2-4 классларда татар теле дәресе
план-конспект урока (2, 4 класс) на тему

                                       Тема:

II сыйныф: Предметның билгесен белдергән сүзләр  

                     темасын гомумиләштереп кабатлау.

IV сыйныф: Сыйфат темасын гомумиләштереп кабатлау.

Максат: 1.Сыйфат турында өйрәнгәннәрне гомумиләште-

                 реп кабатлау.

                2.Укучыларның белем дәрәҗәсен ,логик фикерләү

                сәләтен үстерү.

                3.Туган телгә мәхәббәт тәрбияләү.

Материал: “Татар теле”. 2 нче һәм 4 нче сыйныфлар өчен

                   дәреслек.

Җиһазлау: дәреслек,индивидуаль-дифференциаль карточ-

                    калар,ребус,рәсемнәр,компьютер.

Дәреснең тибы: гомумиләштереп кабатлау.

Дәреснең методы: дәрес-уен.

                               Дәрес барышы.

I.Оештыру өлеше.

1.Исәнләшү.

2.Укучыларның әзерлеген тикшерү.

3.Дәреснең темасы,максаты белән таныштыру.

- Укучылар ,без бүген дәрестә өйрәнәсе сүз төркемен белү өчен тактада бирелгән ребусны чишәргә кирәк.

Ребусны чишү.

  - Нинди сүз килеп чыкты,укучылар? Димәк,без бүген “Сыйфат” темасын гомумиләштереп кабатлыйбыз икән.Әйдәгез искә төшереп үтик әле.

• Сыйфат нәрсәне белдерә?
• Сыйфат нинди сорауларга җавап бирә?
• Сыйфатның дәрәҗәләрен санагыз әле.
• Сыйфат җөмләдә күбесенчә нинди җөмлә кисәге булып килә?
• Бик дөрес укучылар. Җавапларыгыз өчен рәхмәт.

2. Төп өлеш.

-Укучылар ,безнең тиздән нинди ел фасылы җитә әле?Әйе,бик дөрес укучылар.Яз җитә.Ә яз җиткәч безгә нәрсәләр кайта?

- Җылы якта кышлаучы кошлар кайта.

-Әйе,укучылар ,тиздән безнең канатлы дусларыбыз кайта икән.Менә мин укучылар яз хәбәрчесе  кара каргадан телеграмма алдым.Сезгә укып күрсәтим әле.

-Кадерле Иске Му башлангыч мәктәбе укучылары.Сезгә зур үтенеч белән сезнең канатлы дусларыгыз яза.Безнең юлыбызда Кыш бабай бик күп биремнәр әзерләп куйган .Сезнең ярдәмнән башка булмый.Зинһар ярдәм итегез.

Ярдәм итәбезме ,укучылар?

-Әйе ,ярдәм итәбез.

- Беренче биремне тыңлыйбыз.Дәфтәрләрдә матур язу күнегүен язу.

Дәфтәрләрне ачабыз.Бүгенге числоны язабыз Һәм матур язу күнегүен язабыз.

(Дәфтәрләрдә язу)

• Биремнәрне эшләүне дәвам итәбез.

2 нче сыйныф                                                  4 нче сыйныф

3. Йомгаклау.

1. Нәтиҗә ясау.

-Димәк ,укучылар нәтиҗә ясыйбыз.

- Сыйфат нәрсәне белдерә? Ул нинди сорауларга җавап бирә?Сыйфатлар сөйләмдә ни өчен кирәк?

2.Билгеләр кую.

3. Өй эше бирү.

2 нче класс. Сыйфатлар кергән 5 мәкаль язып килергә.

4 нче класс Сыйфатлар кергән 5 табышмак язып килергә

Тест .                2 класс

1.Сыйфат нинди сорауларга җавап булып килә?

а) ничек?

б) нәрсә

в) нинди?

2.Сыйфат нәрсәне белдерә?

а) предметны

б) предметның билгесен

3. Артык сүзне табып астына сыз.

кара,усал, зур, туп,җиңел.

4. Сыйфатны тап.

а) укый

б) урман

в) баллы

5.Бу сыйфатларның кайсысы форманы белдерә.

а)  соры

б) хәйләкәр

в) түгәрәк

6. Түбәндәге сыйфатларга исемнәр табып яз.

әче ...    

түгәрәк ...

яшел ...

кышкы...

                                          Тест .        4 класс

1.Сыйфат нинди сорауларга җавап булып килә?

а) ничек?

б) нишли?

в) нинди?

г) кайсы?

2.Сыйфат нәрсәне белдерә?

а) предметны

б) предметның билгесен

в) предметның эшен

г) предметның санын

3.Бу фикерләрнең кайсысы дөрес?

а) сыйфат җөмләдә фигыльгә бәйләнеп килә.

б) сыйфат җөмләдә исемгә бәйләнеп килә.

4.Бу сыйфатларның кайсысы характерны белдерә?

а) көләч

б) озын

в) җилле

5.Түбәндәге җөмлләрнең кайсысы дөрес?

а) сыйфат- җөмлә кисәге

б) сыйфат – сүз төркеме.

6. Нинди дәрәҗәдәге сыйфатларга

 -рак,-рәк кушымчалары ялгана?

а) төп дәрәҗәдәге сыйфатларга

б) кимлек дәрәҗәсендәге сыйфатларга

в) чагыштыру дәрәҗәсендәге сыйфатларга.

7.Кимлек дәрәҗәсендәге сыйфатны табыгыз.

а) күгелҗем

б) ап-ак

в) иң матур

г) акыллы

8.Сыйфатны табыгыз.

а) яктылык

б) яктыра

в) якты

9. Фикернең кайсысы дөрес ?

а) сыйфат күп вакыт җөмләдә хәл булып килә

б) сыйфат күп вакыт җөмләдә аергыч булып килә

в) сыйфат күп вакыт җөмләдә тәмамлык булып килә

10.Кайсы сүз биек сыйфатына антоним була?

а) бәләкәй

б) кыска

в) тәбәнәк