конспект урока литературное чтение на родном (удмуртском) языке "Песятайлэн чиньыез" 2кл
план-конспект урока по чтению (2 класс)

Уроклэн ёзъёсыз (этапъёсыз)

Дышетисьлэн ужпорыз (Деятельность учителя)

1. Ужпумо югдур кылдытон но мугъёс пуктон люкет (организационно-мотивационный этап)

Зечбуресь, пиналъёс.

Али учкелэ слайдэз, мае ти адзиськоды?

Нырысь мон лыдзо, нош ти сак кылзэлэ.

Солдат ноку уг изь,

Сылэ со гурт шорын.

Я сыл, мынись ветлись,

Тон из солдат дорын!

Кин авторез та кылбурлэн?

Пиналъёс, нош ма сярысь вераське та кылбурын?

Малы меда солдатлы памятник пуктэмын?

Малы автор «сыл» шуэ?

Лыдзе кылбурез огпол асьтэ понна.

Нош али ваньмы чош лыдзом. Ог огдэс кылзэлэ, лыдземмы вольыт мед пормоз шуыса.

Нош кин али быгатоз куаразэ будэтыса,  нырысь шыпытгес лыдзыны, собере золгес но золгес…

Нош али лыдзыны кулэ бадзым куараен кутскыса но шапытгес но, шыпытгес.

Умой, нош табере шедьтэлэ парта вылысьтыды таче киез. Коня чиньыез тиляд кидылэн?

Шонер, 5.

Али асьмеос речевой разминка лэсьтим, озьыен ужаммес дунъялом. Котькудды ик али кутэлэ та кидэс, но буялэ полыдэс вож буёлэн, тиляд ваньмыз пормиз ке, ти вольыт лыдзыны быгати, но чик од янгышалэ, но чуж буёлэен, если тиляд пичияк янгышъёсты вал, яке од быгатэ мыло-кыдо лыдзыны кылбурэз.

2. Ужез радъян люкет (ориентировочный этап)

-Проблемной ситуация пуктон.

-Уроклы тема пуктон.

- Уроклэсь ужпумъёссэ пуктон.

Выль темаен тодматсконмес асьмеос озьы ик кутскомы кылбур бордысен.

Таиз чиньы – песятай,

Таиз чиньы – песянай.

Нош таиз луэ атай.

Со возын сылэ анай,

Самой пичиез нош мон,

Ваньмызлы ик ушъямон!

Али асьмеос ваньмы чош вералом та кылбурез но вераммыя чиньыосмес возьматъялом.

Коня луиз чиньыды?

Ойдолэ чиньыосмылэсь нимъёссэс вералом. (Чош верало.)

Кин валатскиз ини, мар сярысь вераськом асьмеос туннэ урокын?

Шонер. Асьмеос туннэ тодматском выль веросэн. Учебниктэс 60-ти бамын усьтэлэ но вералэ веросмылэсь нимзэ.

Кыче ужпумъёс пуктом асьмеос туннэ уроклы? Мар тодыны марлы дышыны кулэ асьмеос туннэ урокын?

Али нош ик кутэлэ бумагалэсь кидэс, но тебере буялом азьчиньызэ. Ти юанъёслы капчиен валэктонъёс шедьтылиды, но выль темаез дышетонлы дась, буялэ вожен, нош мынам юанъёсы секыт ке потизы, но ти од валалэ мар каром асьмеос туннэ урокын, буялэ чужен.

Малы тон чужен буяд, малы вожен?

3. Утчан-эскерон люкет (поисково-исследовательский этап)

1) Текст бордын лыдземлэсь азьпал ужан:

- Авторен тодматскон. Учебникысь но мукет материалъёсты кутыса, писатель сярысь веран.

Текстлэн нимызъя ужан.

 Нырысетизэ лыдзон:

-Лыдзем сярысь мылкыдзэс шараян. Верос сярысь малпамзэс лыдземен чошатон.

 Веросэз кыкетизэ лыдзон, анализ лэсьтон.

-Пуштросэзъя оглом вераськон. Огъясь юанъёс пуктон.

Нош авторез та произведенилэн тодмо-а тиледлы?

Озьы, ти Вячеслав Ар-Сергиен 1-ти классын тодматскиды ни. Кыче произведениоссэ солэсь лыдзим вал?

Шонер. Отын пичи пиос Коля но Миша Манилы кочышпизэ шедьтыны юрттизы. Соос зэмос эшъёс.

