Υльдэргын урихан багша
статья

Υльдэргын урихан багша

                                                                                     Υʏрэй толондол гэрэлтэйш

                                                                                    Υетэн бугэдэндэ хундэтэйш  

                                                                                      Υетэн соелой тулгуури

                                                                                   Υльдэргын дунда hургуули

         2023 он - багшын ба залан hургагшын жэл гэжэ соносхогдонхой гээшэ ааб даа. Багшын уялгата ажалые ʏндэр дээрэ ʏргэн ябаhан Доржиева Долгор Сандаковна тухай дулаахан ʏгэнʏʏдые зорюулха хʏсэлэнтэйб.

Манай долоодохи класста hуража байхада, Долгор Сандаковна тоо бодолгын  багшаар хʏдэлжэ эхилээ, манай классай хʏтэлбэрилэгшэ болооо hэн. Залуу багша оролдосотойгоор хʏдэлжэ, ʏхибʏʏдээ олон юумэндэ шадабаритайгаар hургаа. Классhаа гадуур  ʏдэшэнʏʏдые, элдэб наадануудые эмхидхэжэ hонирхуулдаг hэн. Улан –Удэ, Иркутск, Ангарск,Москва хотонуудаар аяншалгада абаашажа, ехээр маанадые баярлуулаа, хʏхеэгээ.                              Зунай сагта ажалай лагерьта хʏдэлжэ, колхозой хурьгадые харадаг байгаабди. Долгор Cандаковна амаралтынгаа ʏедэ наставник боложо, ухибуудые урмашуулжа шададагhэн. Ехэл эбтэйгээр, урэ дʏнтэйгоор зунайнгаа саг ʏнгэргэдэг байгаабди.

Турэл hургуулидаа олохон жэл багшатаяа суг худэлжэ байнаб. Багшатаяа хамта нэгэ класс-выпуск гаргаха, Цыден хубуунэйнь туруушын багша болохо золтой байгааб. Багшаяа мэргэжэлтэ  ʏдэроорнь жэл бʏри ошожо амаршалха , дулаан ʏгэнʏʏдые хэлэхэ классаймнай заншал болонхой. Ажалша бэрхэ, нютаг ороноо ʏргэжэ ябаhан мэдээжэ хʏнʏʏд Долгор Сандаковнагай тʏрʏʏшын выпуск соо олон.

Мʏнɵɵшье болотор багшамнай ажалай алхам бʏхэндэ анхаралтайгаар хандажа, ʏглɵɵ бʏхэндэ нэгэл хэмдэ зэргэ харгыгаар шамдууухан ажалай арюухан ʏдэрэй хэшээл эхилжэ, ухибуудэй hʏбэлгэн ухаан бодолые,  hанаан сэдьхэлэйн гʏнзэгы утаhые, мойhон харахан нюдэдэйнь гэрэлые дээшэнь дэмжэнэ.

Ажалай ʏндэр амжалтануудые туйлаhанай тʏлɵɵ гʏрэн тʏрын ʏндэр сэгнэлтэнʏʏдтэ хʏртэнхэй:Буряад республикын габьяата багша, Россиин Федерациин габьяата багша, бэшэшье олохон диплом грамотанууд бии даа.

Дʏшɵɵд  жэлэй хугасаа соо хэдэн олон хʏʏгэдые hургажа, ажабайдалай утахан харгыда табижа ябаhан Долгор Сандаковнада, элʏʏр мэндэ, омог дорюун байдалтай олон жэлдэ ябахыень хʏсэнэб!