Шай-хундуткелдин чеми
классный час (3 класс) по теме

Тема: "Шай - хундуткелдин чеми".

     01.10.2015 чыл

Тема: "Шай - хундуткелдин чеми"

Сорулгазы: 1. Тыва чоннун хундуткелдиг чеми-суттуг шайнын тоогузун, оон   янзы-буру  хевирлерин чугаалажып  таныжар.

                        2. Тыва чоннун чанчылдарынга даяып, хундулээчел болурунга кижизидер.

                        3. Уругларнын аас чугаазын, кичээнгейин сайзырадыр.

 Класс шагынын чорудуу:

I. Организастыг кезээ

- Хундулуг аалчылар!

           Арга кирген кижи саат дайнаар,

           аалга кирген кижи аяк эрии ызырар.

- 2015 чылды "Тыва чаагай чанчылдар" чылы кылдыр чарлаан. Ынчангаш бис чуу деп темалыг класс шагы эрттирер-дир бис, уруглар? Шупту денге

номчуптаалынарам, уруглар  "Шай - ыдыктыг чем".

1. Шайнын тывылган тоогузун, оон хевирлерин таныжып чугаалажыр бис.

-Ынчангаш ол дугайында бистин класста ада-ие болгаш суурнун библиотека эргелекчизи Оксана Конгаровна силерге таныштырып чугаалаар.

II. Беседанын чорудуу

 а) Шайнын тывылганы

      -Шаанда кыдат хаан аргага агаарлап чорааш, ижер суун хайындырып бээрин чалчазынга дааскан. Хенертен хадымырлап келген соонда, хайнып турган сугже элээн каш бурулер кире берген. Хаан ол бурулерни коргеш ажынып хорадаваан.  Бурулуг сугну ол-ла хевээр алгаш, аартап олурда мага-боду сергеп, шылаанын-даа уттупкан. Ынчаарга шай кыдатка бир дугаар тывылган. Ол уеде шайны остуруп, чыыры, болбаазырадыры кончуг чажыт турган. Оске чурт ол дугайын билип албазын дээш, кызып чажырар турган.

      1938 чылда Москвадан бир кончуг бай кижи Моолче аъттаныпкан. Оон кол сорулгазы - моолдан барааннар орнап садыглажыры. Ынчаарга, ол барган орус кижиге Моолдар чогуур суй белээн, барааннарын берген. Ол белектернин аразында хой-ле таныттынмас бурулерлиг бараан бар болган. Ону посте ораап каан болган. Бай кижи ол бараанны алырындан ойталаксап турза-даа, моон сонгаар харылзажырынга эпчок апаар деп чувени угаап билгеш, ап алган. Москвага чанып келгеш, оозун хайындырып коорге, аажок амданныг чаагай суксун болган. Оон эгелээш-ле 19 векте шайны Россияга калбаа-биле ажыглап эгелей берген. Оон бээр шай кижилернин хун буруде чемге хереглээр суксуну

болган.

    III.  Шай - хундулуг чем        

     -Шай - эн-не хундуткелдиг чем. Шаандан тура тыва кижилер хундулээчел болгаш экииргек чон чораан. Келген аалчыларынга болгаш анаа чорумал-даа кижи кээрге, кады, кожалары-даа кээрге аяк-шайын сунуп хундулээр чораан. Ол хундулээрде хонекке турган шайны чылытпас, албан чаа шай хайындырар.  

     Эртенги хайындырган шайын от-козунче, оран-тандызынче ыяап-ла чажар ак-даа, кара-даа болза.

"Шайывыс"

Созу: Ч. Кара-Кускении,

Аялгазы: Тановтуу

Хуннун ишкеш покпес-даа,

Хундуткелдиг чемивис -

Кузел хандыр аартап аар

Куш-ле киирер шайывыс.

                                                        Аштаанда - тоттурар,

                                                        Аараанда - сегидер,

                                                        Шагзыраанда - сергедир

                                                        Шайывыс, шайывыс!

Унген-кирген улуска

Ургулчу-ле соннеп бээр,

Чугаа-соотту ооскудер

Шынап чаагай шайывыс.

                                                     Аштаанда - тоттурар,

                                                     Аараанда - сегидер,

                                                     Шагзыраанда - сергедир

                                                     Шайывыс, шайывыс!

      -Ам дараазында чалбарыгны бистин класста ада-ие болгаш суурнун уруглар садынын  кижизидикчи башкызы силерге тос карак дугайында таныштыргаш, чалбарыгны чугаалаар.

в) Тос карак - биле таныжылга

           - "Тос карак" дээрге тыва улустун эн-не унелиг, хундуткелдиг эди-дир. Оон- биле шайынын  устун оран делегейже чажып, чалбарып, чонунга, ог-булезинге болгаш чоок кижилеринге эки чуулду, аас-кежикти дилээр.

Чалбарыг

Эринниг чувеге амзатпадым,

Эки чемим дээжизи-дир.

