М.Җәлил иҗатында бишек җырлары.
план-конспект занятия (1 класс)

Бишек җыры... Никадәр йөрәк түреннән чыккан ягымлы сүзләр, иксез-чиксез матур хыяллар, берни белән дә чагыштырып булмаслык ана мәхәббәте күңелләрнең иң нечкә кылларын тибрәндерерлек моң булып агыла да агыла.Бишек җырлары- әни белән баланы  бәйли, бишек җырлары телебез ачкычы. Төрле чит ил көйләре белән тирә ‑ ягыбыз  тулганда, татар көйләрен саклап калу,  балаларга өйрәтү бик мөһим. Бишек җырлары- моның нигезе.             Язучы прозаиклар да, шагыйрьләр дә үзләренең әсәрләрендә әлеге проблеманы яктыртырга  тырышалар. Композиторларыбыз ул шигырьләргә көй чыгаралар.      Муса Җәлилнең “Бишек җыры” 1937 нче елда язылган.  Композитор Заһид Хәбибуллин тарафынан көйгә салынган.  Шигырьдән аңлашылганча, әнисе баласын бишеккә салып әкрен генә тирбәтә һәм көйли.  Ана сабыен “күз нурым”, “матурым”,” матуркаем”,  “тулган аем” , “нәни”,”бәби” кебек назлы сүзләр белән атый,  аның үсүен алсу гөл белән  чагыштыра.