Алифба байрамы
методическая разработка (1 класс)
Праздник букваря на башкирском языке
Предварительный просмотр:
Әлифба байрамы.
Маҡсат: балаларҙың алған белемен, өн-хәрефтәрҙе нисек үҙләштереүен, уҡый, һөйләй, шиғыр ятлай белеүен ата-әсәләргә күрһәтеү.
Байрам барышы.
- Уҡытыусы:
- Һаумыһығыҙ ҡәҙерле ата-әсәләр, уҡыусылар, ҡунаҡтар. Бөгөн беҙҙә ҙур байрам. Әле генә , 1 сентябрь көнө тәүге тапҡыр мәктәп тупһаһын атлап ингән уҡыусыларыбыҙ уҡыу йылын тамамлай һәм иң ҡәҙерле тәүге китабы “Әлифба” менән хушлаша. Шул уңайҙан матур итеп уҡырға, яҙырға һәм һөйләргә өйрәнгән балаларыбыҙ һеҙҙең алда оло һынау үтә.
- Байрамдар беҙҙә етерлек,
Үҙе байрам – бала саҡ.
Бала саҡтың шат йылдары
Мәңге иҫтә ҡаласаҡ.
Әйҙәгеҙ уҡыусыларҙың үҙҙәренә һүҙ бирәйек
- 1 сентябрь көнө Регина
Мәктәпкә башлап килдек.
Бер йыл ваҡыт эсендә
Уҡып, яҙырға белдек.
- Мәктәптәге тәүге көндә Алмас
Тыйнаҡ үттек беҙ класҡа.
Китаптарҙы ҡулға алғас,
Эй һөйөндөк шул саҡта.
Уҡытыусы: - Ниндәй хәрефтәр менән таныштығыҙ, тикшереп китәйек.
( әсәйҙәр А Б Ф И Л Ә – хәрефтәрен күрһәтә, балалар әйтә)
- Ниндәй һүҙ килеп сыҡты? Ҡысҡырып уҡыйыҡ.
- Ҡайҙа һуң яратҡан Әлифбабыҙ? Уны ла саҡырайыҡ.
- Ә – лиф- ба!!!
Әлифба инә. – Һаумыһығыҙ, балалар! У-У-У! Күпме ҡунаҡ йыйылған был байрамға.
Мин – Әлифба, таныйһығыҙмы?
Танымайым тип тормайһығыҙмы?
Юҡтыр, юҡтыр ышанам,
Һеҙҙе күреп шатланам.
Уҡытыусы: - Һаумы, хөрмәтле Әлифба! Бөгөнгө байрамға олоһо ла, кесеһе лә килгән. Рәхим ит, түрҙән уҙ!
- Әлифба тигән Урал
Серле ил бар ул.
Аҡ юлдан илтте
Һәммәбеҙҙе ул.
- Әлифба, әлифба Марьям
Беренсе битеңде
Асҡан көн хәтерҙә
Ҙур байрам шикелле.
- Күс беҙҙең күңелгә Илсур
Йыр дәрте, йыр йәме.
Рәхим ит, түрҙән уҙ
Әлифба байрамы.
- Әлифба тигән китапты Элина
Ҡулыбыҙға алғайныҡ
Серле хәрефтәргә ҡарап
Бик аптырап ҡалғайныҡ.
- А, ә хәрефен танырға Самир
Уҡытыусым өйрәтте
Тик хәрефтәр шаян икән
Тыңлашмайса йөҙәтте.
- Хәҙер инде бөтәбеҙ ҙә, К. Нурия
Хәрефтәрҙе беләбеҙ.
Матур, яғымлы һүҙҙәрҙе
Аҡ ҡағыҙға теҙәбеҙ.
- Әсәй- “Ә” хәрефенән, Заһир
Балам “Б”- нан башлана
Дәрес “Д” – нан, жираф “Ж”-нан
Зәкир “З” – нан башлана.
- Бер хәрефте икенсегә А. Нурия
Тырыша, тырыша ялғайбыҙ.
Һүҙ артынан һүҙ теҙелә
Артта тороп ҡалмайбыҙ.
- Хәреф беҙгә юлды асты Денис
Әкиәттәр иленә.
Шиғырҙар һәм хикәйәләр
Өйрәндек беҙ тиҙ генә.
- Ҡыҙыҡ әкиәтте Юнир
Уҡыуы рәхәт.
Рәхмәт, Әлифба,
Һиңә ҙур рәхмәт.
13. Әлифбанан 42 Дияз
Хәрефте беҙ өйрәндек.
Йырҙар итеп йырланыҡ та,
Шиғыр итеп һөйләнек.
Әлифба йыры Тамыр
- Хәҙер, әсәй, мин ҙур үҫтем, Рафаэль
Уҡый – яҙа беләмен.
Әлифбаның шиғырҙарын
Ятҡа һөйләп бирәмен.
Әлифба биттәренән ниндәй шиғырҙар иҫегеҙҙә ҡалды?
( Әсәй оҙата маҡтап,
Атай оҙата маҡтап,
Беҙҙе ҡаршылай бөгөн
Ҡаршылай яҡты мәктәп. - бергә
Аҡбай тупты тешләгән, - Заһир
Мин терпе, энәле йомғаҡ - Мәрйәм
Һеҙгә ҡунаҡҡа килдем.
Дуҫтарыма күстәнәс итеп
Энәмә алма элдем.)
Уҡытыусы: - Әйе, балалар, һеҙгә хәрефтәр таныу, уларҙан ижектәр, һүҙҙәр төҙөү еңел булманы. Әммә юғалып ҡалманығыҙ, тырыштығыҙ. Һеҙгә икһеҙ- сикһеҙ белем донъяһына юл асылды. Әлифба, һине бәләкәй генә уңыштарыбыҙ менән таныштырып китәйек. Бер йыл эсендә уҡыусылар рус телен дә ҡыҙыҡһынып өйрәнде.
Как хорошо уметь читать, Камилла
Не надо к маме приставать
