Тәрбия планы
классный час по теме

Муниципаль бюджет гомуми белем  учреждениесе «Татарстан Республикасы Буа муниципаль районы

Черки Килдураз урта гомуми  белем бирү мәктәбе »

Укучы шәхесен

үстерү һәм тәрбияләү

планы

2-4 нче сыйныфлар җитәкчесе: Гыйльфанова Д.Р.

2016-2017 уку елы

УКУЧЫЛАР ИСЕМЛЕГЕ

Мәктәптә укыту-тәрбия бирүнең төп темасы һәм максаты:

   “Гомумкешелек сыйфатларына нигезләнгән, белем баскычында укыту стандартын үзләштергән, уңышларга ирешүче, югары әхлаклы шәхес формалаштыру”

Сыйныф житәкчесенең тәрбия темасы:

“Укучыларда әдәплелек һәм аралашу культурасы тәрбияләү”

Максат:

     Укучыларның төрле очракларда аралаша белү күнекмәләрен камилләштерү, үз-үзеңне культуралы тоту күнекмәләре тәрбияләү

Уку елына төп тәрбияви бурычлар:

1. Укучыларның гомуми үсешен һәм шәхси үзенчәлекләрен өйрәнү:портфолио туплау; балаларга мәктәптә, сыйныфта, мәктәптән тыш үз-үзеңне тоту кагыйдәләрен өйрәтү һәм  үтәүләренә ирешү.

2. Балаларда мәктәпне ярату, укуга, хезмәткә җаваплы караш тәрбияләү.

3. Көтелмәгән хәлләр килеп чыкканда үз-үзеңне дөрес тота белү сәләтен үстерү, сәламәт яшәү үрнәкләрен аңлату.

4. Туган илебезгә, аның табигатенә, байлыкларына сакчыл караш тәрбияләү.

5. Коллективта  җаваплылык, теләктәшлек, таләпчәнлек, гаделлек сыйфатлары, үзара дуслык мөнәсәбәтләре тәрбияләү.

6. Балаларның сәламәтлекләрен саклау буенча тиешле чаралар уздыру, көндәлек режимны үтәү, буш вакытны файдалы итеп үткәрергә өйрәтү.

7. Укучыларның әти-әниләре белән тыгыз элемтәдә тору, барлык тәрбия эшләрен бергәләп үткәрү.

Кереш

Мәктәп һәрвакыт буыннарның рухи мәдәниятен үзара бәйләүче тәрбия учагы булды.

Тәрбия-ул куелган максатка тәңгәл килә торган үзара бәйләнгән тәрбия чаралары системасы.

     МБГБУ “ ТР Буа муниципаль районы Ч.Килдураз урта гомуми  белем бирү мәктәбе”нең    2016/2017 нче уку елына алган укыту - тәрбия бирүнең төп максаты:

      “Гомумкешелек сыйфатларына нигезләнгән, белем баскычында укыту стандартын үзләштергән, уңышларга ирешүче, югары әхлаклы шәхес формалаштыру”.

     Укучыларда гомумкешелек сыйфатлары  тәрбияләү юнәлешендә эшләүне  нигез итеп алганда, мәктәп бусагасын атлап кергән укучыларны тәрбияләүне түбәндәге эшләр аша тормышка ашырырга мөмкин:

-мәктәпкүләм бәйрәмнәр уздыру;

-әкиятләр уку,тыңлау, тәрбияви якларын ачыклау;

-мәкальләр өйрәнү һәм мәгънәләрен аңлату;

-табигать кочагына, китапханәгә, музейга экскурсияләр ясау;

     -әңгәмәләр һәм класс сәгатьләре аша;

-табышмаклар аша фикерләү сәләтен үстерү;

-класстан тыш эшләрдә:  әкиятләр сәхнәләштерү, мини -концертлар, бәйрәм чараларында  катнашу;

-физкультминутлар, хәрәкәтле уеннар аша;

-әти-әниләр җыелышлары.

 Теләсә нинди шартларда үзен дөрес тота белүче, җәмгыять өчен иң файдалы булган юлны сайлый белүче һәм шул юлны бернинди кыенлыкларга һәм каршылыкларга карамастан, ахырына кадәр илтеп җиткерергә үзендә көч һәм ныклык таба алучы һәм шуңа сәләтле кешене генә тәртипле кеше дип атарга була.

      Тәртипле шәхес ул уңай йогынтыларның бөтен  җыелмасы белән генә тәрбияләнергә мөмкин. Уен, күңел ачу,файдалы хезмәт һәм ял вакытын ничек үткәрү дә бу мәсьәләдә мөһим урын тота. Менә шушы йогынтылар барысы бердәм тәэсир иткәндә дөрес тәрбия булырга, бары тик шуның нәтиҗәсендә генә тәрбия җимешләрен татырга мөмкин.

