1 нче сыйныфта әдәби уку дәресенә технологик карта.
презентация к уроку по чтению (1 класс) по теме

Дәреснең максаты

[гъ], [г] авазлары, Г, г хәрефләре белән таныштыру;

• сүз модельләре нигезендә [гъ], [г] авазларын дөрес әйтергә өйрәтү;
• басма текстны орфоэпик нормаларга туры китереп уку күнекмәләрен үстерү;
• туган якка карата кызыксыну хисләре уяту.

Планлаштырылган нәтиҗәләр

Укучылар [гъ], [г] авазларын дөрес әйтергә, әлеге авазларга характеристика бирергә өйрәнәләр;

басма текстны дөрес итеп укуга ирешәләр;

үз туган ягың белән горурлану хисе кичерәләр.

Дәреснең тибы

Яңа белемнәрне ачу дәресе

Ресурслар

Мияссарова И. Х.,  Гарифуллина Ф. Ш., Шәмсетдинова Р. Р. Әлифба: татар телендә башлангыч гомуми белем бирү  мәктәбенең 1 нче сыйныфы өчен дәреслек. – Казан: Мәгариф – Вакыт, 2011. – 54 – 55 бит.

Мияссарова И. Х.,  Гарифуллина Ф. Ш., Шәмсетдинова Р. Р. Әлифба. Методик кулланма.  – Казан: Мәгариф – Вакыт , 2011. – 38 – 40 бит.

Якушина Е.В. Готовимся к уроку в условиях новых ФГОС. – http://www.openclass.ru

Дәрескә презентация, рәсемле әлифба, кояш, болыт рәсемнәре.

Дәрес этаплары

Укытучы

эшчәнлеге

Укучы

эшчәнлеге

УУГ

1. Мотивация.

Максат.Укучылар белән дәрескә уңай атмосфера тудыру.

Көтелгән нәтиҗә.Дәрескә кызыксыну уяна.

Сыйныфта уңай атмосфера тудыра

Хәерле иртә, укучылар!

Сез әлифба дәресенә әзерме?

Кәефләрне ачыкларга тәкъдим итә:

Укучылар, кәефләрегез ничек?

Исәнләштек,күрештек

Кулны кулга бирештек

Матур итеп елмайдык

Белем иленә юл алдык

Кояшлы иртә кебек.

Коммуникатив: уку процессын оештыру; үз хисләреңне белдерү һәм бәяләү.

II.Белемнәрне актуальләштерү.Максат. Сүзгә аваз анализы ясау күнекмәләрен ныгыту.

Көтелгән нәтиҗә. Табышмак җавабы булган сүзне авазлары ягыннан тикшерә белү.

Укучылар әйдәгез эле телебезгә гимнастик күнегүләр үткәреп алыйк.

Тизәйткеч әйтә:

Саран Сара,

Саный-саный,

Салам сала.

Балалар,Сезгә бу сүзләрне әйткәндә нинди аваз еш ишетелде?

Сара сүзенә аваз анализы ясау.

Әйдәгез, хәзер Сара сүзенең схемасын төзик. (Күмәк эш)

С авазы.Димәк нинди хәреф өйрәнгән идек үткән дәрестә?

-С хәрефе.

Авазларга характеристика бирәләр:

[с] – саңгырау тартык

[а] – калын сузык

[р] –яңгырау тартык

Танып белү: эзләнү, уку өчен кирәкле мәгълүматларны табу; сүз модельләре төзү.

Коммуникатив: укытучы белән диалогка керү; коллектив фикер алышуда катнашу.

III.Уку максатын кую.

Максат. Аваз анализлауда кыенлык тудыру.

Көтелгән нәтиҗә.Дәреснең темасын, максатын билгели алу.

Балалар,өстәл өстендә быел җыеп алынган уңыш,Сез шуларның исемнәрен иҗеккә бүлеп кәрзингә тутырырга ярдәм итәрсез.

Укучылар, иң соңыннан нинди җиләк-җимешне салдык. (Күмәк эш)

Балалар,груша сүзендә беренче  нинди аваз ишетелә?

