Викторина "Моя Хакасия"
план-конспект занятия (3, 4 класс)

Верх-Базинская начальная общеобразовательная школа - филиал

муниципального бюджетного образовательного учреждения
Базинской средней общеобразовательной школы

 :

Викторина

«Минің Хакасиям »

  3 - 4  класстарға

                                                                   Толдырған: Токоякова Зинаида Петровна  
                                                                                                      Пасталығ класстарның ӱгретчізі
                                                                                             

Чоғархы Паза

Викторина

«Минің Хакасиям »

  3 - 4  класстарға

Кӧстее: тӧреен чирінеңер пілістерін  тиксі хатиры.
Пӧгіннер:

 - ирткенін сағысха киирері паза хатиры;    

 -  табырах сағынарын тилідері;

- тӧреен  чирін   хынып ӱгренерге кӧктірері;

 - удур – тӧдір полызарға, истізерге, ӱзӱрерге,   чидіглерін паалирға; пос сағызын , кӧрізін пасхазына читірерге  паза пасхазының сағыс- кӧрізін истерге кӧніктірері.

Тузаланҷаң нимелер: компьютер, проектор, презентация, фишкалар.

Мероприятиенің чӧрімі

     Ӱгретчі:  - Пӱӱн піс  тӧреен Чир-суубыстаңар пілістерібісті тиксі сағысха кирербістер,  хатирбыстар.
                 - Ниме полҷаң  тӧреен Чир-суум?                  
                  - Пістің Чир – суубыс хайди адалча?  (Россия, Хакасия)
                  - Пӱӱн Хакасиядаңар викторина иртірербістер.
                 

                - Iкі командаа  чарылып, марығлазарзар. Сурығларға теести нандырарзар, орта нандырығ ӱчӱн 1 фишка. Орта нандыр полбаза, олох сурыға пасха команданың  нандырар оңдайы пар. Хайдағ команда кӧп балл чыып алар, ол чиңісчі.

               - Прайзына оң ползын. Ынағ, чӧптіг тоғынарыңарға  ізенчем .

Викторина

1. Пастағы сӱт ӱлӱкӱні хайди адалча?  (Тун - пайрам)
2. Хакастарның Наа чылы  хайди адалча паза хаҷан таныхталча? (Чыл пазы, кӧрік айының 22-ҷі кӱнінде)
3. Пурунғу хакастар чир – чайааның  хайдағ   кӱзіне пазырҷаңнар?  (Отха )
4. Хакастарның календарьі паза чуртас иртчеткені хайдағ тигір чарытхызынаң палғалыстығ? (Ай)
5. Хакас ипчінің чазанҷағы. (Поғо)
6. Сухсумны    нименең хандырҷаңнар? (Айран)
7. Талғанны нименең итчелер? (Пуғдай алай кӧче )
8. Республикада нинҷе город, оларны ада? (5: Ағбан, Хара тас, Сорығ, Абаза, Саяногорск )
9. Республиканың иң чиит городы (Саяногорск)
10. Хакасияда нинҷе аймах?  (8)
11. Легенда хоостыра пу чахайах абахай хыс полған, че аны  тағ ээзі (чис  айна) хайхастығ халын уйгаа кирібіскен. Хыс чатхан орында  ӧкерек кӧгілбей  чахайах ӧс килген. Хакастар аны хайди адапчалар?  (Порчо)
12. Республиканың флагында нинҷе чол? (4)
13. Хакасияның гербінде хайдағ аң хоосталых? ( Парыс)

 Ӱгретчі:  - Амды олғаннар,   фишкаңарды санабызыңар.
                     - Сірер прайзыңар хыйғаҷахсар, че кемге-де  пӱӱн  сала артығарах оң  полған.

Рефлексия: - Ниме иттібіс?  Кирек пе ол піске? Ноға?

                           - Кӧңніңерні чарыт пиріңер.

Ӱгретчі:  - Прайзыңарға  тоғынған  ӱчӱн  алғызым читірчем.  Мынаң мындар пілізібісті хайдағ тема хоостыра  тиилідерҷіксер ?

                                            Литература

1. Сайт «Растения и цветы в саду и дома» http://www.r-19.ru
2. Сайты:  «Инфоурок», «Педсовет», «Мультиурок»
3. Сайт заповедника «Хакасский» http://zapovednik.khakassky.ru
4. Сайт  работников образования: http://nsportal.ru
5. Презентация Авраменко Алены  Николаевны, учителя начальных классов.