Главные вкладки

    Литературно-музыкальная композиция " Чаваш ваййисем"
    методическая разработка (4 класс)

    Поркина Елена Владисовна

    Сценарий на чувашском языке.

    Скачать:


    Предварительный просмотр:

    Музыкăпа литература композицийĕ «Вăйăра».

       Вăйă картинче.

    Тĕллев: Чăваш халăх йăли – йĕркипе (вайапа) интереслентересси, халăх юрри – ташшшине вĕрентесси.

     Вĕренекенсен тавçăруллăхне аталантарасси.Ачасен туслăхне çирĕплетесси.

     (Сцена синче кăшт хыçаларах)- пÿрт умне тухаççĕ.Арçын ача шăхăрать. Чÿречерен Нинук  пăхать.

    1 ача. Нинук! Урама тух!

     

    Нинук: Мĕн тума?

    2 ача. Вăйă выляма.

    Нинук: Юрать тухап. Тумланам-ха(.Нинук тухать.)

    Нинук:Акă эпĕ тухрăм та.Мĕнле вăйă вылятпăр?

    1-меш ача:Хамăр тант  ăшсене пурне те чĕнер мар-и?

    2-меш ача:Атьăр, чĕнес!

    (Алла - аллăн тытанса

    1.«Хурăн çулçи» юрă юрласа тухаççĕ.

     

    1.Хурăн çулçи /3 х

    Çурăлсан,

    Килет вăрман /3 х

    Илемĕ

    2.Хĕрсем вăййа /3 х

    Тухсассăн,

    Килет урам /3 х

    Илемĕ.

    (Çурма çавра тăраççĕ)

    (ЭВЕЛИНА)

     - .Атьăр, вăййа тухар-и те,

    Çĕнĕ сăвă калар-и?

    Пирĕн çине тантăшсем те

    Ăшшăн пăхса кулччăр-и?

    (ВЕРОНИКА)

     - Атьăр, вăййа тухар-и те,

    Çÿл тÿпене пăхар-и?

    Çитмĕл çичĕ çăлтăр пек те

    Савăнайса выляр-и?

    А.Н- Атьăр, вăйă вылятпăр!

    А Вылятпăр!

    А,Н- Мĕнле вăйă выляр-ши, ачасем?

    А- Ят пĕлмелле!

    А,Н- Ят пĕлме кама кăларатпăр?!

    А.Н-Данила!

    - Данил, тух-ха, сана ачасем кĕтеççĕ!

    (Данил урай варрине тухса ларать. Ачасем ун тавра карталанса юрлаççĕ)

    Ларать, ларать, Данил ларать

    Шĕшкĕ тĕмĕ айĕнче /2 х

    Çиет, çиет, Унтри çиет

    Шĕшкĕн сарă мăйăрне /2 х

    Вăхăт çитсен тăрас пулать

    Ятне тĕрĕс калас пулать. /2 х

    (Ачасем чарăнса тăраççĕ. Ушкăнран пĕри Данилăн куçĕсене аллисемпе хуплать. Данилăн ун ятне пĕлмелле)

    - Ку кам-ши?

    - Ку Оксана!

    - Данил пĕлеймерĕ! Мĕн тутаратпăр ăна?!

    - Сăвă калаттаратпăр!

    Ваççа кайнă вăрмана

    Хура çырла пуçтарма.

    Упа тухнă мĕкĕрсе,

    Ваççа ÿкнĕ  хăраса

    - Халĕ ят пĕлме кама  кăларатпăр?!

    - Коляна!

    - Коля, тух-ха, сана ачасем кĕтеççĕ!

    (Коля тухса ларать. Ачасем ун тавра карталанса юрă юрласа çаврăнаççĕ. Пĕр ачи ун куçне хуплать)

    - Ку кам-ши?!

    - Ку Кирилл!

    - Пĕлчĕ! Мĕн тутаратпăр ăна?!

    - Тупмалли юмахăн тупсăмне туптаратпăр!

    - Пĕчĕкскер, хитрескер, çĕр мăкăртса тухнăскер, пурçăн тутăр çыхнăскер. Мĕн вăл?

    - Кăмпа!

    А.Н.- Ачасем, татах выляр-и?!

    А.- Выляр!

    А.Н.- Халĕ мĕнле выляр?

    А.- Иванпа Анюкла!

    А.Н.- Вылятпăр-и?

    А.- Вылятпăр!

    Нина.- Эпĕ Анюк пулатăп!

    Кирилл.- Эпĕ Иван пулатăп!

    (Анюк хăй куçне тутăрпа çыхать. Анюкăн Ивана сасă тăрăх шыраса тытмалла).

    - Иван, эсĕ ăçта?

    - Кунта! Кунта!

    - Иван, эсĕ ăçта?

    - Кунта! Кунта!

