Яҙ килә. 2-се класс
план-конспект урока (2 класс) на тему

2-се класс (башҡорт дәүләт теле)

Тема: Яҙ килә.

Маҡсат: яҙ темаһы менән таныштырыу, дөрөҫ әйтергә, яҙырға өйрәтеү, балаларҙың телмәрен байытыу, тәбиғәткә һаҡсыл ҡараш тәрбиәләү.

Йыһазландырыу: интерактив таҡта, презентация.

Дәрес барышы:

1.Уңыш ситуацияһы тыуҙырыу. 

Уҡыусылар, дәресте башлар алдынан, бер – беребеҙгә  ҡарап йылмайып, эстән генә дәрестең уңышлы, файҙалы  булыуын теләп  ултырайыҡ.

2.Уҡыу мәсьәләһен ҡуйыу. Артикуляцион күнегеү.

-Башҡорт телендә дөрөҫ һөйләшер өсөн телдәрҙе шымартып алайыҡ.

-ижектәрҙе уҡыу;

-тиҙәйткесте уҡыу - аптыраулы, шатлыҡлы.

-Башҡорт хәрефтәрен дөрөҫ яҙыр өсөн матур яҙыу минутын үткәреп алайыҡ.

-Һүрәттәрҙе  иғтибар менән ҡарағыҙ. Был һүрәттәрҙе бер-береһе менән нимә бәйләй?

- Дәрестә нимә тураһында һөйләшербеҙ?

- Дәрәсебеҙгә ниндәй маҡсат ҡуябыҙ?

-Дәфтәргә  теманы яҙып ҡуяйыҡ. Бөгөн  дәрестең темаһы  “Яҙ килә”.  

3.Уҡыу мәсьәләһен хәл итеү.

-Был маҡсаттарға ирешеү өсөн, киләһе һүҙҙәр кәрәк буласаҡ.

1)Һүҙлек эше.

яҙ –   весна

ирей - тает

үлән –  трава

йәшәрә  – зеленеет

тамсы(лар) -  капель, капли

тама – капает

умырзая  – подснежник

сәскә ата –  цветет

һыу таша - половодье

тал(дар) – ива(ы)

бөрө  -  почка

-Әйҙәгеҙ, был һүҙҙәр менән һүҙбәйләнештәр, һөйләмдәр төҙөйөк.

Ял минуты. “Дауыл” уйыны

4. Ғәмәли эштәр башҡарыу.

1)Дәреслек менән эшләү.

-Уҡытыусының өлгөлө уҡыуы;

-тәржемә итеү;

-шиғырҙы хор менән уҡыу;

- 1-се рәт  шыбырлап уҡый;

- 2- се рәт ҡысҡырып уҡый.

2) Парлап эшләү “Шиғырҙан һүҙҙәре ҡасҡан”.

Бер уҡыусы интерактив таҡтала эшләй. http://LearningApps.org/view2264063

3) Шиғырҙы йырлау.

3) “Умырзая” фильмынан өҙөк ҡарау.

-Һатыусы менән малай нимә тураһында һөйләшәләр? Малай  умырзаяны өҙөп дөрөҫ эшләйме? 

-Умырзая  Ҡыҙыл китапҡа индерелгән. Был сәскәне һаҡларға кәрәк.

-Башҡортостанда ниндәй умырзаялар үҫә? (Аҡ умырзая, күк умырзая, һары умырзая)

Уҡыусылар, ошо матурлыҡты күреп, рәхәтләнеп уйнап-үҫкән, еләген йыйған, һауаһын һулаған, һыуында ҡойонған тыуған ерегеҙҙең, тәбиғәттең матурлығын күрә белегеҙ, зауыҡлы булып үҫегеҙ!

4) Яҙ тәбиғәттә генә түгел, кешеләр тормошонда ла үҙгәрештәр була. Көндәр йылыныу менән үҙебеҙҙең кейемдәребеҙҙе алмаштырабыҙ.  Нимә кейәбеҙ һуң беҙ яҙ көнө. (Интерактив таҡтала “Ҡайһы ваҡытта кейәләр?” http://LearningApps.org/view2270828)

5)Дәфтәргә яҙыу.

5. Рефлексив анализ. Баһалау.

-Уҡыусылар, һеҙгә дәрес оҡшанымы?

-Яңы өйрәнгән һүҙҙәрҙе иҫкә төшөрөр өсөн филворд (“Һүҙҙәрҙе тап”) тәҡдим итәм.   http://LearningApps.org/view2238902 

-Үҙегеҙҙе баһалағыҙ.

                  Өйгә эш.

1.Шиғырҙы тасуири уҡырға әҙерләнергә;

2. “Яҙ килә” темаһына һүрәт төшөрөргә;

3. Яңы һүҙҙәрҙе ятларға.