Не надо бабушку просить
Прочти, пожалуйста, прочти
Не надо умолять сестричку Роберт
Ну прочитай ещё страничку
Не надо ждать, не надо звать
А можно взять и прочитать.
- Уҡытыусы: - Балалар шиғыр, хикәйәләр уҡып ямандан яҡшыны айырырға, тәртипле, тәрбиәле булыу ҡағиҙәләре менән танышты. Орловтың “ Кто кого? шиғыры
- Яратҡан китаптары менән бейергә лә әҙерҙәр “Мой букварик ” йыр-бейеүе
Уҡытыусы: Уҡыусыларҙың иң яратҡан фәне – математика. Миҫалдарҙы сәтләүек кеүек сиртәләр, мәсьәләләр сисергә яраталар.
Ә бына был ребустарҙы сисеп ҡарағыҙ әле.
Ребус сисеү.
Миҫалдар эшләү.
Уҡытыусы: - Башҡорт рухлы балаларыбыҙ йыр – бейеүгә бик оҫта.
Малайҙар башҡарыуында “ Толпар атым ” йыры.
Алҡыштар менән ҡаршыларға
Дуҫтар булығыҙ әҙер.
Сәскә кеүек матур ҡыҙ
Бейергә сыға хәҙер.
Уҡытыусы: Ҡыҙҙар башҡарыуында бейеү.
Уҡытыусы: - Хөрмәтле ата – әсәләр! Балаларҙың ошолай матур итеп уҡырға, яҙырға өйрәнендә һеҙҙең дә өлөшөгөҙ, тырышлығығыҙ бик ҙур. Һәр ваҡыт шулай беҙҙе аңлап ярҙам иткәнегеҙ өсөн һеҙгә ҙур рәхмәт.
- Тыныс тормошта балаларыбыҙ бәхетле булһындар, һеҙҙе һәр ваҡыт ҡыуандырып торһондар.
Ҡыҙҙар башҡарыуында “ Бәхетлемен” йыры
Бөтә балалар ҙа сығып теҙелә.
Уҡытыусы: - Балалар, Әлифба менән хушлашыр мәл дә килеп етте.
Бөгөн беҙҙә ҙур тантана Равиль
Моңһоу ҙа ул, йәмле лә.
Әлифбабыҙ китә беҙҙән
Был көн ҡалыр хәтерҙә.
Тел асҡысы – әлифбаға Арсен
Бөгөн рәхмәт әйтәбеҙ
Тырышып, матур уҡырға
Һүҙ бирәбеҙ бөтәбеҙ.
Бөтәһе бергә: РӘХМӘТ ҺИҢӘ,ӘЛИФБА!
Әлифба: - Рәхмәт, балалар! Бик ҡыуандырҙығыҙ. Мине барығыҙҙа яҡшы үҙләштергән. Бер йыл эсендә иҫ киткес күп һөнәргә эйә булғанһығыҙ. Афарин! Бынан һуң да шулай тырыш булығыҙ.
Минән һеҙгә теләктәр:
Хәҙер инде ҙур үҫтегеҙ,
Уҡыусы булдығыҙ һеҙ.
Төрлө – төрлө фәндәрҙе
Яратып уҡырһығыҙ.
Юғалмаҫһығыҙ бер ҡасан да
Китап булһа дуҫығыҙ.
Тырышлыҡ һәм сабырлыҡ
Булһа гел юлдашығыҙ.
Уҡыусылар бергә – Хуш бул, Әлифба!
Уҡытыусы: - Балалар, бер йыл ваҡыт үтеп тә китте. Һеҙ класты тамамлайһығыҙ. Был барыбыҙ өсөн ҙур ҡыуаныс.
“ Дружба с букварем йыры
Һеҙҙең алда белем донъяһы асыла. Хәҙер үҙегеҙ теләгән китапты алып уҡый алаһығыҙ. Һәр саҡ тырыш, түҙемле, тәрбиәле балалар булып ҡалығыҙ.1 класты уңышлы тамамлауығыҙ менән ҡотлайым. Һәм грамота менән бүләкләп үтергә рөхсәт итегеҙ.
Грамота биреү.
Ата-әсәләрҙең ҡотлауы.
Сәй эсеү.
По теме
Әлифба байрамы
Праздник букваря проводится в 1-м классе.Әлифба байрамы на башкирском языке,проводилась в середине февраля,когда научились читать и писать.На праздник приглашаются родители.Дети показывают чему ...

Внеклассное мероприятие "Прощание с Азбукой и Алифбой"(на татарском языке)
Сценарий внеклассного мероприятия в 1 классе....

Сау бул,алифбам!
Без укучыларым белән бик күңелле итеп бәйрәм оештырдык.Бәйрәмдә ата-аналар да катнашты....

Алифба программасы
Рабочая программа по обучению грамоте для национальной школы с родным татарским языком обучения. Букварь для 1 класса четырехлетней начальной татарской школы. Авторы: Валитова Р.Г., Вагизов С.Г.....

Ҡорама ҡорау байрамы - йолаһы
Борондан килгән һәм онотолоп барған ҡул эшенә һәм сәнғәт төрөнә һөйөү уятыу. Туҙҙырғансы кеймәгән кейемдәрҙән ҡорамалар ҡорарға өйрәтеү. Матурлыҡты күрә белергә өйрәтеү....