Кешелек үзенең тарихи яшәеше дәверендә гаять бай тормыш тәҗрибәсе туплаган. Аның бер өлешен яшь буынны мөстәкыйль тормышка хәзерләү тәҗрибәсе тәшкил итә. Һәр милләтнең, һәр халыкның бу өлкәдә үзенә генә хас карашлары, үзенчәлекле фикерләре, тәрбия алымнары, гасырлар буе сакланып килгән гореф-гадәтләре(халык педагогикасы) бар.

Халык педагогикасы – ул тормышта, тәрбия процессында сыналган, буыннан-буынга күчеп камилләшкән, халык тарафыннан киң кулланылган тәҗрибәгә нигезләнгән укыту- тәрбия турындагы тәгълимат.

     Кайбер гадәтләр, йолалар, иң борынгы чорларда ук барлыкка килеп, безнең көннәргә кадәр сакланып калганнар.Алар бигрәк тә кешенең табигатькә мөнәсәбәтендә,әдәплелек кагыйдәләрендә,яшәү рәвешендә ачык чагыла.

Халык педагогикасының асыл өлешен тәшкил иткән халык авыз иҗаты (әкиятләр, тизәйткечләр, табышмаклар, уеннар, мәкальләр һ.б.) аша  балаларда гомумкешелек сыйфатлары, дуслык, татулык тәрбияләү бурычы тора.

Халык әдәпсезлек һәм наданлыкны өнәмәгән, аннан ачы көлгән.Түбәндәге татар халык мәкальләре бу фикерне тагын да ачыграк чагылдыра: “Сукыр тавыкка бар да бодай”, ”Надан белән бәхәсләшү –үзе наданлык билгесе”, ”Наданның белгәне-белмим” һ.б. Андый кеше башкаларга бер файда да китерми, китерә дә алмый. Кешене барыннан да элек зирәклеге өчен хөрмәтлиләр.

Халык педагогикасы мирасының әһәмияте, кыйммәте ир балалардан да, кыз балалардан да бер үк төрле акыл тәрбиясе таләп ителүдә.

Тәртип ниндидер аерым “дисциплиналар” чаралар ярдәмендә барлыкка килми, бәлки тәрбиянең бөтен системасы; тормышның барлык шартлары, балага ярдәм итә торган барлык йогынтылар белән барлыкка килә.

Шулай итеп, без тәртип төшенчәсеннән барлык тәрбия эшенең киң мәгънәдәге гомуми нәтиҗәсен аңлыйбыз.

4ел эчендә укучыларны тәрбияләүдә түбәндәге нәтиҗәләргә ирешермен дип уйлыйм:

1.Мин – укучы. Ә укучы кеше мәктәптә һәм җәмәгать урыннарында үз-үзен әдәпле, итагатьле һәм укучылар өчен булган кагыйдәләрне төгәл үтәүче;

2.Классташлары белән дус һәм ягымлы аралаша белүче;

3.Сәнгатьне яратучы, мәктәп һәм авыл күләмендә үткәрелгән  концертларда актив катнашып үзенең сәләтен күрсәтә белүче;

4.Үзен, классташларын,әти-әнисен яратучы, укытучыларны хөрмәт итүче, кайгыртып, ярдәмләшеп яши белүче;

5.Сәламәт һәм хезмәт сөюче укучылар итеп тәрбияләү.

Ел дәвамында класс җитәкчесе эшенең циклограммасы.

       1) Укучыларның туклануын оештыру.

       2) Укучылар белән мөстәкыйль эшләү.

       3) Класс бүлмәсендә кизү торуны тәртипкә салу.

       4) Дәрес калдырган укучыларның дәрестә булмау сәбәпләрен ачыклау.

       5) План буенча класста тәрбия эшен оештыру.

       6) Ата –аналар белән индивидуаль(шәхси)  эшләү.

       7) Чирек саен ата-аналар җыелышы үткәрү.

       8) Ел башында һәм азагында укучыларның шәхси карталары белән эшләү.  

Атналык бүленеш.

Дүшәмбе-  ирекле аралашу

Сишәмбе- мәктәп линейкасы

Чәршәмбе-сәламәтлек көне, түгәрәкләр эшчәнлеге

Пәнҗешәмбе-яңалыклар белән танышу

Җомга-  сәламәтлек көне,

Шимбә - сыйныф сәгате,атналык эшләргә йомгак

Класста кабул ителгән эшләр.

Укучыларны туган көннәре белән котлау .

Ата-аналарны бәйрәмнәргә чакыру.

