Курчак белән уйныйбыз
план-конспект занятия (младшая группа) на тему

Максат:Уенчык персонажларның әкият геройларының хәрәкәтләрен кабатлый, күрсәтә белүләрен, хис- кичерешләр белән җавап бирү сәләтләрен үстерү. Балаларда бәйрәм рухы булдыру.

Күрсәтмәлелек: Курчак коляскада

Катнашалар: Эт- бер зур бала, Курчак- бер зур бала.

Зал бәйрәмчә бизәлгән.  Балалар залга керәләр

Тәрбияче:Бүген бездә зур бәйрәм ! Зал матур итеп бизәлгән, кунаклар килгән. Нинди бәйрәм дисезме? Бүген бездә әниләр бәйрәме.

                          Бәйрәмсез бик күңелсез бит-

                          Күңелсездер сезгә дә.

                          Бәйрәмнәр кирәк безгә дә-

                          Бәйрәмнәр кирәк сезгә дә-

                          Кирәк һәммәбезгә дә!

Кадерле әниләребез, апаларыбыз, әбиләребез, дәү әниләребез, килгән кунаклар барыгызны да якынлашып килүче яз бәйрәме 8 март  халык –ара хатын кызлар бәйрәме белән чын күңелдән котлыйбыз. Сезгә эшегездә , тормышыгызда зур уңышлар бәхет шатлык телибез.

Ә хәзер котлау өчен сүзне бакча мөдире   Гүзәл Рифәк кызы Сарваровага бирәбез .

Тәрбияче: Балалар,  карагыз әле, нинди матур курчак!

Безнең курчак бик иркә ,

Башларында кәсинкә,

Күлмәгедә сәрпинкә,

Аягында бәтинкә,

Алтын чәчле , зәңгәр күзле,

Коеп куйган кәртинкә.

Безнең курчак уянды,

Чиста итеп юынды.

Тәрбияче:Без дә  юына беләбез, дәрес, бит балалар. “Йомшак су” күнегүе

      Чиста су , йөгрек су,

      Бит, кулларны

       Ю,ю, ю.

       Суы сарыксын,

       Үзе калыксын,

       Ятып йокласын,

       Торып уйнасын,

       Елап тормасын,

       Елак булмасын.      

Тәрбияче: Менә ,балалар,курчак та , без дә юындык.

                         Бик чиста , матур булдык.

                      Ә хәзер безгә ашарга кирәк,

                         Ботка пешерик тизрәк.

Уен: “Ботка.”

Ботканы без пешерәбез,

Менә шулай болгатабыз.

Лепер-лепер пешә ул,

Бигрәк тәмле икән шул.

Ботканы без пешерәбез,

Менә шулай болгатабыз.

Ботка ашарга кирәк,

Ап – ак теш чыксын тизрәк.

Тәрбияче: Әлли,әлли,әллилә,

                  Әй рәхәт бүген бездә.

                  Әлли,әлли,әллилә

                  Урамга чыгыйк бергә.

Тәрбияче: Балалар, чү, бу нәрсә икән?

                    Күзләре көлеп тора,

                     Койрыгы йөреп тора.

                     Үзе туптай сикергәләп,

                     “Һау-һау!”-дип өреп тора.

Балалар:  Эт.

Тәрбияче:Әйе,  эт , дөрес балалар.

Эт:  Мин –Акбай ,

                  Бигрәк уңган маэкмай.

                  Көне буе йөгерәм,

                  Төне буена өрәм.

                  Һау! Һау! Һау!Һау!

                  Дөнья булсын сау , сау.

Тәрбияче:Менә шундый шаян ,

                   Менә шундый наян,

                  Бер өзлексез уйный,

                  Җаен таба каян?

Акбайны ярату балалар белән.

Тәрбияче:   Әйдәгез ,без дә Акбай белән уйнап алыйк.

Уен: “Йонлач көчек.”

 Тәрбияче: Чү, балалар, ишетәсезме,  кемдер елый.

 Тәрбияче:  Айсылуым, курчагым,

              Нигә елыйсың тагын?!

              Элек бит гел шат идең,

              Белмим елаган чагың…

Курчак: Сез бит мине сөймисез,

                “Айсылуым !”-  димисез.

                 Башкалар белән уйныйсыз,

                 Миңа карап та куймыйсыз.

 Тәрбияче: Абау,тәти курчагым,

                     Бу ни дигән сүз тагын?!

                     Алар бит кунак кына,

                     Яратабыз без сине,

                     Яратабыз күр, менә.

                    Курчакны ярату.

Тәрбияче:  Курчакны без юатыйк,

                   Кул чәбәкләп биетик.

Уен: “Чәбәк-чәбәк”

Тәрбияче:     Беркем читтә калмасын,

                       Безнең белән уйнасын.

                       Бергә бәйрәм иткән көннәр

                       Онытырлык булмасын.

Җырлы- уен: “Күрсәт әле үскәнем”.

Тәрбияче:      Бик күңелле уйнадык.

                         Күп нәрсәгә өйрәндек.

                         Инде хәзерял итик,

                         Курчакны да тирбәтик.

Бишек җыры.