проект "Суксиллал"
проект (6, 7, 8, 9, 10 класс) на тему

Эвэды нимнгакан «Суксиллал»

Эвидерил:

Хэвэкэ – Ринчинов Евгений

Синильга (дочь Тамуры) – Степанова Валерия

Ариккан - Мытыпов Бато

Чичагал: Шинкоева Анастасия, Гармаева Оюна - да

Тамура (хозяйка горы) – Атакина Вероника

Бэюмимнил: Батуев Галсан, Степанов Никита, Бодиев Ананда

Талача - Степанов Геркен

Режиссер-постановщик: Ринчинова Н.В.

Текст читает: Берельтуева Любовь

Сказка поставлена совместно с сельским домом культуры

В презентации дан перевод сказки.

Ичэттэн умнэ Хэвэки мэнӈи  няӈняӈил  дуннэлви, дялдаллан: «Адыкан минду бэлэмнил: Багдамал кирар, нян Хэглэн дюганнунми. Ичэвдерэн Ариканмэ буркичан Тар-да эдеӈэн бэлэмни ора. Эма бэлэвэ одяӈан? Умун улок нуӈандукин. Умнэкэн бурурэн Хэвэкэ халгардулан делокон.

Хэвэкэ (Женя): -А! эр Ариккан эвидерэн. Эhин эя-да кэдерэ. Би хавалдям тыманидук долбо одалан, нуӈан-ка эвидерэн. Арикканду хавая баками кэрэгичи.                            

- Синду хавая увэй? Минду синтыки хава биhин. Дялдадям би авадылва дёлокорво – минералилва: угольва, медьва, алтанма, алмазалва  нодами хэгдыли Сибирьдули. Синду – эр хава – эвингэчин. Минду си бэлэдеӈэс. Би-кэ hэчэм. Кэдеӈэс?

Ариккан (Бато): Минду – кэ дёлокорво будеӈэс?

Хэвэкэ: Гакал, гакал. Кэ, бэлэдеӈэс?

Ариккан: Минӈи турэн сэлэгэчин.

Хэвэкэ: Ичэткэл-кэ, эма тургэн. Дивэ дёло!          

Автор: Сурурэн Хэвэки дюлави. Со баян Хэвэкэ дюн. Кучивча багдама секалан наннат, чутума бэйӈэ наннат. Эси сиврэ того биhин.Чайвэ умнан химиктэнун, хуклэрэн кумаландула. Денчан Ариккан бунэ делоконмо, дялдаллан:

Хэвэкэ : Нямалгими того дагадун - кэ?                    

- Аялди! Си ӈи биhинни? Эда би синэвэ эhим сарэ?

Синильга (Лера): Синильга биhим, Тамура хутэн. Ӈэнэдечэв синду, багдама барс наннаван эмэвдечэв, энё анивунма. Урэду ӈи-вэл минэ тэкивкэнэн. Би тыкчэм, часки эр дёлоло ичэв. Тарит ӈи-вэл –кэ минэ увиррэн. Доӈотом би, амака.

Хэвэкэ: Эма би синду амака? Кэ, ичэтчэм, си буктэт онни. Би синэвэ айдяӈав. Долбони упкатван нодёӈов синэ няма эллалдула. Дивэ, дивэ!! Тамураду хунат биhин?! Би – кэ амаргут мэдэдем?! Эда минду эчэ гунэ?!                        

Автор: Тымани оран.                                                                          ТАНЕЦ ВАЛЕРИИ.                     

Утро. Хэвэкэ: Си Синильга биhинни? Эда миндула эмэчэс, анивунчи?

Синильга (Лера): Минӈи энё самудяран, биhин-гу бэркэ омолгил осикталду?

Хэвэкэ (Женя): Бэевэ гэлэктэденни? Хунадил монокор бэевэ гэлоктэдерэ, окин туги биӈкин? Энес эhин гунэ синду? Хунат алатчачан больдёрва. Бэе – кэ монокон бакадячан аhиви.

Синильга (Лера): Си эhинни тыллэ, Ама, би бэюмимнивэ гэлэктэдем. Кэтэ бэйӈэл ора. Айми кэрэгичи мунӈи бикитва иргичилдук, хомотылдук, секалардук. Би мэнэкэн пэктырэвунма дявам. Би-кэ уллидяӈа бичэв. Ӈи-кэ мунэвэ айдяӈан?

Хвэкэ (Женя): Алаткэл, алаткэл. Багдама барс наннаван си минду эмэвдечэс? Эр оридерэн синӈи-кэ энёс. Кэ, би бэлэдеӈэв. Ичэткэл, эр Полярнай осикта. Индерэ таду бэюмимнил Туруягирдук. Бэркэл, гэевур омолгил! Талача гуннэ бэе сундула эмэдеӈэн.

Синильга (Лера): Со ая! Пасибо! Гундэви Талачаду, урэлэ минду эмэгин. Тамура нимавудит бидеӈэн.

Хэвэкэ (Женя): Гукэл, они Талача гугда урэлэ туктыдеӈэн? Би садям, он кучир тала туктыми.

Синильга (Лера): Би-кэ садем, он бэюмимниду, синду-кэ миндулэ эмэми.

Хэвэкэ (Женя): Они-кэ?  гукэл.

Синильга (Лера): Камус синду биhин?

Хэвэкэ (Женя): Биhин. Минӈи дюду кэтэээ  камусил биhи, гадави. Эя кэдеӈэс?

Синильга (Лера): Камусилдук би суксиллалва одяӈав. Нанна иманнали аят ӈэнэдеӈэн. Эрил суксиллалди илдамит урэлэ туктыдеӈэс. Эдеӈэс бурурэ, эдеӈэс тыкчэ.

Хэвэкэ (Женя): Суксилла?! Эрэвэ би эчэв сарэ. Си-кэ, хутэ, гудяй – кэ биhинни, чэчэн.

Очан Синильга дюр дивэ - суксиллалва, дютки ӈэнэденэ, нодарэн урэ хэргидэдун. Умунмэ – бэюмимниду  Талачиду, геван – Хэвэкиду. Бэюмимни Талача эмэрэн Иманнама урэлэ, иллан суксиллала, туктырэн урэлэ.

(ТАНЕЦ ОХОТНИКОВ).

ПОСЛЕ ТАНЦА ОХОТНИКОВ автор: Нуӈанман таду алатчачатын.  Дэгдечэн того, улодечэтын алапчувэ уллэвэ.          

Дети (чичагал) Арьяна и Оюна: Эмэрэн, бэркэ бэе эмэрэн.

Аси Вера: Со тамура бэе эмэрэн мундулэ. Бу сот алатчачавун сунэвэ, бэлэдеӈэсун мунду. Эмэкэллу, тэгэкэллу, чайя умкаллу. Эвигэт Талача дярин. Эвигэт, эвигэт!

ОБЩИЙ ЭВЕНКИЙСКИЙ ТАНЕЦ.