Классный час "Театр-илышын воштончышыжо"
классный час (3 класс)

Классный час

Театр - илышын воштончышыжо.

Цель:

1. Йоча-влакым Марий Эл республикысе театр-влак дене палдараш;
2. Параньга кундемысе артист-влак дене палдараш;
3. Театрыште шкем чын кучымо нерген олаш.
4. Артист-влакын йылме чаткалыкышт да яндарлыкше дене палымым ышташ.

Задаче:

1. Йылме лывыртыме пашам шукташ, уш-акылым пойдараш;
2. Шкем теартыште чаткан да чын кучаш туныкташ;
3. Артист-влак дене кугешныме, пагалыме кумылым шуйдараш.

Оборудований: плакат-влак, фотосÿрет-влак, интерактивный доска, афише, билет, М.Якимовын «Ӱмыр корнына» почеламутшо, картон, вашкÿзӧ, клей, цветной кагаз.

Доскаште:

Театр – илышын воштончышыжо. М.Шкетан.

Талант лÿддымö лийшаш. Валентин Косоротов.

Искусство – тÿня гаяк, тудын тÿҥалтышыжат пале огыл, мучашыжат нигунам ок кой. Валентин Косоротов.

Туныктышо: Поро кече, йоча-влак! Таче мемнан оҥай да уна-влаклан поян классный час эрта. Чыланат уна –влак дене саламлалтына. Шинчына. Те, векат, умылышда, таче ме группышто пашам ыштена.

Айста чылан доскаш ончалына. Лудына. (Йоча-влак кластер-влакым лудыт)

-А те тогдайышда, мо нерген ме таче кутыраш тÿҥалына? (Чын, театр нерген.)

Тений 2019 ий- Театрын идалыкше. А те паледа мо тыгай театр?

Йоча-влакын вашмутышт:

Театр – тиде грек йылме гыч «ончаш погынымо вер» манмым ончыкта.

Туныктышо: Тыланда театрыште лияш пиал шыргыжалын? Театрыште спектакль але балет лиеш манын те кушеч пален налыда?

Йоча-влакын вашмутышт:

Туныктышо:Чын. Афишыште чыла ончыктыман: кушто, кунам, мыняр шагатлан, акым да постановка гыч ужашым.

А те паледа, мыняр театр уло Йошкар-Олаште?

Йоча-влакын вашмутышт:

Туныктышо: М.Шкетан лÿмеш кугыжаныш театр,Э.Сапаев лÿмеш Марий кугыжаныш опера да балет театр, Самырык театр (ТЮЗ), Курчак театр, Г.Константинов лÿмеш драм театр. (туныктышо фотосÿрет-влакым ончыкта)

Йоча-влак, а молан ме театрыш коштына? Кузе ме тушто шкеннам кучышаш улына?Этикетым паледа мо?

Йоча-влакын вашмутышт.

• Театрыште шып шинчыман, кутырыман, йÿкын кычкырен шинчыман огыл;
• Кампетым, тÿрлӧ кочкышым кочман огыл;
• Совым ужаш пытымек але спектакль деч вара гына кырыман;
• Лекмыда шуэш гын, шып, ончаш толшо дене шинчаваш лийшаш улыда;
• Театр артист-влаклан спектакль деч вара пеледыш аршашым кучыкташ лиеш.

Туныктышо: Кӧ театрыште пашам ышта?

Йоча-влакын вашмутышт.

Туныктышо: Чын, артист-влак. А те могай артист-влакым паледа? Параньга кундемысе артист-влакым паледа?

Йоча-влакын вашмутышт.

Туныктышо: Мемнан Параньга район гыч ятыр артист-влак улыт.

(Артист-влак нерген тунемше-влак ойлат.)

Илья Иванов - Матародо селан эргыже. Тудо 6 ияш школыш тунемаш каен. Матародо кыдалаш школышто 8 класс марте шинчымашым поген. Куженер районысо Кульшит ялысе, вараже Матародо клубышто вуйлатышылан тыршен. Армий деч вара Йошкар-Олаш режиссерлан тунемаш каен. Ик ий гына тунемеш, Москосо Луначарский лÿмеш театральный институтыш тунемаш пура. Пырля тунемше йолташыже-влак-кызытсе кумдан палыме артист Иван Смирнов, Маргарита Медикова, Юрий Васильев. Тунем лекмеке, М.Шкетан лÿмеш кугыжаныш драм театрыште пашам ышта. Тудо шуко онай рольым чонен.