Нош ойдолэ тодамы ваёмы, мар ти тодиськоды Вячеслав Ар-Серги сярысь?

 Нош али кылдиське на коня ке та паймоно гожъяськисьлэн улонэз сярысь.

Вячесл́ав А́р-Серги́ (зэмос нимыз – Вячесла́в Вита́льевич Серге́ев) - удмурт кылбурчи, сценарист, берыктӥсь но драматург. Пиналъёс нош кин со сыче сценарист?

Нош драматург?

Россиысь писательёслэн союззылэн членэз. Удмурт Республикаысь калык писатель.

Вордӥськиз  Завьял ёросысь Выль Казмас  гуртын. Дышетскиз Удмурт кун университетын но Москваысь литературая институтын.

Ар-Серги - ог 30 книгаослэн авторзы. Солэн сценариезъя пуктэмын нырысетӥ удмурт кинофильм «Алангасарлэн вужерез». Озьы ик солэн гожъямъёсыз печатламын Венгриын, Эстониын, Франциын, Швециын, солэн произведениосыз берыктэмын пӧртэм кылъёсы. Ачиз гожъя удмурт но ӟуч кылын. Гожъям сяна портэм кылъёсысь произведениосты берыкъя удмурт кылэ.

Озьыен мар выльзэ тодиды ти Вячеслав Ар-Серги сярысь?

Нош али учке 61-ти бамысь суредэз. Кинэ отысь адзиськоды?

Кытысь валаськом, песятай служить карем шуыса?

Нош ку солдат медаль басьтыны быгатэ? Ма понна?

Верослэн нимызъя,авторезъя, лыдзем кылбуръя но суредъя быгатоды-а вераны, мар сярысь луоз веросмы.

Шонер-а меда малпанъёсмы? Кызьы тодом?

Али кутскомы веросэн тодматсконмес. Мон лыдзыса мыно, но юанъёс сеткало, нош собере, пумаз, вералоды кыче мылкыд кельтиз та веросэз лыдзон.

«…Вася нюню дышетиз.»

Пиналъёс, нош ма  карыны со чотаны? Кызьы ти валаськоды?

Чотаны – лыдъяны, марлэсь ке лыдзэ, коня луэмзэ тодыны.

Нош кин со сыче нюню?

Нюню- со агай, старший брат, зуч сямен вераса, озьыен Петялэн Вася нимо агаез вань.
«…со ож бусые кылиз.»

Кызьы валаськоды «ож бусые кылиз» шуэмез?

«…озьы соос уг пушто ни»..

Пиналъёс, нош кин со сыче сапёр?

Сапер- со профессия. Та профессиен адямиос война но войнатэм вакытэ пуштымтэ бомбаосты, гранатаосты но минаосты ужасьтэм карыса пуштыны бугатонлыксэс быдто, соос нокинлы урод медаз лэсьтэлэ шуыса.

«Со учыр, пие, Польшаын вал»

Кытын со Польша? Милесьтым со кун кыдекын-а?

Мар со сыче разведка, пиналъёс?

Разведка- со тушмон сярысь кыче ке информация бичан.

«…Сайкай, учкисько: одиг осколок но исамтэ монэ, нош чиньыме ишкалтэм.

Озьыен, кызьы ыштэм чиньызэ песятай?

Табере тодим, кызьы песятай чиньытэк кылем.

Нош кызьы валады,кыче сапёрлэн ужез?

 Озьы ик, тодим кыче секыт сапёрлэн ужез.

«…школае мыныны дасяськиз»

Нош малы меда со школае мынэ?

Нош малы меда тиледлы но ваньмызлы ик валаны кулэ война урод со шуыса?

«…медалъёстыд кык киысь чиньыос мында ук...» Валатскиды-а, коня?

Ма понна мед-а сомында медаль сётизы песятайлы, кызьы малпаськоды?

Лыдземмылэсь азьло верос сярысь малпанъёсты шонер-а вылиллям?

 Кыче мылкыдды кылиз текстэз лыдзем бере?

Нош али кутиськом асьтэдыз дунъян ки-листоктэс но дунъялэ асьтэлэсь ужамдэс. Верослэсь содержанизэ валады ке, мынам юанъёсылы валэктонъёс утчаны тыршиды ке, буялэ вожен, нош тэк пукиды ке, номыр ужатэк, буялэ чужен.