    - Тытаймарĕ! Тытаймарĕ!

    - Мĕн тутаратпăр?!

    - Юрă юрлаттаратпăр!

    - Хĕрсем, мана юрлама пулăшăр-ха, тархасшăн?!

    Юрă «Мĕн тума ?»

    Алли кирлĕ мĕн тума?

    -Тĕрĕ тĕрлеме.

    Ури кирлĕ мĕн тума?

    -Ташă ташлама.

    Сасси кирлĕ мĕн тума?  

    -Юрă юрлама.

    Чĕлхи кирлĕ мĕн тума?

    -Сăвă калама.

    Хăлхи кирлĕ мĕн тума?

    -Юмах итлеме.

    Куçĕ кирлĕ мĕн тума?

    -Çут тĕнче курма.

     

    (Алена Николаевна)                                                          

    Йăмра çине тăм ÿкет,

    Хĕвел пăхать-ирĕлет.

    Выльăр, кулăр, тантăшсем,

    Çамрăк ĕмĕр час иртет.

     Юрă «Çĕмĕрт çеçки çурăлать».

    1.Çĕмĕрт çеçки çурăлать те,

    Çĕмĕрт çеçки çурăлать,

    Вăрман витĕр курăнать /2 х

    2.Шурă кĕпе тăхăнсан та,

    Шурă кĕпе тăхăнсан,

    Вăйă витĕр курăнать /2 х

    3.Çутă пушмак, шур чăлха та,

    Çутă пушмак, шур чăлха.

    Кирĕк тивмест тетĕр-им? /2 х

    4.Вылямастăр, кулмастăр та,

    Вылямастăр, кулмастăр.

    Вăйă иртмест тетĕр-им? /2 х

    5.Чăрăш кĕлет, сар кĕлет те,

    Чăрăш кĕлет, сар кĕлет.

    Тăрри чăнкă килĕшет /2 х

    6.Эпир вăййа тухсассăн та,

    Эпир вăййа тухсассăн,

    Юрлани те килĕшет /2 х

     – Атьăр, çĕрĕ валеçмелле вылятпăр!

    - Вылятпăр!

    - Эпĕ çĕрĕ валеçетĕп.

    Пĕлекенни кам пулать?

    - Эп – пĕлекенни пулатăп!

    - Чик-чик-чикĕлти,

    Эс чипер те, эп чипер.

    Санран чипер тата пур.

    Сик, тух, чиперри!

    - Çĕрĕ камра?

    - Çĕрĕ Санюкра!

    - Пĕлеймерĕ! Мĕн тутаратпăр?!

    - Такмак каласа ташлатăр!

                 Такмаксем.

    1.Шап-шурă купăста

    Эпир çиме пит ăста.

    Юрламасан, ташламасан

    Пире кунта намăс та.

    (Оксана)

    2.Лач-лач-лачака

    Лачакара вĕт шапа.

    Пирĕн ялăн ачисем

    Чисти усал качака.

    (Алиса)

    3.Хура вăрман çырлине

    Чĕреспеле пухмалла.

    Сирĕн пире тиркеме

    Шухăшласа пăхмалла.

    (Данил)

    4.Çырмара, лапара

    Лапра пулать-и вара?

    Эпир кунта ташланăшăн

    Намăс пулать-и вара?

    (Наташа)

    5.Велосипед, велосипед

    Такăр çула юратать.

    Велосипед çинчи ачи

    Пиллĕк илме юратать.

    (Кирилл)

    6.Чÿречене уçăр –ха

    Уçă сывлăш кĕтĕр-ха.

    Аллăрсене çупăр-ха

    Хаваслăрах пултăр-ха!

    (Коля)

    7.Ирпе ирех тăмалла,

    Физькультура тумалла.

    Физькультура тумасан

    Вăй та, хай та

    Пулме сан

    (Полина)

    Анне пек пулас килет

    Атте пек пулас килет,

    Атте-Аннепе пĕрле

    Савăнса ÿсес килет.

    (Ангелина)

    Лапша-Макарон

    Сĕтпе юрататпăр.

    Эпир уява тухсан

    Çапла савăнатпăр.

    (Эвелина)

    Такмаксене пĕтеретпĕр.

    Урăх юрламастпăр.

    Хытă тăрăшмарăмăр;

    Аллине çапмастпăр!

    (Вероника)

    -Халĕ çĕрĕ эпĕ валеçетĕп!

    Пĕлекенни кам пулать?

    - Эпĕ пĕлекенни пулатăп!

    - Чик-чик-чикĕлти,

    Эс чипер те, эп чипер.

    Санран чипер тата пур.

    Сик, тух, чиперри

    - Çĕрĕ камра?

    - Çĕрĕ Верукра!

    - Пĕлчĕ! Мĕн тутаратпăр?

    - Сăвă калаттаратпăр!