Аастыг чувеге амзатпадым

Ак чемим дээжизи-дир!

Оршээ, хайыракан!  -дээш чалбарып чажар.

       -Хайындырган шайнын бажын огнун ээзи кижи ижер чораан. Шайны      - Бистин ада огбелеривис ол хире хундулеп чораан. Шай ог-булеге эн-не хундулуг, ыдыктыг чем. Тыва кижи оонге шайны черле узуктелдирбейн хайындырар, хонек куруглатпас чораан. Хонек база саваларнын эн-не хундулуу, ону ургулчу арыг силиг тургузар. Шай кудуп ижерде хонекти ору безин кодурбес дээр. Огге келген улуг-даа, бичии-даа кижиге тыва чон бир-ле дугаарында кижиге тыва чон бир-ле дугаарында шайын соннээр.

IV. Эм - шайлар.

    - Улусчу эмчилер чамдык аарыг кижилерге шай-биле кады эм унуштерни хайындырып ижерин сумелеп турар.

   1) Шеннеден шай

   2) Тайга тоорундан  белеткээн шай-биле кара-буурек аарыын эмнеп болур,

        мага-ботту экижидип болур.

3)Ыт-кадындан шай чодурген кижиге эки дээр.

4)кызыл-шай - дыт човурээзинден шай - чодулге, ижинге эки.

5) кок-каттан шай

6) Кызыл-каттан шай

7) Чыжырганадан шай

V. Аяк шайны тудары.

      - Кажан аалчы кижи аалга кээрге "Беттинерде аяк баарды" - дээр. Аякка

шайны чык долдур кутпас. Аяктын дувунге хензиг шайны база кутпас, аяктын  ортузундан куткаш, сунар.

     Шайны тондур ишкеш, аяан донгайтыр салып болбас, ору корундур салыр.  Аякты солагай хол-биле сунмас, он холу-биле сунарга, аалчы база он холу-биле хулээп алыр.

Шайнын болгаш дустун хавы

-А огге шай, дусту каяа шыгжаарыл, уруглар?

-(Тускай хапка, ынчангаш "шай, дус хавы деп адаар.)

-Ынчангаш шай, дус хавын кажанда-даа, каяа-даа ийилдирзин кезээде кожа, кады, бедик черге азар ужурлуг. Огнун, бажыннын эн-не хундуткелдиг эди бооп турар.

VI. Шайнын хевирлери

1. Шай  (чеми чедер шай)

2. Шаар  (катап хайындырган шай)

3. Хымыраан   (чеми-даа, дузу-даа четпес, суттеп каан шай)

Шулуктер

Аалга келген улус чонга

Аяк-шайны кудуп чор дээр.

Аай-дедир чолукшужар

Ада-огбем чанчылы-дыр. (Айслуу)

Бажынымга келген чонга

Сандайларым салыр-ла мен

Шаажаным салып бергеш,

"Шайланар" - деп чалаар-ла мен. (Сандак-Доржу)

Бажынынга киреримге,

Аяк-шайны кудар силер

Хар дек аккыр суттуг шайны

Харам чокка кудар силер (Чылгычы)

Чамдык улус ындыг болур

Чалап алгаш харам болур

Эргин артааш, кирип чорда

Экии! -дигеш хая корнур.  (Долума)

Шайны хайындырары

       - Шай хайындырары улуг мергежил. Ону чеми четчип, шаары кудуп бадып, чыды унгужеге чедир хайындырар. Хайны бээрге бедидир, чавызадыр 100 катап саарар. Суттээрде шээр мал (ошку, хой) судун ажыглаар, а инек судун кыйгак дээр. Азы кызыр инек суду-биле суттээр. (ол хоюг болур) .

Шайнын кезектери

1. Будун шай

2. Кезик шай

3. Улдун шай

4.Кечим шай

5. Каам шай

6.Шымчым шай

Шайнын унези

       Шайнын унези кончуг улуг чораан. Шаанда шайны Кыдат садыгжылардан 50 диин кежи-биле 1 будун шайны, а орустардан бир молдурга-биле кезик шайны садып ап чораан. Шаандан бээр тыва чоннун эн-не хундуткелдиг чеми чораан.

Тывызыктар

Улдун шайны ууй бастым

Кечим шайны кезе бастым

                                                         (ширтек)    Саглаана

Хой кижи хурээледи

Хурен аскыр чыраалады

                                                        (шайнын хайныры)      Сайырана

Йорээл

Аалывыстын суттуг шайы

Аалчыларга суксун болзун!

Келген аалчыларнын оруу ак болзун!

Оршээ хайыракан! Оршээ! -деп йорээр турган.

VII. Туннели.

-Шай дугайында чуну билип алдынар, уруглар?

Чыргакы ортумак школазы

                                                                  Башкы: Донгак                                Алена Олеговна

Чыргакы - 2015ч