Конспект урока
план-конспект урока по чтению (2 класс)

Уроклэн езъесыз

Дышетисьлэн ужпорыз

Отен этап

- Зечбуресь, пиналъес! Ог-огмы шоры пальпотиськом, урокын ог-огмылы юрттиськом. Мон тодисько, ти туж тыршыса ужаны быгатиськоды шуыса, сои ник, зеч мылкыд тиледлы! Тодамы ваемы, кыче дорады уж быдэстоно вал? (С.Карповлэсь кылбурзэ учкытэк вераны дасяськоно, но кылбурлэсь мылкызэ буелэн возьматоно, нош мылкыд карисьес гожтизы на Тол бабайлы смс)

Дорысь ужзэс эскерем бере, дышетись азьланьтэ:

- Урокмес кыл волятонэн азьланьтом. Со понна усьтэ 86 бамез но лыдзе С.Карповлэсь чылкверанзэ асьтэ понна. Чош вераломе. Кин паймыса вералоз, серекъяса, чаляк?

- Туж усто! Азинтом «Портмаськись тол» ёзэтысь произведениосын тодматсконмес. Туннэ Аркадий Николаевич Клабуковлэн веросэныз тодматском. Нош нырысь ик ачиз авторез сярысь 87 бамысь лыдзом. (лыдзе умой лыдзиськись дышетскись) Коня ке кыл ватса на дышетись автор сярысь.

Аркадий Николаевич (1904-1984) вордскиз Вавож еросысь Водзимонья гуртын. Со кутскиз гожъяськыны Вавожын дышетскыкуз ик: нырысь зуч кылын, собере удмуртэн. Ужъессэ Аркаш Пель кушем нимын печатлалляз. Серемез поттись веросъессэ пелеетон шуыса поттылизы, тырмымтэоссю чушкасьессэ  - пушнер верос.

Аркадий Клабуков трос гожъяс нывлпиослы. Нош поэмаез «Тютю Макси» берыктэмын зуч, коми, молдва но чуваш кылъесы.

- Сак-а меда кылзиды авторлэн улон сюресэз сярысь, али эскером. Ужаськом кузэн. (Шонер/янгыш веран)

- Ужпоръесты янгышъестэк быдэстэмын ке, вож котрес пус суредаськом таблица улэ, ог-кык янгышез вань ке – чуж, уно янгышен – горд.

- Султо кузъес вож буёлын – соослы кимес чабиськом. Султо чуж буелэн – пыдъесынымы тапыртиськом. Горд буелэн – кык пыдъесын куиньпол тэтчиськом интыямы.

- Ойдолэ эскером, ваньмыз-а вань парта вылады? Тӥ дась ке ужаны, кутскоме урокмес.

- Зечокъес! Усьтэле 88 бамез. Верослэн нимызъя вераны быгатоды-а, кин сярысь вераськон мыноз? (дышетскисьес малпанъессэс верало).

- Учкелэ суредеэз. Мар выльзэ вераны быгатоды?

- Озьыен, ма сярысь лыдзомы? (кызьы пияш кельтэм велосипедзэ лымы улэ).

II Пуштросэз бордын ужан люкет

- Лыдзыны кутскеммылэсь азьло, веросысь кылъес бордын ужаломы.

Дышетскисьеслы сетисько карточкаос валантэм кылъесын: корказь, пужыятэ, жикыттэм . Нылпиос кыллюкамысь лыдзо.

Веросэз дугдылыса лыдзон амалэз кутыса лыдзо:

 - Кыче мылкыдды кылиз, веросэн тодматскыса? (нылпиос верало)

- Нош али ял каром.

Ялкарон:

Тол вуиз азбарамы,

Ураме ми потомы (кругети мыно),

Потомы, потомы.

Инбамысь лымы усе,

Музъемез со шобыртэ (киоссэс вылие жуто, кален улие лэзе).

Шобыртэ, шобыртэ (азязы каньыл киосынызы шонало)

Лымыпог ми лэсьтомы,

Эшъесын чош шудомы (лымыпог лэсьтэмез возьмато)

Шудомы – шудомы (лымыпогез ог-огзылы «куяло»)

- Кычеен син азяды пуктиды Витяез? Коня солы арес, кыче сямо со? (7-8 арес, жикыттэм)

- Кытысь адзиське, Витя великен ворттылыны яратэ шуыса? Лыдзе со интыез.

- Нош малы Витя куректонэ усиз?

- Лыдзе, кызьы со велосипедзэ мозмытиз.

- Верослэсь пуштроссэ усьтись кылъесты шедьтэ но пусъе. Ужаськом кузэн.

- Ярам. Нош али лыдзе 89 бамысь лемлет буело рамкаысь выль кылъесты. Вералэ, мае тема но идея?

- Озьыен, кыче темаез верослэн но идеяез?

- Ти таче учыре шедьысалды ке, ма карысалдэ. Кенеше кузэн, но малпандэс шараялэ.

Нош ти Витялы ма дэмласалды? Али туркымын кенеше, но дэмланъестэз одиг листоке гожтэ. (нырысь вакчияк пиналъес тодазы вае туркымын ужан правилоосты.) Котькуд туркымысь одиг нылпи потэ но дэмланъессэс лыдзе.

- Озьыен, асьмеос но та дэмланъесты улонамы кутимы ке, Витя кадь юмоке ум сюре. Соглаш-а ти монэн? (озьы)

 III Рефлексия

- Кыче авторлэсь вероссэ лыдзимы туннэ? Кин быгатоз вераны, ма со тема но идея?

Дорады дасяське верослэсь пуштроссэ текстлы матын вераны.

-Нош али йылпумъялэ та веранъёсты:

1)Мон тоди…

2)Мон валай…

3)Мыным секыт потиз…

- Жог быриз урокмы,

Нош али шутэтскомы.

Ортчизы умой ужъес,

Туннэ ваньды зечокъес!