Конспекты уроков
план-конспект урока по технологии (3 класс) на тему

Аһа5ас уруок. 3 кылаас.

Уруок темата: «Тугутчаан».

Уруок сыала: «аппликация» диэн өйдөбүлү быһаарыы; кумаа5ы көрүңнэрин хатылааһын; кыптыыйы таба туттуу; ньэмиэти туттан уруһуйдааһын; о5о айар дьо5урун, хара5ынан көрөн мээрэйдиир дьо5урун, илии үлэтин сайыннарыы.

Туттар тэрил: альбом илииһэ, өңнөөх кумаа5ы, килиэй, кыптыый, харандаас, ньэмиэт, киистэ, фломастер.  

Уруок хаамыыта:

1. Тэрээһин чааһа. Уруок тематын, сыалын билиһиннэрии. Үлэ миэстэтэ бэлэмин бэрэбиэркэлээһин.

- Үлэ уруогар бэлэмнэммиппит курдук, кумаа5ыны кырыйа, сыһыара үөрэниэхпит.

2. Хатылааһын.

- О5олоор, эһиги кумаа5ыны ханна тутта5ытый?

- Кумаа5ы ханнык көрүңнэрин билэ5итий? (Суруйар, өңнөөх, бархатнай, хордуон, копировальнай, калька).

3. Саңа үлэни быһаарыы.

- Бүгүн кумаа5ы икки көрүңүнэн үлэлиэхпит: альбом илииһинэн уонна өңнөөх кумаа5ынан. Ньэмиэт көмөтүнэн бэлиэтииргэ, кырыйарга, сыһыарарга үөрэниэхпит. Тугу оңорорбутун бу таабырынтан таайан билиң эрэ.  

- Туйа5ым эрэ туһалыыр диир хоту дойду кыыһа баар үһү.

Бөдөң кыыллартан туундара5а таба үөскүүр. Таба төбөтө кыра, мултугур муруннаах, элбэх салаалаах муостаах. Атахтара синньигэс, уһун. Таба хараңа күрүң, маңан дьүһүннээх кылгас түүлээх буолар.

- Бүгүн бу уруокка таба о5отун тугутчааны оңоруохпут.  

4. Үлэ5э бэлэмнэнии.

- Оңоһук ханнык матырыйаалтан оңоһуллубутуй? (Кумаа5ыттан, альбом илииһигэр өңнөөх кумаа5ыны сыһыарбыттар).

- Ким билэрий, аппликация диэн тугуй? (Араас уруһуйдары, хартыыналары кырыйан туохха эмит сыһыарыы).

- Өскөтө аппликация со5отох улахан ойуулаах буолла5ына, предметнэй аппликация диэн ааттанар.

- Улахан предмет быһыыта хайда5ый?

- Уустук.

- Кыра предметтэр быһыыларын этиң.

- Төгүрүктэр, хааппыла курдуктар.

5. Сынньалаң.
6. Дьарык.

1. Кыптыыйы уонна кининэн туттуу быраабылата.

- Кыптыый биһиги эрабыт 300 сыл иннигэр Италия5а айыллыбыт. Араас кыптыый баар буолар: иистэнэр, о5уруот үлэтигэр туттуллар, медицинскай, маникюрнай, тимири кырыйар уо.д.а.

 Кыптыыйынан туттуу быраабылалара:

- кыптыыйы аналлаах миэстэ5э уура сырыт;

- остуолга кытыытыттан быкпат гына уур;

- үлэлииргэр бол5омтолоох буол;

- кырыйаргар тарбахтаргын сэрэн;

- кырыйаргар атын о5олорго чугаһаама;

- атын киһиэхэ биэрэргэр уһуктаах өттүнэн буолбакка, тутаа5ынан биэр.

2. Үлэ былаана:

- өңнөөх кумаа5ыга шаблонунан киэби түһэрии;

- киэбинэн ойууну кырыйыы;

- өңнөөх кумаа5ыттан полопсканы үс бүк тутан баран уу хааппылатын кырыйыы;

- атын өңнөөх кумаа5ыттан кыра төгүрүктэри кырыйыы;

- альбом илииһигэр табачааны сыһыарыы;

- тугутчаан көхсүгэр, кулгаахтарыгар кыра төгүрүктэри, хааппылалары сыһыарыы;

- аппликацияны фломастерынан салгыы киэргэтии (оту, сибэккилэри киэргэтии).

7. Дьарык. Хас биирдии о5о үлэлиир.
8. Түмүк.  - Уруокка кумаа5ы ханнык көрүңнэринэн үлэлээтибит:

- Альбом илииһиттэн  өңнөөх кумаа5ы туох уратылаа5ый?

- Ханнык аппликация предметнэй дэнэрий?

Үлэлэри көрүү. Үлэ миэстэтин хомуйуу. Сыаналааһын