Тодон-валан сетӥсь «Малыокъёс» клуб
план-конспект занятия (подготовительная группа) на тему

Галина Николаевна Минниахметова

Эгра каргуртысь 8 номеро нылпи садысь визьнодась

Тодон-валан сетӥсь «Малыокъёс» клуб

Школае мыныны дасяськись группаын ужманеръя конспект

Ужпум: Нымы-кибыосын матысьгес тодматскон 

Азьмугъёс:

Нымы-кибыослэсь пӧртэмлыксэс висъяны но вераны дышетоно.

"Горд книгае" пыртэм нымы-кибыосыз тодманы но вераны быгатыны дышетоно.

1. Возьматон падежын сылӥсь пӧртэм кылъёс но ма каремез возьматӥсь кылъёс кылдытыны быгатонлыксэс умоятоно.
2. Асьсэлэсь малпанзэс быдэс предложениен но мнемотаблицая тулыслэн аспӧртэмлыкез сярысь вераны дышетоно.
3. Бумагалэсь куасалтэм интызэ юн маялляны быгатэмзэс юнматоно, дасям картаосты уже кутыны мед быгатозы, бумагалэсь пӧртэм арбериос лэсьтыны мед быгатозы. Конструктивной быгатонлыксэс азинтоно, чиньыоссылэсь кужымзэс юнматоно. Нымы-кибыосты яратон мылкыд пыӵатоно, пичи группаосын ужаны дышетоно.

Приоритетной областез: познавательное развитие.

Пӧлэстӥсько речевое, художественно-эстетическое, социально-коммуникативное развитие.

Уже кутэм материал: телевизор, ноутбук, юанъёсын мнемотаблица, ребусъёс, бӧӵыосын но бубылиосын суредъёс, горд буёло кык картон,бубыли лэсьтонлы пӧртэм буёло кагаз 12\18 см, бубылилы но зор кибылы технологической картаос, клей, качы, простой карандаш, вандылэм сяськаос но куаръёс, зор кибы лэсьтонлы горд кагаз 19\19 см, трафарет но сьӧд буёло кружокъёс.

Азьвыл ортчытэм ужъёс: пӧртэм нымы-кибыосын суредъёс учким, соос сярысь проектъёс лэсьтӥм, энциклопедиысь нымы-кибыос сярысь лыдӟим, суредамы нымы-кибыосты, пластилинлэсь пӧртэм нымы-кибы лэсьтӥм.

Ужманерлэн мынэмез

Воспитатель (В). Пиналъёс, тӥ тодон-валан сётӥсь передачаосты учкыны яратӥськоды-а? (Яратӥськом)

Нош кыӵе передачаос тӥ учкиськоды? (Сяськаос сярысь, губиос сярысь, пӧйшуръёс сярысь)

В. Асьмелэн нылпи садамы вань-а  тодон-валан сётись клуб? (ӧвӧл)

Соин ик потэ вал группаямы усьтыны сыӵе клуб, нош мынам ӧвӧл эшъёсы, нӧкинлы мыным юрттыны. (Ми юрттом)

Мон шумпотӥсько, мынам юрттӥсьёсы вань шуыса.

В. Кызьы нималом клубмес? («Малыокъёс», «Визьпогъёс»)

Нош кудӥз тужгес яра? («Малыокъёс»)

Клубмы мед ужалоз шуыса, вералэ ай: кызьы валаськоды удмурт лэчыт веранэз «Тулыс нунал улосэз сайкатэ» (шунды яркыт пиштэ, лымы шунаны кутске, йӧӟузыриос шунало но шапыкъяло, писпуос вылын куаръёс пото, сайкало пӧйшуръёс, тылобурдоос берто лымшор палась, гуждор потэ, сяськаос улӟо, нымы-кибиос сайкало).

Ӟечокъёс, кезьыт тол бере вуэ тулыс, инкуазьын ваньмыз сайка.

Нош ма сярысь вераськомы – тодон-валан сётӥсь клубамы кылле та конвертын. Нош ма отын кылле, тододы мыным юанъёс сёткаса, нош тӥледлы юрттозы таӵе мнемотаблицаос (суредъёс).

Пиналъёс мнемотаблицаос шоры учкыса юанъёс сётъяло.

- Со луло-а? (Луло)

- Со бадӟым-а? Пичи-а?(Пичи)

- Сое сиё-а? (Уг сиё)

- Со капчи-а? секыт-а? (Капчи)

- Кӧня пыдыз? (Куать)

- Кыӵе буёло? (Пурысь)

- Кытын улэ? (Ульчайын, коркан, бакчаын, туж трос сикын)

- Кызьы куара сётэ?(З-з-з-з-з)

- Ма карыны быгатэ? (куртчылӥськыны, вир юыны)

- Со чибинь-а? (бен, чибинь)

В. Чибинь - со кин? (Нымы-кибы) 

Асьмеос вераськомы нымы-кибыос сярысь.  