Елга ике тапкыр ата-аналар өчен ачык дәресләр күрсәтү.

Коллективта яшәеш законнары.

1.Тыңларга , карарга һәм күрергә, аңларга һәм нәтиҗә ясарга өйрән!

2.Түземлелек күрсәт һәм түземле булырга өйрән

Класс коллективына кыскача характеристика.

2016/2017 нчы уку елында 2-4 классларда (1 класс-комплект) : 2 нче класста 7 бала- 3 малай, 4 кыз укый ; 4 нче класста 8 бала - 3кыз, 5малай укый. Балаларның 13е  шушы авылдан, 2укучы (Тарасов П.,Абейдуллова А.) - күрше Өчмунчадан. Укучылар татар,рус телендә сөйләшә, аралаша.

4 бала (Рафикова А.-2кл.,Сиразов Н.-2кл., Шакирҗанова Р.- 4 кл, Фәсхетдинова А. – 4 кл) – тулы булмаган гаиләдән .  

     Быелгы уку елында укучыларны бер коллективка туплау, әдәпле булырга өйрәтү, культуралы аралашу күнекмәләрен үстерү өстендә эшләүне дәвам иттерү бурычы тора. Шуңа күрә мин 2016/2017 нче уку елында, алда куелган максатларга ирешү өчен, ”Укучыларда әдәплелек һәм аралашу культурасы тәрбияләү” дигән тема буенча тәрбия эшен дәвам иттерәчәкмен.

1.Белем алуга омтылыш тәрбияләү

2. Гражданлык позициясе  һәм патриотик тәрбия

3.Әдәп-әхлак  тәрбиясе һәм балаларны мәдәни мираска тарту

4. Физик тәрбия һәм балаларда сәламәт яшәү     рәвеше тәрбияләү

5. Хезмәт тәрбиясе

              7. Экологик тәрбия

8.«Татарстан варислар берлеге»   оешмасы белән эш (мәктәп планы буенча)

9. Гаилә. Ата-аналар белән эш

Сыйныф активы:

Командир - 

Уку секторы -

Спорт секторы -

Культсектор -

Чисталыкны саклаучы -

 Хуҗалыкчы -

Башлангыч сыйныфларда юл йөрү кагыйдәләрен  өйрәнү планы (2-4)

Сыйныф сәгатьләре тематикасы

Сентябрь

Мәктәп буенча экскурсия. Укучылар өчен үрнәк кагыйдәләр белән таныштыру.

Юл йөрү кагыйдәләрен һәркем белергә тиеш.”Өй-мәктәп-иң тыныч маршрут”.

Әдәплелек  турында сөйләшәбез .Татар халык әкиятләрен карау.

Көндәлек режим турында. “Минем кызыксынуларым, өйдәге көндәлек эшләрем” – укучылар чыгышы.      

Октябрь

«Өлкәннәрне  хөрмәт ит».Хикәяләр уку.Бүләк ясау.

Музыка дөньясында.Уңыш бәйрәменә җырлар,биюләр өйрәнү.

«Безнең әйләнә - тирәлек». Юл йөрү кагыйдәләре.

«Гадәт китми, чир китә». Шәхси гигиена кагыйдәләре.

Беренче чирек йомгаклары. Каникулга биремнәр.

Ноябрь

Юл йөрү кагыйдәләре (план).

Минем гаиләм.

Сәламәтлеккә юл. Ничек чыныгырга?

Декабрь

Уку безнең төп эшебез.

РФ Конституциясе Көне - бу нинди бәйрәм?

«Без кунакка барабыз». Культуралы кеше турында сөйләшү. Икенче чирек йомгаклары. Юл йөрү кагыйдәләре  (план)..

Январь

Сәламәт булырга өйрән.

Тырыш укучы.

Чын күнелдән сөйләшү. «Дус яшәү серләре».

Февраль

Ватанны саклаучылар көне

Юл йөрү кагыйдәләре (план).

Киң күнеллелек.

«Ничек кыю булырга?» Батырлык турында хикәяләр уку.

Март

«8 Март-Халыкара хатын-кызлар көне». Башлангычлар бәйгесе.

Юл йөрү кагыйдәләре(план).

Туган ягым халыклары.

Минем өйдәге китапханәм.

Апрель

Яшь натуралистлар  - кемнәр алар?

Кеше әйберенә тияргә ярыймы ?

Юл йөрү кагыйдәләре (план).

Г.Тукай бәйрәме.Балалар иртәсе.

Май

Сакчыллык турында. Табигатьне сакларга өйрән.Экскурсия.  Вакытның кадерен бел.  Без бу уку елында нәрсәләргә өйрәндек?