    Сурăх çÿрет кĕтÿре

    Самăрланса кунсерен.

    Сумлă алса-чăлхасем

    Сурăх парать çулсерен!

    (Алена Николаевна)

    Эх, лайăх-çке вăйăра

    Юрă юрлама.

    Тĕрлĕ чечексем çине

    Пăхса савăнма!

    А.Н.- Тантăшсем, атьăр икĕ ушкăна уйрăлар!

    А.- Уйрăлар!

    А.Н.- Мĕнле вăйă выляр-ши, ачасем?!

    А.- «Çерем ватса вир акрăм» вăйă вылятпăр!

    Вăйă «Çерем ватса вир акрăм»

    - Çерем ватса, çерем ватса вир акрăм. /2 х

    -Эпир ăна таптатпăр /2 х

    -Эсир мĕнпе, эсир мĕнпе таптатăр?   /2 х

    -Кĕтÿ кĕртсе таптатпăр. /2 х

    - Эпир ăна, эпир ăна тытатпăр /2 х

    - Эсир мĕнпе тытатăр? /2 х

    - Чĕн йĕвенпе, чĕн йĕвенпе тытатпăр /2 х

    - Эпир ăна илетпĕр! /2 х

    - Эсир мĕнпе, эсир мĕнпе илетĕр? /2 х

    - Пин сум парса илетпĕр /2 х

    - Пире пин сум , пире пин сум кирлĕ мар. /2 х

    - Сире тата мĕн кирлĕ? /2 х

    - Пире тата, пире тата хĕр кирлĕ/2 х

    - Пирĕн çунат катăлчĕ /2 х

    - Пирĕн çунат, пирĕн çунат хушăнчĕ/ 2х

    - Нинука ташлаттаратпăр-и?

    - Ташлаттаратпăр!

    - Эпĕ пĕччен ташламастăп.

    Эпĕ хĕрсемпе ташлатăп!

                         Чăваш ташши «Линкка-линкка»

    1.Линкка-линкка авкаланма

    Юман хăма кирлĕ  / 2 х

    Халь те юман, халь те юман

    Тата юман кирлĕ  /2 х

    2.Йăкăш-йăкăш шуçкалама

    Яка хăма кирлĕ.  /2 х

    Халь те яка, халь те яка

    Тата яка кирлĕ.  /2 х

    3.Ик аллă ма сулкалама

    Кĕмĕл çĕрĕ кирлĕ.  /2 х

    Халь те кĕмĕл, халь те кĕмĕл

    Тата кĕмĕл кирлĕ.  /2 х

    4.Чуп-чуп чуптума

    Чипер ача кирлĕ.  /2 х

    Халь те чипер, халь те чипер

    Тата чипер кирлĕ.  /2 х

    5.Линкка-линкка авкаланма

    Юман хăма кирлĕ  / 2 х

    Халь те юман, халь те юман

    Тата юман кирлĕ  /2 х

    Тул çутăлса килет.

    Автансем те авăта пуçларĕç.

    Çитет пулĕ выляса,

    Çитет пулĕ юрласа.

    Хĕвел тухрĕ хĕрелсе

    Çĕнĕ куна ырласа.

    («Хурăн çулçи» юрă юрласа тухса каяççĕ»)

    3.Хурăн çулçи /3 х

    Тăкăнсан,

    Каять вăрман /3 х

    Илемĕ.

    4.Хĕрсем вăйран /3 х

    Кĕрсессĕн

    Каять урам /3 х

    Илемĕ.


    По теме: методические разработки, презентации и конспекты

    23 февраля - День защитника Отечества. Литературно-музыкальная композиция.

    Внеклассное мероприятие, посвящённое Дню защитника Отечества. Мероприятие подготовлено для учащихся начальной школы....

    Литературно-музыкальная композиция "Вологда моя"

    Стихи и песни о Вологде, вологодском крае...

    Литературно-музыкальная композиция "Слава тебе Сталинград"

    Материал предназначен для открытого мероприятия, проводимого 2 февраля в честь годовщины разгрома немецких войск под Сталинградом"...

    Литературно-музыкальная композиция "Здравствуй, Золотая Осень!"

    Непродолжительная костюмировання композиция, которую можно провести и на уроке чтения, и на уроке окружающего мира....

    Литературно - музыкальная композиция "Солдаты Отечества"

    Цели проведения мероприятия:1. Воспитание чувства патриотизма и любви к Родине.2. Формирование гражданской позиции учащихся.3. Пропаганда знаний по истории России и истории края....

    Литературно-музыкальная композиция «Война в творчестве поэтов» (защита проекта по литературному чтению «Праздник поэзии»)

    Проектная деятельность младших школьников – это активная творческая деятельность учащихся, имеющая конкретную цель, определенную структуру, направленная на получение заранее прогнозируемого прод...