Ис ӕвзагӕй нал дзурӕм иронау,

  Ис хъӕбулӕй не взаг у ӕвӕд.

  Стыр Уырысӕн нал хизӕм йӕ ронӕй,

  Удӕй ма куыд уӕм ирӕттӕ уӕд!

  «Макӕй уарзт»-афтӕ ӕз нӕ дзурын.

  Фӕлӕ уарзтӕй хъуамӕ ма уӕм куырм.

  Зӕрдӕ дӕр цы риуӕн равзӕрд хурау.

  Рухс кӕнӕд ӕппӕты фыццаг уым!

  Кӕсӕг.

  Ирон ӕвзаг, ирон кӕрдзын

  Уӕ сӕрмӕ дӕр куы нал хӕссут!

  Дзӕбӕх мы ут, фӕлӕ тыхстӕй        

  Иронау дӕр куы нал хъӕрзут.

  Йӕхи дурӕй,Йӕ бындурӕй

  Ӕргъӕу мӕсыг цӕмӕн кӕлы?

  Мӕ сау нымӕт, мӕ сау саргъыл

  Мӕ цӕстысыг цӕмӕ згъӕлы?

Сценкӕ «Ладимхан»-3-аг кълас.

Кӕсӕг.»Мадӕлон ӕвзаг» Солтанты Руслан.

Ирон ӕвзаг  ды дӕ сӕрибар,

Дӕ дзырдуат-стъалыты дзыгуыр,

Ӕмӕ дӕ хъысмӕт уӕд нӕхи бар,

Нӕхи цъӕхснаг хъӕлӕс фӕндыр.

Фӕндыримӕ у баст нӕ зарӕг,

Нӕ зарӕг мадӕлон ӕвзаг,

Бӕрзонд иу балцы систа барӕг

Ирон зарӕг хъӕлӕсы дзаг.

Скъоладзаутӕ зарынц «Песня высоких гор»

Цард нӕм –худгӕ хурау худы

Гъей тӕхуды,гъей тӕхуды

Ныр сыгъзӕрин дзырдтӕ ссар

Ирон ног зарӕг ныззар.

           Пр.

Ирыстон, Ирыстон!

Мӕ уарзон Ирыстон!

Мӕцӕсты рухс, мӕ хуры скаст

Зӕрдӕ у дӕуимӕ баст.

Нӕй нӕ урс хӕхтӕй бӕзонддӕр.

Нӕй мӕ ӕхсӕрдзӕнтӕй сомдӕр

Нӕй  мӕ лӕппутӕй лӕгдӕр

Нӕй мӕ чызытӕй хуыздӕр.

2-аг амонӕг. Фидар нын уӕд нӕ Ирыстон. Нӕхи куыд нӕ уал дихтӕ кӕнӕм ирон, дыгурон, къуыдайраг, чысайнаг-ыл, уӕд нӕ иумӕйаг ирон мадӕлон ӕвзаг уыдзӕн ӕцӕг мадӕлон. Мадӕлон ӕвзаг дзыллӕйы ахсджиагдӕр тугдадзин. Мадӕлон ӕвзаг- фыдӕлты хӕзна.

Чеджемты Ӕхсары ӕмдзӕвгӕ «Мады ном ӕнусон» 

1-аг амонӕг. Абон не взаджы хъысмӕтыл фӕдзырдтам. Нӕ номдзыд поэтты ныхӕстӕй. Цӕмӕй нӕ Ирон ӕвзагӕн мӕлӕтӕй тас ма уа, фӕлӕ нын ирд стъалыйау ӕрттива сӕдӕгай азты, уый тыххӕй не ппӕт дӕр, кӕмӕн йӕ бон цас у ӕмӕ куыд у, афтӕ архайа, цӕмӕй махмӕ фыдӕлтӕй цы стыр хӕзна ӕрцыд ,уый дарддӕр, фидӕны фӕлтӕртӕм фӕхӕццӕ кӕнын бафӕразӕм.

2-аг амонӕг. Нӕ абоны бӕрӕгбон кӕронмӕ ӕрбахӕццӕ ӕмӕ нӕ  фӕнды зӕгъын

Къостайы тугӕй фыст ныхӕсты

Ӕз федтон ивгъуыд дуджы уаг

Куыд хорз,куыд кадджын дӕ мӕ цӕсты

Нӕ ирон мадӕлон ӕвзаг!

Музыкалон номыр.    

Фӕсурокты куыст

Темӕ:                                         «Ирыстоны фарны артдзӕст».

Ахуыргӕнӕг:     

                              Хӕйманты Ж.А.

МУЗЫКӔ…

1:Фарны артдзӕст у мӕ бӕстӕ.

Ис дзы кад  ӕмӕ бӕркад.

Уымӕн йе нусон бӕлӕсты

Никуы акӕлдзӕни уад.

2:Ам цӕрынц мӕ уарзон адӕм.

Сты уӕздан ӕмӕ рӕдау.

Уыдон цӕхх ӕмӕ кӕрдзынӕй

Скӕнынц уазӕгӕн ӕгъдау.