Андрей Бусыгин – Ермучаш ялын эргыже, Марий Эл Республикын сулло артистше, М.Шкетан лÿмеш кугыжаныш театрын артистше. Школышто тунеммыж годымак художественный самодеятельностьыш коштын, драматический кружокыштат шке мастарлыкшым кумылын ончытен. Москвашке, М.Щепкин лÿмеш Кÿшыл театр училищыш, актёрлан тунемаш погымо нерген уверым колмек, шкенжым мастарлыкшым терген ончынеже улмаш. Шонымашкыже шуын – конкурсым нелылык деч посна эртен, элнан рÿдолаштыже вич ий тунемын да, 1998 ийыште театр образованийым налын, Марий театрыш пашаш толын.

М.Шкетан лÿмеш Марий кугыжаныш драма театрыште тудо шкенжым чыла велымат ончыктен: марий драматург-влакын пьесышт почеш веле огыл, руш да йот элласе автор-влакын произведеийлашт почеш шындыме спектакльлаште режиссёр-влак тудлан тÿрлö рольым ÿшанат. А.Бусыгин – шкешотан актёр. Тудым Марий национальный театрын ик комикше Илья Россыгин дене таҥастарат: сценыште Андрей тÿрлö лийын кертеш, кажне рольышто тудо йöршеш вес койыш-шоктышан. Эреак уым кычалеш, мастарлыкшым кечынак шуара.

Геннадий Гордеев- поэт, писатель, драматург. Геннадий Гордеев - Ондропсола ялын эргыже. Тудо Марий универститетыште журналист факультетшым тунем лектеш. «Пионер йÿк», «Кугарня», «Марий Эл» газетыште , вараже марий телевиденийыште пашам ыштен. 2002 ий гыч Самырык театрыште пашам ышта. Тудо артист-влакын пашаштым онча, акла. Геннадий Гордеев режиссер пашам шукта. Тудын возымо триллогийжым, пьесыжым театр сценыште ик гана вел огыл модын ончыктымо.

Андрей Алексеев - мемнан школнан выпускникше. Кызыт тудо тÿвыра да сымыктыш колледжыште шинчымашым пога, Самырык театрыште массовкышто модеш. Т,удо мемнан ÿшанле да сулло артистше лиеш манын ÿшанен кодына да кугу кÿкшытыш шуаш тыланена.

Туныктышо:Айста Андрей Бусыгинын модмыжым ончалына.

Видеом ончаш темлена.

А ончаш толшо уна-влак ончыкылык артитслан пеледышым ыштат.

Туныктышо: Йоча-влак, те кузе шонеда, артист лияш неле але куштылго?

Йоча-влакын вашмутышт.

Туныктышо: Мый неле манын шонем. Мыняр шомакым шарныман, образышке пурен моштыман, чын, ару, яндар йылме дене мутланыман.

А кызыт ме тендан дене артист лийын ончена. Кажне группо гыч ик артистым ойырыза. Мый тыланда тендан наизусть тунемме М.Якимовын «Ӱмыр корнына» почеламутшым тÿрлӧ тÿкын лудаш темлем.

1 группо: Пуйто 5 км куржында.

2 группо: Пуйто тыланда пеш чот оҥай.

3 группо: Пуйто тиде кугу секрет и нигӧлан ойлаш ок лий.

Йоча-влакын модын ончыктымышт.

Молышт ончаш толшо улыт. Артистлан пеледышым пуат, совым кырат.

Туныктышо: Йоча-влак, таче ме тендан дене мо нерген мутланенна?

Йоча-влакын вашмутышт.

Туныктышо: А таче те мом уым пален налында?

Йоча-влакын вашмутышт.

Туныктышо: Кызыт группышто паша.

1 группо: Маскым ышта. Классный час келшен гын, воштылшо, весела маскым ышта, келшен огыл гын - ойгырышо, огеш пале гын-шонышо чурияным.

2 группо: Тендан ончылно афишылан шуко тÿрлӧ возымо репертуар, сÿрет. Тендан задаче: афишым ышташ.

3 группо: Синквейным шона.

Туныктышо: Кажныже шке пашажым кызыт мыланна палдара. Кынел шогалын ончыктат. Синквейным доскашке возат.

Йоча-влакын вашмутышт.

Театр.

Оҥай, пайдале.

Ончыктат, модыт, воштылтат.

Театр-тиде воштончыш.

Искусство.

Туныктышо: Мый таче тендан кумылдам савыренам шонем. Тыланем театрыш миен толаш да тушто шуко оҥайым пален налаш. Ала тендан коклаште ончыкылык артист шинча, Сандене, йоча-влак, ида вожыл, шуаралт шогыза, веет мыланна кумдан палыме еҥ лияш пример шуко уло.