"Йолдызлы сәгать" Әйләнә-тирә дөнья дәресеннән класстан тыш чара
план-конспект занятия по окружающему миру (3, 4 класс) на тему

           ӘЙЛӘНӘ-ТИРӘ ДӘРЕСЕ буенча класстан тыш чара

Кичәнең максаты : 

                  1. Укучыларның “ Һава “, “ Су”,  “Файдалы казылмалар “, “Туфрак “ темалары буенча бе-

                   лемнәрен ныгыту.

                    2. Балаларның уйлау – фикерләү сәләтләрен  һәм   иҗади активлыгын үстерү ,күзал-

                   лауларын киңәйтү.

             Җиһазлау :файдалы казылмалар (гранит ,кызыл балчык ,

               ташкүмер ,нефть ,торф ,известьташ ),төсле кәгазьдән  ки-

               селгән  йолдызлар ,чиста альбом бмтләре ,ручкалар ,һәр

               укучыда 1-6 цифрлары .

             Укытучы : Укучылар , бүген без “Йолдызлы сәгать” уенын үткәрәбез .Аны җиңүчесе булып “ Әйләнә -тирә “ дәресләрендә актив катнашып , дәреслек  материалын игътибар белән укыган һәм өйрәнгән укучы булачак . Беренче турда 3-4 сыйныф укучылары барысы да катнаша .

                            1 тур . Файдалы казылмалар .

   Өстәлгә 6 файдалы казылма : гранит , кызыл балчык , ташкүмер , нефть ,торф , известьташ куела. Аларның һәрберсенә номер сугылган . Укытучы   сорауны биргәннән соң ,һәр укучы дөрес җавапка туры килгән номерны күтә рә . Дөрес җавап өчен 1 очко бирелә .

       Сораулар :

       1. Бу файдалы казылмадан кирпеч һәм төрле- төрле савыт-сабалар ясыйлар .

       2. Бик чыдам булганы өчен,аны төзелештә кулланалар . Аннан биналар ның фундаментын ,күпер баганала-рын , баскычлар төзиләр.Шомартып ,метро  станцияләрен бизиләр , яр буйларын ныгыталар , һәйкәлләр куялар.

       3. Ул - майсыман сыеклык , карасу төстә , зәһәр исле , янучан .Аннан бензин , керосин , машина мае , вазелин һәм парафин алалар .

       4. Аны уңыш ташы диләр . Бөртекле һәм яшелчә культураларының уңы шын арттыру өчен , аны туфракка күпләп кертәләр. Юлларга һәм урамнарга җәю өчен , шулай ук цемент хәзерләү өчен кулланалар .

      5. Ул сазлыкның төбендә үсемлек калдыкларыннан хасил була . Аның белән басуларны ашлыйлар , корысын терлек астына түшиләр , биналарны җылыту өчен файдаланалар .

      6. Үзе каты , кара төстә була , янучан . Аны чыгару өчен шахталар казыйлар .

         1 нче тур ахырында 4 һәм аннан күбрәк очко җыйган укучылар икенче  турда катнашалар . Җиңүчеләрнең киемнәренә йолдызлар беркетелә . Калган уйнаучылар уеннан чыгалар һәм тамашачы булалар .

                          2 нче тур. Су һәм аның үзлекләре .

1) Дөрес җавапны табыгыз . Бозга әйләнгәндә су :

1. Кысыла .
2. Киңәя .+
3. Үзгәреш булмый.

1. Хатаны табыгыз . Без беләбез , су ул :

1. Үтә күренмәле.
2. Ак .+
3. Төссез .
4. Иссез .
5. Җылытканда киңәя .
6. Суынганда кысыла .

2. Дөрес җавапны табыгыз . Су бозга әйләнә :

1. +1 градуста .
2. – 1 градуста .
3. 0 градуста . +
4. – 5 градуста .
5. – 2 градуста .

2 нче турның 3 соравына да дөрес җавап биргән укучылар 3 нче турга үтәләр .Җиңүчеләргә йолдызлар бирелә .

                          3 нче тур . Һава .

1. Хатаны табыгыз . Һава составына түбәндәге газлар керә :

1. Азот .
2. Сөрем газы .
3. Кислород .
4. Углекислый газ .

2. Дөрес җавапны сайлап алыгыз .

Кешеләргә һәм тереклек ияләренә сулау өчен нинди газ кирәк ?

5. Кислород .+
6. Азот .
7. Углекислый газ .

3 нче турның сорауларына дөрес җавап биргән укучылар 4 нче турга үтәләр . Җиңүчеләрнең киемнәренә йолдызлар беркетелә .

                                       4 нче тур . Туфрак .

1. Хатаны табыгыз . Үсемлекләр туфрактан нәрсәләр ала ?

1. Дым .
2. Кислород .
3. Черемә .
4. Микроблар .+
5. Суда эрегән тозлар .

2. Дөрес җавапны сайлап алыгыз . Туфрак турындагы фәнне язучы :

1. И.П. Павлов .
2. М.В.Ломоносов .
3. В.В. Докучаев . +
4. Д.И. Менделеев .

3. Хатаны табыгыз . Үсемлекләр турындагы фән :

1. Математика .
2. Ботаника .
3. Тарих .+

4 нче турның соравына дөрес җавап биргән укучылар 5 нче турга үтәләр .Җиңүчеләргә йолдызлар бирелә .

                                    5 нче тур . Кем күбрәк сүз төзи ?

Алма сүзеннән кем күбрәк сүз ( исемнәр) төзи ? 5 нче тур ахырында җиңүчеләр билгеләнә . Аларга бүләкләр тапшырыла .