“Сәламәтлек-зур байлык” темасына оештырылган белем бирү эшчәнлеге конспекты (“Танып белү үсеше” белем бирү өлкәсе)
план-конспект занятия по развитию речи (старшая группа)

Яшь төркеме

зурлар

Тема

“Сәламәтлек –зур байлык”

Интеграль белем бирү өлкәләре

Танып белү, Социаль-аралашу.

Физик үсеш. Нәфис-эстетик үсеш.

Сөйләм үстерү.

Төре

Интеграль белем бирү эшчәнлеге

Балалар эшчәнлегенең специфик төрләре

Уен-сәяхәт, тирә – юнь белән танышу,аралашу,хәрәкәтләнү

Максат

балаларда сәламәтлекне сакларга, аның кадерен белергә, юл йөрү кагыйдәләрен төгәл үтәргә, спортка уңай караш тәрбияләү.

Бурычлар

Урам хәрәкәте кагыйдәләрен үтәүнең әһәмиятен искәртү, балаларны игътибарлы булырга өйрәтүне дәвам итү, сөйләм телләрен үстерү.Җәмәгать транспортында үзеңне әдәпле тоту, үз-үзләрен тәртипле тотарга күнектерү.

 Чиста-пөхтә йөрү күнекмәләрен үстерү,үз сәламәтлегең кайгыртучанлык һәм чисталыкка омтылыш тәрбияләү.Сәламәтлекне саклау ысуллары белән таныштыру,

Методик алымнар һәм чаралар

Уен,әңгәмә,сораулар,музыка тыңлау.

Җиһазлау

 Проектор

Алдан эшләнгән эш

Юл йөрү кагыйдәләрен кабатлау, мультфильм “Мойдодыр” карау,табышмакларга җавап табу, әңгәмә.

Барышы

Тәрбияче: Исәнмесез, хәерле көн, балалар!

 Балалар: Исәнмесез, хәерле көн!

 Тәрбияче: - балалар,буген көн нинди?

Балалар: кояшлы, матур.

 Тәрбияче: -Сез сәяхәткә барырга яратасызмы?

-Димәк,без бүген кояшлы көндә сезнең белән шәһәрләр буенча сәяхәткә барырбыз.

-Ә без нәрсәгә утырып бара алабыз?

-Моның өчен мин сезгә табышмак әйтәм, сез игътибар белән тыңлагыз.

Нинди гаҗәеп өй бу?

Һәр ягы тәрәзәле

Аягында резина,

Бар ашаганы бензин

Бу нинди өй? (Автобус)

(Җавап тыңлана)

-Әйе, балалар дөрес.

 Тәрбияче: Әйтегез әле, автобус ни өчен кирәк соң?

Балалар: Кешеләр йөртер өчен автобус кирәк, ерак юлларга барыр өчен кирәк.

-Автобуста йөрүче кешеләрне кемнәр дип атыйлар?

Балалар: Автобуста йөрүче кешеләрне пассажирлар дип атыйлар. (Бергәләп әйтәләр)

Тәрбияче: Автобусның кайсы ишегеннән керергә кирәк соң балалар? (Арткы)

-Ә кайсы ишегеннән төшәбез? (Алгы)

Тәрбияче: Әйдәгез әле, балалар, автобуста үз-үзеңне ничек тотарга кирәклеген искә төшереп китик.

Балалар: Автобуста барганда бер-береңә комачауларга ярамый. Тәрәзәдән башны, кулны чыгарырга ярамый. Кычкырып сөйләшергә ярамый. Шофер белән сөйләшергә ярамый. Чүпләргә, музыка тыңларга ярамый. Йөгереп йөрергә ярамый. Өлкәннәргә урын бирергә кирәк.

Тәрбияче: Булдырдыгыз, балалар. Автобус тукталышына бару өчен юлыбызны дәвам итик. Балалар, ни өчен соң туктап калдыгыз әле?

Балалар: Автобус тукталышы билгесе тора.

(Билгесен күрсәтәм). Кайдан белдек автобус тукталышы икәнен?

Балалар: Автобус төшкән рәсем тора.

Тәрбияче: -Автобуста утырып барыр өчен кассадан нәрсә сатып алырга кирәк әле?

Балалар: Билетлар сатып алырга кирәк.

Тәрбияче: - Без буген сатып алмыйбыз, ә җавап биреп алабыз. Кем дөрес җавап бирә билет шуныкы, рәсем буенча таны.(юл йөрү кагыйдәләре буенча билгеләр курсәтәм)

- Ә хәзер автобуска этешмичә генә урындыкларга кереп утырабыз. Кызларны алдан кертәбез. (Балалар утыралар). Шәһәр урамында күп төрле машиналар, трамвайлар, автобуслар үтеп йөри. Бик сак йөрергә кирәк.

Машиналар чаба юлдан,

Тукта, ашыгып чыкма,

Юл йөрү кагыйдәсен

Беркайчан да онытма!

