Бөек Җиңүгә дан!

     1941 нче елның 22 нче июнендә башланган Бөек Ватан сугышы Вәрәшбаш авылыннан да бик күп эшче көчләрне тартып алды. Авылдан барлыгы 125 кеше сугышка китә. Вәрәшбаш кешеләре фронтта да, тыл да Ватан алдында торган изге бурычларын намус белән үтиләр. Фронтка киткән кешеләрнең 68е сугыш кырларында ятып кала. Күп кенә авылдашларыбыз күрсәткән батырлыклары өчен Хөкүмәтебезнең зур бүләкләренә лаек булалар. Галиев Зәкәрия, Гәрәев Миргарифан, Җәләлев Әскый, Гайсин Зөфәрләр “Кызыл йолдыз” һәм “Дан” орденнарының төрле дәрәҗәләре белән бүләкләнәләр.

Авылыбыз уртасында торган Билгесез солдат һәйкәле янында ел саен

зурлап Җиңү бәйрәмен билгеләп үтү тантансы уза. Безнең матур киләчәгәбез өчен көрәшкән авылдашларыбыз хөрмәтенә һәйкәл алдына чәчәкләр салына. Кызганыч, бүгенге көндә авылыбызда бер генә сугыш ветераны да яшәми.

Авылыбызның лаеклы ялдагы укытучысы Тәзкирә апа Низамиева Җиңүнең 70 еллыгы уңаеннан авылыбызда туып үскән сугыш чоры балаларын барлап, алар турында мәгълүмат туплап,”Сугыш чоры балалары” дигән китапчык чыгарды. Ул китап һәркемгә таратылды. Безнең мәктәп музеенда да саклана.

Әлеге бүлектә Хәтер китабы, сугыш чорына караган фоторәсемнәр, альбомнар саклана.