Гашыйклар көненә багышланган бәйрәм сценариесы
материал (4 класс) на тему

Гашыйклар көне сценариясы. Башлангыч сыйныф.

(7-10 яшьлекләр өчен).

Максатлар:

1) Дуслык төшенчәсенең мәгънәсенә төшендерү.

2) Төркемдә үзара дуслык-татулыкка корылган мөнәсәбәтләр булдыруга булышлык.

3) Әйләнә-тирәгә дустанә мөнәсәбәт күнекмәләре булдыру.

Алып баручы: Дуслык – дөньяда иң кирәкле нәрсәләрнең берсе. Дуслары булган кеше генә бәхетле була. Йөз сум акчаң булганчы, йөз дустың булсын, диләр. Чынлап та, дуслары булган кеше беркайчан да югалып калмый. Дуслык – бөек нәрсә ул. Чын дуслыкны тоя белергә, табарга, югалтмаска кирәк. Һәр кеше үзенең дустын аның кешелеклелек сыйфатларына, кылган эшләренә карап сайлый.

Ә бүген без сезнең белән исемнәрегезнең беренче хәрефенә карап төркемнәргә бүленәчәкбез! 3 төркем ясарбыз.

Карточка күрсәтү – карап төркемнәргә бүленәләр.  

А.Б. – Дуслыгыгызның дәрәҗәсен тикшерербез, конкурслар үткәрербез! Һәр җиңүегезгә йөрәк формасында очколар бирелер. Шулай ук әлеге коробкада җыелган валентинкаларны да хуҗаларына таратырбыз!

Башлыйбыз!

1 конкурс: “Ватык йөрәк”. Каршыгызда ватылган йөрәк кисәкләре, җыеп бербөтен йөрәк ясарга кирәк.

2 конкурс: Төркемнәрне кушабыз. Күзләребезне йомабыз. 1 төркем – песи балалары, 2 төркем – эт балалары, 3 төркем – карга балалары булачак. Авазлар чыгарып үз төркемегезгә җыелып бетегез.

Адашканнар калмадымы?

3 конкурс: һәр төркемнән 2 пар: 2кыз һәм 2 малай(12 кеше). Баш араларына шар куеп билгеле бер ноктаны әйләнеп киләләр. Кем беренче шуңа очко!

4 конкурс: Көйләрне бел!

Крокодил Гена, Простоквашина, Я на солнышке лежу, Маша и медведь, Красная шапочка, Бумажки, Ми-Ми-Мишки, Фиксики, дед Мороз  и Лето.

5 конкурс: Йөрәк тап. Мин коридор буйлап төрле-төрле урыннарда йөрәкләр таратып чыктып, сезгә аларны табарга кирәк, кайсы төркем күбрәк җыяр икән?

6 конкурс: Мәзәк сәхнәләштерү. Һәр төркемгә берәр мәзәк бирелә. Уйлар өчен 5 минут вакыт. Иң элек кем икәнегезне әйтергә кирәк, мәзәк кайда бара( мәктәп, урам, больница һ.б.)

7 конкурс: Йомшак сүз. Мин хәрефләр күрсәтәм һәр төркем әлеге хәрефкә башланган җылы сүз әйтергә тиеш. Кайсы төркем күбрәк әйтә, шуңа очко.

8 конкурс: 2 пар (2кыз, 2малай) – парлашып конфет сүтәләр. Берсе уң кулын бәйләгән, икенчесе – сул кулын.

9 конкурс – валентинкалар тарату.

Очколар санау. Рефлексия:

Кичә ошадымы?

Ни өчен?

Кайсы өлеше ошады?

Төркемегезне алыштырыр идегезме?