Туган авылым - Якуп авылы
статья на тему

Якуп авылы якын ул.

Минем авылым таулы,таллы

Туган авылым- Якуп авылы.

Сукайларың синең татлы,

Тугайларың аллы-гөлле.

Бигрәк искә төшә үскән чак

Тау буенда бәпкә саклаулар.

Имәнлекләр төшә искә һәрчак,

Каен тамчыларын саклаулар.

Яз җитү белән бергәләшеп

Туп уйный идек авыл башында.

Үсеп буйга җиткәч тезелешеп

Җыела идек клуб каршына.

Хәзер авылым бик үзгәргән

Урамнарда ят сабыйлар.

Минем күзләр аларны ныклап

Танырга тырышып карыйлар.

Кайберләрен  әти-әнисенә

Охшатып танып алам.

Чыгып киткәнемә дә хәтсез ел

Үткән диеп исәпләп алам.

Ничә ел үтеп китсә дә,

Күпме сулар акса да.

Якуп авылы якын ул

Күңелемне шунда тарта ул.

Эльза Нәҗмиева-Миндиярова

Иске Богады авылы