Димәк, без бүгенге дәрестә нинди аваз һәм хәрефне өйрәнәбез?

Безнең алда нинди максат тора?

Кә-бес-тә,чө-ген-дер,ки-шер,ал-ма,су-ган,гру-ша.

Груша сүзен әйтәләр.

[г]-авазы.

Дәреснең темасын әйтәләр:

[гъ] авазын, Г, г хәрефләрен өйрәнербез, алар белән сүзләр укырбыз.

[гъ]        [г]авазларын дөрес итеп аера белү,сүзләрне дөрес итеп уку.

Регулятив: уку материалында укытучы күрсәткән ориентирны аңлау.

Танып белү: сүз моделе төзү; анализ алымын куллану.

Коммуникатив: коллектив фикер алышуда катнашу; укытучы белән берлектә эшчәнлекне планлаштыру.

Шәхси: танып белү мөмкинлеген үстерү; уку эшчәнлеге мотивын ачыклау

IV. Яңа белемнәр ачу.

Максат.[гъ], [г] авазлары, Г, г хәрефләре белән танышу.

Көтелгән нәтиҗә.[гъ], [г] авазларына характеристика бирә белү.

[гъ] авазын ачыклау алгоритмын тәкъдим итә:

Укучылар, барыбыз да бергә [гъ] авазын әйтәбез.

Сорау куя:

[гъ] – сузыкмы, тартыкмы?Ни өчен?

Ә хәзер колакларыгызны каплап әйтегез: [гъ] – яңгыраумы, саңгыраумы?

Схемада бу аваз нинди шартлы билге белән белдерелер?

Дәреслек белән, төркемләп эшләүне оештыра:

Ә хәзер “Әлифба” китабын ачабыз, суган белән янәшә нинди рәсем күрәсез?

Бу сүзнең схемасы белән танышыйк әле.

Суган һәм гөл сүзләрендә икесендә дә г хәрефе бар, алар ике сүздә дә бер төрле укыламы?

Димәк, калын сузыклар янында [гъ], нечкә сузыклар янында[г] булып укыла икән. Бу авазларның икесенә билге булып бер хәреф – Гг хәрефе йөри. (Рәсемле әлифба эленә)

Дәреслек белән эшләүне дәвам итәбез: дага һәм Гүзәл сүзләрен төркемнәрдә тикшерәбез. (Төркемнәрдә эш)

Конэрс.Кайсы рәсемнең әйтелешендә г авазы ишетелә,шул рәсем янына барып басыгыз.

Авазны хор белән әйтәләр.

Тартык аваз булуын, аны әйткәндә һава агымының тоткарлыкка очравын әйтәләр.

Яңгырау тартык икәнен әйтәләр.

Уртасында нокта булган квадрат белән белдерелүен әйтәләр.

Гөл рәсеме икәнен әйтәләр.

Схеманы карыйлар.

Сүзләрне кабатлап әйтеп карыйлар, калын һәм нечкә әйтелүен ачыклыйлар.

Бирелгән сүзләрнең схемасын парларда төзиләр.

Парлашып басалар,ни өчен шул рәсемгә басканнарын сөйлиләр.

Җаваплар тыңланыла.

Регулятив: укытучы белән берлектә яңа материалны ачу.

Танып белү: сүз моделе төзү; анализ алымын куллану.

Коммуникатив: диалогта катнашу; иптәшеңне тыңлау.

Шәхси: уку материалына кызыксыну  белдерү

Коммуникатив: диалогта катнашу; иптәшеңне тыңлау.

Физкультминут

Тәрәз каршына килгән бер чыпчык,

Мине чакыра: - Чык әле, чык, чык!

Алдый ул, беләм, гел шулай итә

Йөгереп чыксам, оча да китә.

V.Ныгыту.

Максат. Уку күнекмәләрен үстерү.

Көтелгән нәтиҗә. Яңа авазлар белән сүзләрне, басма текстны дөрес укый алу.

Дәреслек белән эшне оештыра:

Ә хәзер, укучылар, дәреслектәге кушылмаларны хор белән укыйк әле.

Чылбыр рәвешендә г хәрефе кергән сүзләрне укыйк.