Усточиос, нош али ойдолэ ваньмы султом но шутэтском.

ШУТЭТСКОН ВИС.

Малы кулэ чиньыосмы?(Нылпиос верало)

Дас чиньыос, дас эшъёс –

Котьмае быгатисьёс…

Котьку дэмен ужасьёс –

Мыным весяк юрттисьёс.

Суредасько но гожъясько,

Керттисько но вурисько,

Порасько но мисьтасько –

Тини кызьы юрттисько.

Умой, пукселэ.

Нош ик учке суредэз 61 бамысь но вералэ тупа-а со верослэн пуштросэзлы? Маиныз?

Нош али лыдзом веросэз шара, борсьысь борсе, одиг предложениен, но собере мон юанъёс сеткало, нош ти валэктонъёс утчалоды. Кутскиськом нырысети парта бордысен

Кыче секыт учыре шедем песятай война дыръя?

Кытысь адзиськом, песятай замос герой шуыса?

Кызьы валаськоды «дасэти чиньые луод» шуэмез?

Али кутиськом асьтеды дунъян «кидэс» но буяськом шор чиньыез вож буёлэн, если тиляд ваньмыз пормиз, юанъёслы валэктонъёс шедьтиды, но чуж буёлэн, если тэк пукиды, но юанъёслы валэктонъёс утчаны секыт потиз.

 Кыче предложениосын валтись малпан верамын? Малы?

1. Практической люкет

1) Лыдзем бере текстэн ужан:

-Творческой ужъёс

Песятайлэн одиг чиньыез овол. Озьыен коня солэн чиньыез?

Кызьы малпаськоды, секыт вал меда песятайлэн улонэз 9 чиньыен.

 Асьмелэн со вань, соин асьмеос ум валаське сое. Озьыен асьмеос быгатыны кулэ утьыны мар асьмелэн вань но солэсь кулэлыксэ валаны,

Ма вераны быгатом Петя сярысь: кыче со?

Нош али веросэз рольёсъя лыдзыны дасяськом. Коня адями кулэ луоз рольёсъя лыдзон понна? Кинъёс?

Пиналъёс, нош кыче праздникен герзаськемын та веросмы?

Ма тодиськоды та нунал сярысь?

78 ар талэсь азьло немец солдатъёс асьме кунамы войнаен лыктизы. 4 ар чоже асьме калык: солдатъёс, воргоронъёс, кышномуртъёс, пиналъёс – ожмаськизы асьме Родинамы понна. Войнаын котьку трос уродэз но сьод буёлэз. Асьмеос тодыны кулэ чыжы выжыосмес, кудъёсыз асьмеос понна Родинамес утизы. Оло нош ти тодиськоды чыжы-выжыостэс кудъёсыз пыриськизы бадзым оже?

Умой.

1. Дунъян люкет (рефлексивно-оценочный этап)

-Дорын уж сётон

Нош табере урокъя тодон- валандэс эскером «Шонер но шонертэм веранъёс» таблицаез кутыса. Ужалом кузэн.

Нош табере слайдъя (доска вылысь таблицая) эскероме ужамдэс.

Кутиськом нош ик дунъян «листокмес» но буяськом берпум чиньымес. Ужды кузэн пормиз ке пайдае, ваньзэ шонер лэсьтиды, воже буялэн буялэ. Нош янгышъёсты ке вал, чуж буёлэн.

Быдэс урокын ужанмес эскеромы «Лестница успеха» амалэн. Доска вылын вань тубат. Тиляд котькуддылэн ик вань урок чоже буям киосты. Али доска вылэ потыса ошомы киосмес: выли тубадэ, ужды тиляд пайдае ке вал, ти трос выльзэ тодиды, мыло кыдо лыдзиськиды но чик тэк од пукэлэ. Шор тубатэ ошэлэ, кинлэн шуг секытъёсыз вал, кин мае ке оз вала. Нош улаз ошелэ соос, кинлы урок секыт потиз, троссэ оз вала, но куддыре воксе тэк пукиз.

Ускелэ, пиналъёс, кызьы асьмэлэн киосмы интыяськизы?

Озьыен, мон сизисько тиледлы, ти котьку чош мед луоды шуыса, чошен мед ужалоды но ог-огдэс валаса-гажаса мед улоды, озьы ик мед луоз быдэс асьме дуннеын но.

Али гожтом дорысь ужмес.

69-ти б.7-ти ужез быдэстоно