Белем бәйрәменә чыгыш
материал (1 класс)

 Белем бәйрәменә 1 нче сыйныфлар чыгышы

1.     Олы бәйрәм бүген бездә,

          Ул -  беренче сентябрь.

          Шатлык балкый йөзләрендә,

          Бүген син дә, мин дә бер.

2.Мәктәп сукмагына бастым бүген

Киләчәккә кемнәр әйдәде?

Дәште мине ин шатлыклы бәйрәм,

Олы бәйрәм, белем бәйрәме!

3. Алда мәктәп, кулда чәчкә

Ашыгабыз барчабыз.

Керер өчен киләчәккә

Мәктәп ишеген ачабыз

4. Чәчләремә кунган ак күбәләк

Шатлык очкыннары йөземдә,

Ак алъяпкыч, ак чәчәкләр белән

Күбәләккә охшаш үзем дә.

5.Өлкән дуслар шаярталар

Ә без ачуланмыйбыз.

-Чәчәкләр артыннан,- диләр

Күренми бит башыгыз

6 укучы

Укырга барасы көнне

Мин бик зарыгып көттем

Шуңа курә мәктәпкә дә

Беренче килеп җиттем

7.Беренче сентябрь,

Беренче сыйныфка.

Әз генә шүрлим дә,

Күңелле, кызык та.

8. Исәнме, мәктәп, исәнме!

Без сине сагынып беттек.

Сентябрь ае җиткәнен

Түземсезләнеп көттек.

9.Җырламыйча көн итмиләр,

Җырсыз бер бәйрәм булмый.

Без балалар җырламасак,

Мәктәптә бер ямь булмый.

Җыр “Бүген белем бәйрәме”

1.Ел саен козлэр җиткэч

Җилләр суынып киткәч

Без мәктәпкә барабыз

Һәм шуңа куанабыз.

Куш-та: Бүген белем бәйрәме

Кулда чәчәк бәйләме

Теләп безгә бишлеләр

Озата әти-әниләр.(2 тап.)

10. “5” кә генә уку өчен

   Көтеп алдык без көзне.

 Беренче сыйныфка килдек,

Мәктәп, каршы ал безне.

11.Без килгәч бүгеннән,

Күңелле булачак.

Класслар моннан соң,

Гел гөрләп торачак.

12. Бик кызык икән мәктәптә

Урын күп йөгерергә.

Йокыдан тору бик читен,

Ничекләр өлгерергә?!

13.Мәктәпкә – белем иленә

Баруыбызга без шат.

Серле белем дөньясына

Бүген бирелә старт.

14Телибез хәреф танырга,

Алфавитны ятларга,

Хәрефкә хәрефне ялгап,

Сүзләр тезеп язарга.

15Санарга да өйрәнербез,

Тапкырларга, бүләргә.

Исәпли белер өчен бит

Кирәк саный белергә.

16 Бик күп китаплар укырбыз,

Күп нәрсәләр белербез.

Үскәч кирәк һөнәрләрнең

Серенә төшенербез

17. Хәрефләр дә өйрәнербез

      Сүзләр төзеп укырбыз.

  Сагынып көткән мәктәптә без

   Бик күп дуслар табарбыз.

18.Ә хәзергә без боларны

Белмибез шул, әлбәттә,

Боларның бөтенесенә

Өйрәтәләр мәктәптә.

       19.Гимназияга җыелдык

           Хәерле сәгатьләрдә.

         И мәктәбем, өйрәт безне

        Иң матур гадәтләргә.

      20. Мәктәп юлы-хөрмәт юлы,

           Киләчәккә илтә.

          Котлы булсын уку елын

         Башлаган бу иртә!

Җыр Өйрәтәләр мәктәпләрдә