 (музыка янгырый)

Тәрбияче: - Менә без беренче шәһәргә дә килеп җиттек.”Светофор”дип атала.

- балалар,карагыз эле әби юл арткылы чыга алмый, бәлки аңа ярдәм итәрбез.(проектордан эби рәсеме курсәтелә).Ярты төркем светофор, икенче яртысы зебра төзи.

-Менэ балалар эбигә дә булыштык.Юлыбызны җәяү дәвам итик.

Тротуардан атлыйбыз (бер урында атлап тору)

Кагыйдәне саклыйбыз (бармак белән яныйбыз):

Урам аша чыкканда (аякларны югары күтәреп)

Сулга, уңга карыйбыз.

• Ләкин безнен кояшыбыз нигәдер югалды?Ә кояш ул безне чыныктыручы, тәнгә сихәт бирүче.
• Без бит балалар « Шапшаклар» шәһәренә килеп җиткәнебез.
• Балалар, әйтегез әле, бу шәһәрдә нинди кешеләр яши икән?

Менә шуңа да кояшыбыз елмаймый башлаган. Бу шәһәрдәге балалар  чисталык һәм тәртип турында уйламыйлар, юынмыйлар, тешләрен чистартмыйлар. Бу балаларнын өс киемнәре һәрвакыт пычрак,өйләрендә тәртипсезлек икән. Алар чәчләрен тарамый, чиста кулъяулык йөртми, тырнакларын кисми икән. Шуңа күрә бу балалар бик еш авырый. Менә сезнең алдыгызда аларнын берсе. (шапшак малай рәсеме ).
Уен.Балаларга рәсемнәр таратыла. Анда бите (тезе, кулы, киеме) пычракка буялган малай рәсеме бирелгән. Сигнал буенча бетергеч белән кешеләрне "чистарталар”.

Без аңа кимчелекләрен бетерергә ярдәм итик.

- Балалар, сез бу малайга нинди киңәш бирәсез?

1) Һәркөн билгеле бер сәгатьтә торырга һәм зарядка ясарга.

2) Иртән, көндез, кич, ашар алдыннан, йокыдан торгач һәм йокларга ятканчы юынырга.

3) Тырнакларын гел кисеп торырга.

4) Өс һәм аяк киемнәрен чиста тотарга.

5) Чәчне чиста йөртергә,көн саен тарарга, кыска итеп кистерергә яки матур итеп үреп куярга кирәк.

- Балалар, сез «Шапшаклар» шәһәрендәге балалар кебек түгелме? Сез нинди кагыйдәләрне беләсез?

- Чисталык – сәламәтлекнен нигезе.

- Пычраклык һәм пөхтә киенмәү– үзеңнең сәламәтлегең турында кайгыртмау ул.

- Бакчага чиста һәм пөхтә итеп киенеп кил.

• Шапшак балалар чисталык һәм тәртип турында уйламыйлар, юынмыйлар, тешләрен чистартмыйлар. Алар чәчләрен тарамыйлар, чиста кулъяулык йөртмиләр, тырнакларын кисмиләр. Шуңа күрә бу балалар бик еш авырый. Сәламәт булу өчен ни эшләргә кирәк?
• Гимнастика ясарга, витаминнар ашарга кирәк,чиста йөрергә кирәк.
• Юлыбызны дәвам итәбез. “Витаминар” шәһәренә килеп җиттек. “Витаминнар” дип нәрсәләрне атыйбыз? Уен уйнап алыйк.
•  Д/Уен: “Син чирләсәң”.

Тәрбияче:Балалар,киселгән кисәкләрдән тулы бер рәсем җыегыз һәм нәрсә өчен кирәклеген белербез.

(Балалар рәсемнәр җыялар.)

– Банка белән кура җиләге вареньесы.

– Бал.

– Кувшин белән сөт.

– Градусник.

– Дару үләннәре.

–Баллы микстура һәм башкалар. (Тиешле рәсемнәрне күрсәтеп балалар җавап бирәләр).

-Булдырдыгыз,балалар. Безнең сәяхәтәбез тәмам. Төркемгә кайтырга кирәк. Нәрсә белән кайтсак, тизрәк кайтып җитәрбез? (самолет белән) Кузләрне йомдык, кулларны җәйдек. Очтык!

Йомгаклау

-Без кая бардык?

Балалар сәламәт булу өчен ниләр эшләргә?

1.Юл йөрү кагыйдәләрен төгәл үтәргә.

2.Чиста-пөхтә йөрергә!

3. Дөрес тукланаыр! Яшелчә, җиләк-җимешләрне юып ашарга!

4. Күбрәк хәрәкәтләнергә! Спортны яратырга!

5. Иртән физарядка ясарга онытмаска!

- Өйгә кайткач әти-әниләрегезгә нинди юл йөрү билгеләрен белүегез турында сөйләрсез?