“Яран гөле” дигән текстны җөмләләп укыйбыз.

Укыган текст буенча сораулар бирә:

• Әнинең исеме ничек?
• Текстта тагын нинди исемнәр бар?
• Алар ни өчен баш хәрефтән язылган?

“Идел елгасы” исемле текстны укыйбыз.

Сүзлек эше:

Идел – елга исеме, баш хәрефтән языла.

Татарстан – республикабызның исеме, баш хәрефтән языла.

Өстәмә мәгълүмат бирә:

Безнең авыл уртасыннан ага торган Бөр, зур юллар үтеп, шушы Идел елгасына килеп кушыла.

Кушылмаларны хор белән укыйлар.

Чиратлашып сүзләр укыйлар.

Текстны укыйлар, җөмләнең баш хәрефтән башлануын, ахырында нокта куелуын искәртәләр.

Укытучы сорауларына җавап бирәләр:

• Гөлнур.
• Гөлназ, Галия, Гөлүсә.
• Кеше исемнәре һәрвакыт баш хәрефтән языла.

Текстны укыйлар.

Танып белү: дәреслектә ориентлашу; текст белән эшләү.

Коммуникатив: диалогта катнашу; коллектив фикер алышу.

Шәхси: яңа белемгә кызыксыну белдерү.

VI.Мөстәкыйль эш.

Максат. Мөстәкыйль уку һәм фикер йөртү күнекмәләре булдыру.

Көтелгән нәтиҗә. Кеше исемнәренең баш хәрефтән язылуын истә калдыру.

Эшне оештыра:

Ә хәзер, укучылар, дәреслектә бирелгән таблицаны карыйбыз, андагы сүзләрне үзегез укып чыгыгыз әле.

Сорау куя:

• Ни өчен бу сүзләр барысы да баш хәрефтән язылган?

Уен оештыра:

Хәзер “Яшеренгән сүз” уены уйнарбыз. Газизә сүзеннән нинди сүзләр төзеп булыр?

“Бар,юк”уены. [г] авазы кергән сүзләр әйтә.

Песи,сөт,гөл,дага,тоз,елга,ага.

Мөстәкыйль укыйлар.

Җавап бирәләр:

• Кеше исемнәре баш хәрефтән язылалар.

Сүзләр төзиләр:

Газиз

Гази

газ

изә

гизә

аз

игә

Балалар[г] авазы кергән сүзне ишетсәләр кул чәбәклиләр.

Танып белү: текст белән эшләү; анализ-синтез алымын куллану.

Коммуникатив:

коллектив фикер алышу.

VII.Рефлексия.

Максат. Дәрестәге эшчәнлеккә нәтиҗә ясау.

Көтелгән нәтиҗә.[гъ], [г] авазларының яңгырау тартык булуын әйтә алу, үз эшчәнлегеңә дөрес бәя бирә белү.

Дәрес эшчәнлеген гомумиләштерә, нәтиҗә ясый:

• Без бүгенге дәрестә нәрсә өйрәндек?

• [гъ], [г] авазлары нинди авазлар?

Дәрескә куелган максатыгызга ирештегезме?

• Безнең сыйныфта Г хәрефенә башланган исемнәр юкмы?
• Г хәрефенә башланган фамилияле кешеләр бармы?
• Дәрес сезгә ошадымы?
• Кем дә кем бүгенге дәрес материалын яхшы аңладым һәм аны башкаларга да аңлатып бирә алам дип уйлый, шулар елмаеп торучы кояшны сайлый.
• Кем материалны аңладым, ләкин башкаларга аңлатып бирергә кыенсынам ди, алар болыт артына качкан кояшны сайлый.

Дәрестә бик актив катнаштыгыз, молодцы! Дәрес тәмам.

Сорауларга җавап бирәләр:

• [гъ], [г] авазларын, Г, г хәрефләрен.
• Яңгырау

тартыклар.

-Әйе.

• Гөлсинә.

• Ганиев, Гайфиев

• Әйе.

Үзбәя бирәләр:

Кәефләрен ачыклыйлар.

Шәхси: уку эшчәнлеге мотивын ачыклау