Нош кыӵе нымы-кибыосты тӥ тодӥськоды? (Мон тодӥсько: мушез, дуринчиез, чибинез, майсыез, кутэз, бӧчыез, кузьылиез, вукарнанэз, ӟозэз, бубылиез, зоркибыез, пыӵэз, тараканэз)

В. Нымы-кибыос уло музъем вылын, омырын, вуын, сюйын.  

Ма карыны быгато нымы-кибыос? (Соос быгато: лобаны, лекаськыны, куртчылӥськыны, ужаны, лопыръяськыны, нюжтӥськыса ветлыны, бызгетыны, тэтчаны, ӟозгетыны, уяны)

В. Ӟечокъёс, пиналъёс.  

Туннэ асьмеос клубамы вераськомы кык пӧртэм нымы-кибыос сярысь.  

А кин сярысь? Тӥледлы юрттозы ребусъёс.      

Таиз ӝок сьӧрын кык ребус, таиз ӝок сьӧрын куинь ребус.

Кин кытӵы мыноз – быръе.

(бӧчыос сярысь 2 ребус, бубылиос сярысь 3 ребус)

В. Ребусъёсты тодӥды ке, валалоды кыӵе нымы-кибыос кыллё конвертын.

Пиналъёс ребусъёсты тодэм бере:

Верано, кызьы нимало бӧчыосты (бубылиосты)

Бӧчыосты (бубылиосты), кудъёсыз пыртэмын Горд книгае, пононо горд кагаз вылэ.

Ог огзылэс лэсьтэм ужзэс эскеро.

Пиналъёс, маин кельшо ог огзылы бӧчыос но бубылиос? (Куать пыдзы, вань бурдъёссы, вань йырзы, мӧлязы но кӧтсы)

Ӟечокъёс. Пуксе пуконъёс вылэ.

Тӥляд анайёсты но атайёсты юанъёс дасяллям, тӥ соосты кылзыны дасесь-а?

(анай-атайёсслэн юанъёсынызы видеосъёмкаез лэзиськом)

Касаткин Юрий Александровичлэн юанъёсыз:

• Кыӵе нымы-кибы самой кужмо? Мон малпасько - кузьыли)
• Кыӵе нымы-кибы самой чеберез? (Мон малпасько – самой чебер бубыли)
• Кыӵе нымы-кибылэн пелъёсыз азь пыдъёсаз? (Мон малпасько – ӟозлэн)

Чиркова Ирина Витальевналэн юанъёсыз:

• Кыӵе нымы-кибыос самой ужасесь? (Мон малпасько - кузьыли но муш)

• Кыӵе нымы кибы ӝӧг лоба? (Мон малпасько - вукарнан) 
• Кӧня сӥнмыз кутлэн? (Мон малпасько - кутлэн вить синмыз) 

Булатов Сергей Леонидовичлэн юанъёсыз:

• Кинлэн нырыз вень кадь? (Мон малпасько - чибиньлэн)

• Кыӵе нымы-кибы трос сиське? (Трос сиське вукарнан)
• Маиныз кырӟа ӟоз? (ӟоз кырӟа бурдъёсыныз ) 

В. Ӟечокъёс. Тӥ трос тодӥськоды ини нымы-кибыос сярысь.

Туннэ асьмеос тодон-валан сётӥсь клубамы дышетскомы на соосты лэсьтыны.

Соин ик мыномы Людмила Александровналэн мастерскояз.

• Ӟечбуресь, Людмила Александровна.

Л.А. Ӟечбуресь, пиналъёс.

Шумпотӥсько мон доры пиналъёс лыктӥзы шуыса.  

Мынам мастерскоям лэсьтомы бубыли но зоркибы.

Кинлэн потэ лэсьтэмез зоркибыез, пуксе таяз ӝӧк сьӧры Галина Николаевнаен ӵош, нош кинлэн потэ лэсьтэмез бубылиез - таяз ӝок сьӧры. (Ӝӧк сьӧрын кинлэн луэ ужамез технологической картая, ужало аспонназы, нош кинлэн уг пӧрмы – ужало воспитателен чош)

Пиналъёс ужало

В. Пуктэ бубылиостэс сяська вылэ. Нош зоркибыостэс - куар вылэ.

Пиналъёслы юанъёс:

1. Кинэ лэсьтӥды?

2. Кытчы пуктӥд бубылидэ?

3. Кыӵе буёло сяськаед?

4. Кытчы пуктӥд зоркибыдэ?

5. Кыӵе буёло куаред?

Ойдолэ Людмила Александровналы нымы-кибыосты лэсьтыны дышетемез понна тау шуомы.

В. Кин сярысь вераськимы тодон-валан сётӥсь клубамы? Яраз-а тӥледлы?

Мукет занятиын вераськом, кызьы будо бубылиос но бӧчыос.

Таин ужрадмы быриз.