3:Уым фӕдисы цӕуынц рагӕй

Баззад ном ӕмӕ цытӕн,

Уым лӕггад кӕнын йӕ зӕххӕн

Уый хуыздӕр нысан лӕгӕн.

4:Цавӕр дӕ,Ирыстон?

5:Цъитиджын ӕмӕ уындджын…

1:Ӕгъдауджын ӕмӕ ныфсджын …

2:Сӕрыстыр ӕмӕ фӕразон…

Иумӕ:

Дӕ зӕхх нын у ӕнустӕм уарзон.

4:Базонут-ма,уый та циу:»Нӕ дӕлдон кӕны ,нӕ йӕ дымгӕ хӕссы,нӕ йӕ абырӕг давы»?

5:А-а-а…базыдтон ӕй: зонд!

4:Раст! Стӕй ма фӕзӕгъынц:»Зондджын, дам,-бонджын».

1:Ирон аргъау «Паддзах ӕмӕ зондджын лӕппу».

Амонӕг: Цардис ӕмӕ уыдис иу паддзах .Иухатт ӕрӕмбырд кодта йӕ дӕлбар адӕмы се ппӕты дӕр ӕмӕ загъта…

Паддзах:

-Уе ппӕтӕй зондджындӕр чи у ,уый мын раттӕд дзуапп ацы фарстӕн: чи у дунейыл хуыздӕр, рӕсугъддӕр ӕмӕ хъӕздыгдӕр?

Мӕ зӕрдӕмӕ кӕй ныхӕстӕ фӕцӕуой,уымӕн ратдзынӕн мӕ чызджы.

Амонӕг:

-Балӕууыдысты амӕй-ай зондджындӕртӕ паддзахы размӕ ӕмӕ йын зӕрдӕхалӕн ныхӕстӕ кӕнын райдыдтой.

1 лӕг:Дӕ хорздзинӕдтӕн кӕрон нӕй …Ды дӕ сеппӕтӕй хуыздӕр .

2 лӕг: Дӕ сыгъзӕрин ӕмӕ ӕвзист чырынты нал цӕуынц… Дӕуӕй хъӕздыгдӕр чи у зӕххыл?

3 лӕг:Дӕ цӕсгом у хурау райдзаст,мӕйы рухсӕй ирддӕр… Ды дӕ тӕккӕ рӕсугъддӕр дунейыл.

Амонӕг:

Паддзахӕн ӕхсызгон уыдысты ацы ныхӕстӕ, фӕлӕ уӕддӕр бафарста…

Паддзах

(тызмӕг хуызӕй):

Х-м-м…Кӕд ма,миййаг, искӕй фӕнды зӕгъын…Ничиуал ис ӕдде?

Фӕсдзӕуин:

Дӕлӕ ма иу мӕгуыр зӕхкусӕг баззадис…

Паддзах:

-Ракӕнут-ма йӕ ардӕм.

Амонӕг:

Ӕрбакодтой мӕгуыр лӕппуйы. Паддзах ӕй фӕрсы:

-Кӕм уыдтӕ ныры онг: иууылдӕр ам куы сты, уӕд…

Лӕппу: Мӕ куыст цалынмӕ фӕдӕн,уӕдмӕ мын рацӕуӕн нӕ уыдис…

Паддзах:

Уагӕр цавӕр куыст уыдис?

Лӕппу:

-Арв фӕхуынкъ ис ӕмӕ йӕ ӕмпъызтон…

Паддзах (хинӕйдзаг каст бакодта):

-Ӕмӕ уӕдӕ цӕмӕ уары абон?

Лӕппу:

-Куы мӕм фӕдзырдтай, уӕд дзы иу гӕбаз ӕнӕмпъызтӕй аззадис.

Паддзах:

-Кӕд ахӕм дзырдарӕхст дӕ,уӕд ма мын зӕгъ: чи у дунейыл хуыздӕр, рӕсугъддӕр ӕмӕ хъӕздыгдӕр?

Лӕппу:

-Хорз у зӕхх,адӕмы чи дары.Рӕсугъд у уалдзӕг,зӕххӕн йӕ хуыз чи скалын кӕны алыхуызон дидинджытӕй. Хъӕздыг та у фӕззӕг, къутутӕ хорӕй чи байдзаг кӕны.

Амонӕг:

Паддзах тынг бадис кодта лӕппуйы ныхӕстыл ӕмӕ загъта…

Паддзах:

Ахӕм зондджын чи у йе рыгон бонты, уымӕн царды ницӕмӕй тас у. Мӕ чызг та ахӕм лӕджы къухы уыдзӕн амондджын.

Амонӕг:Ракуырдта лӕппу паддзахы чызджы ӕмӕ амодджынӕй цӕрынц абоны онг дӕр ма.

1:Уыдоны рцыдмӕ дзӕбӕхӕй,ӕнӕмастӕй цӕрут сымах дӕр!

2:Уӕ хъӕбулты хурӕй ӕфсӕст ут!

3:Иры фарнӕй хайджын ут!!