“Әкиәттә ҡунаҡта” тигән дәресенең план-конспекты.
план-конспект урока по физкультуре (1 класс)

                      МОБУ СОШ д.Юнусово

        “Әкиәттә ҡунаҡта” тигән дәресенең план-конспекты.

                                                                      Башланғыс класстар уҡытыусыһы:              

                                                                                  Зиннурова Н.И.

        2023 й

Маҡсат; физик күнегеүҙәр ярҙамында «Өс сусҡа балаһы»әкиәтен үҙләштереүҙе нығытыу,туп атыу күнекмәләрен нығытыу,кәүҙәнең тиҙлеген һаҡлап тиҙ йөрөүгә ирешеү,балаларҙа эш һөйөүсәнле һәм бер-береңә ярҙамсылыҡ сифаттары тәрбиәләү.

Йыһазландырыу:туптар,скамейка,обручтар,бүре һәм сусҡа битлектәре,һауа шарҙары.

Дәрес барышы;

1-се өлөш

Уҡытыусы; балалалар һеҙ әкиәт яратаһығыҙмы?

Балалар: эйе,яратабыҙ .

Уҡытыусы;Беҙ бөгөн «Өс сусҡа әкиәтенә »сәйәхәт итәсәкбеҙ.Һеҙ үҙегеҙҙе   сусҡа бәрәстәре итеп хис итерһегеҙ.Әкиәттәге сусҡат  балаларының  исемдәре нисек әле?

Балалар: Ниф-Ниф,Нуф-Нуф,Наф-Наф.

Уҡытыусы: Бына улар матур яланға килделәр(атлап йөрөү).Ҡояш көлөп ҡарай,уның ҡаршыһына барабыҙ(аяҡ остарында йөрөү,ҡулдарҙы юғары күтәргәбеҙ).

Сусҡа балалалары шатланышып йүгереп киттеләр(еңелсә йүгереү).

Матур яландағы сәскәләрҙе уратып йүгерҙеләр(төрлө йүнәлештәрҙә йүгереү).

Йүгереп туйғас ,улар һуҡмаҡ буйлап киттеләр.

Ниндәй матур ялан ,тигеҙ ер.

Уҡытыусы; Сусҡа балалары үҙҙәренә өй һалырға булдылар,башта Ниф-Нифҡа һалам өй  һалайыҡ .

Бесән сабабыҙ(ҡулдар менән ҡайсы яһайбыҙ).

Бесәнде ҡояшта киптерәбеҙ.(Уңға һәм һулға  боролоу.Ҡулдарҙың ус төптәре өҫкә ҡараған).

Бесәнде бер өйәмгә өйәбеҙ(ҡулдарҙы сиратлашып уң һәм һул аяҡ остарына тейҙереү)Һалам өй әҙер ,хәҙер  Нуф-Нуфҡа өй һалайыҡ.

Ел иҫте ,ағастар сайҡалдылар (кәүҙәне уңға,һулға бөгөү).

Ағас ботаҡтарын йыябыҙ һәм бер өйөмгә өйәбеҙ(арҡаны туралап кәүҙәне алға эйәбеҙ,ҡулдарҙы алға һуҙабыҙ)

Ағас ботаҡтарынан өйөбеҙ әҙер.

Хәҙер Наф-Нафҡа таштан өй һалырға булышабыҙ.Кирпестәрҙе күтәрәбеҙ (уң ҡул билдә,һул ҡулды өҫкә күтәрәбеҙ һәм киреһенсә).

Өйҙәрҙе һалып бөтөрҙөк , сусҡа балалары шатланып һикерешәләр.

2-се өлөш.

Хәрәкәтле уйын.  Өс сусҡа балаһы һәм бүре.Һанашмаҡ буйынса бүрене һайлау.Сусҡа балалары өсөрләп  обруч эсенә баҫаһығыҙ.Был һеҙҙең өйөгөҙ.

Уйын ҡағиҙәһе;сусҡа балалары өсәрләп торғанда бүре уларға тейә алмай.

Күңелле  музыка аҫтында сусҡа балалары яланға йүгерә ,сәскәләрҙе йыя-йыя йырлайҙар ; «,Беҙ  сәскәләр йыябыҙ ,бүренән дә ҡурҡмайбыҙ».

Уҡытыусы; Кинәт кенә бүре күренде;   тештәрен шығырлатты.Барлыҡ сусҡа балалары йүгерҙеләр(1 -2 тапҡыр).

Сусҡа балалары уйнап туйманылар .Йүгерешеп йөрөй торғас ,яланда шарҙар табып алдылар.Шарҙарҙы ергә төшөрмәй өҫкә сөйҙөләр.

Уҡытыусы;Балалар һеҙ богон үҙегеҙҙе тырыш,өлгөр,эш һөйөүсән икәнегеҙҙе күрһәттегеҙ.Мин һеҙҙән бик ҡәнәғәт.