Урок марийского языка в 3 классе
план-конспект урока (3 класс) на тему

3-шо классыште  марий йылме дене эртаралтше урок.

Урокын темыже: Ойлымаш ужаш – влак.

Урокын типше: Ушештарымаш  урок

Урокын цельже: йоча-влакын ойлымаш ужаш-влак нерген шинчымашым ушештараш да иктешлаш,  ойлымаш ужаш-влакым ойырен мошташ.

Урокын задачыже-влак:

1. Ойлымаш ужаш нерген шинчымашым пенгыдемдаш, ик ойлымаш ужашым вес ойлымаш ужаш деч ойырен мошташ туныкташ.
2. Орфографический пÿсылыкым, ушым, вниманийым вияндаш,  шочмо йылме деке шÿмандаш.
3. Йоча-влакым группышто паша ышташ, шкен да йолташ-влакын шинчымашыштым аклаш туныкташ.

Кучылтшаш материал: С.Д. Дмитриев,П.Е.Емельянов, Е.Я.Рыбакова Марий йылме  2008. 3-шо класслан учебник , тунемше-влаклан раздаточный материал.

Урокын эртымыже:

 I.Урокын туналтышыже.

 Кече угыч кынелеш,

Школ окнашке ончалеш.

Тудо классышке ÿжеш,

Урокнаже тÿналеш.

– Таче ме урокышто   тунемме материалым ушештарена,садлан ме тендан дене пырля кыртмен пашам ышташ тÿналына.    Икте-весылан весела  паша  кумылым тыланена!

   II. Тÿн ужаш. Группа дене паша (кажне тÿшкаште 4-5 йоча дене)  

1.Лÿм мутым шарналтымаш. Модыш: «Чыла палынем» 

Модаш чылан йоратеда? Тугеже П буква дене гына вашмутым пуыза.

- Школда могай лÿман? (Петъял)

- Пакчаштыда мо кушкеш? (паренге, помидор, пакчасаска)

-Чодыраште мом погышда?(понгым, пÿкшым)

-Газетым, журналым кö пуэда?(почтальон)

-Йÿштö игечыште мом чиеда?(пальтом, пижергым, портышкемым)

- Салатым мо дене ыштеда?(помидор, паренге, пурыс)

- Кондратьевын лÿмжым ойлыза ?(Павыл)

-Могай ойлымаш ужашым каласышда?(Лÿм мутым)  

2. Пале мутым шарналтымаш.  Ынде вес ойлымаш ужашым   пырля шарналтена. Нине мутлан ваштарешла значениян мут-влакым кычалза. Нуно чыланат к буква дене тÿналшаш улыт. Могай ойлымаш ужаш дене пашам ыштеда? Кажне пале мут пелен келшыше лÿм мутым ешарыза.

тамле –  

вияш - ?

яклака - ?

изи - ?

кÿчык - ?

 неле - ?  

 3. Глаголым шарналтымаш

- Лум мом ышта? Кече мом ышта? йодышлан шукырак вашмутым пуаш.

  4.   Урокын темыжым рашемдымаш да цельжым шындымаш.

– Лÿм мут, глагол, пале мут, почеш мут – тиде ойлымаш ужаш-влак улыт. Тугеже мемнан тачысе урокын темыже могай?  

– Мут могай ойлымаш ужаш лиеш, кузе палыман? (Йодышым шындыман, мом тудо ончыкта палыман).– Урокын цельже могай лиеш?  

– Тугеже айста иктешлымашланна схемым ыштена- могай ойлымаш ужашым палена. ( тетрадьышке схемым сÿретлымаш)

 Физкультминутка (сем почеш)

5. Шинчымашым учебник почеш пенгыдемдымаш.

Урокнам умбакыже шуена. Учебник дене паша. 455-ше упражнений. (ойлымашым шке семын лудмаш)

 -Тиде ойлымаште кö  нерген ойлалтеш?

-Молан Надя дене ача-аваже кугешнат?

1 группа: тетрадьышке кажне предложений гыч тÿн членым возен луктеш.

2 группа: 3 предложенийым возен луктеш да лÿм мутын падежшым ончыкта.

3 группа: 2-шо ден 4-ше предложенийым возен налеш да ойлымаш ужашым ончыкта.

4 группа: ача-авалан полшымо нерген изи ойлымашым чона  да тетрадьышке воза.

6. Кажне  группын пашажым тÿшкан тергымаш, аклымаш.

7. «Ямде лий» газетыште ик кÿчык заметкыште карандаш дене тунемме ойлымаш ужашым удырала (1-л.м.,2-п.м., 3-гл., 4-поч. м.)

 8.Творческий паша.

-Уремыште таче сылне шошо кече. Айста шошо нерген  сылне ойлымашым чонена. Могай ойлымаш ужашым утларак кучылтшаш улына?

(пале мутым) 2-3 йочам колыштмаш да аклымаш.

 III.Рефлексий.  Предложенийым шуйыза:

-  Таче мый урокышто умылышым. Чыла мут... (чыла мут–влак  группылан, ойлымаш ужаш-влаклан шелалтыт).

-Ынде мый ойлымаш ужашым чын муын моштем. Тидлан… (йодышым шындем, мом ончыктымыжым рашемдем, могай ойлымаш ужаш лиймыжым каласем).

IV. Оценкым шындымаш.  Тунемше-влакын шке пашаштым аклымаш.

V.Урокым иктешлымаш.

-Таче ме ойлымаш ужаш-влакым шарналтышна, йылме лывыртыме пашамат ышна мондо.  Молодец улыда, пеш чолган пашам ыштышда! Сай пашалан пеш кугу тау!

Мöнгысö паша.  

459-ше паша. Чаткан возен налаш, ойлымаш ужаш-влакым ончыкташ.