"Буш вакыт" (ачык дәрес)
план-конспект урока (7 класс) по теме

                             Тема: Буш вакыт-алтын  вакыт

Максат: «Буш вакыт» темасын  өйрәнүне дәвам итү; тәрҗемә итү, җөмләләр төзү, аңлап ишетү күнекмәләрен камилләштерү; бәйләнешле сөйләм телен,       фикерләү сәләтен   үстерү;  укучыларда   ихтыяр  көче   тәрбияләү

Җиһазлау: Компьютер, мультимедия  проекторы, экран.

                                          Дәрес  барышы:

I.  Оештыру  моменты:

  -Исәнмесез, укучылар!

  -Исәнмесез, хәерле көн!

  -Бүген сыйныфта кем  дежур?

  Дежур  укучының  рапорты.

II. Актуализация:

1.Үткән  дәрестә  өйрәнгән  сүзләрне  кабатлау. Интерактив тактадан сүзләрне  дөрес  укып , тәрҗемәләрен әйтү, җөмләләр  төзү.

( 1нче презентация)

2.Өй  эшен  тикшерү.

“ Буш  вакыт” текстын  укып, сорауларга  җавап  бирү.

3. Төп  өлеш:

1) Тема буенча  әңгәмә  уздыру

-Укучылар, буш  вакыт- нинди вакыт ул?

Укучыларның  җаваплары:

-Буш  вакыт- бөтен эшләр беткәннән  соң  калган  вакыт.

-Буш  вакыт-дәресләрдән  тыш  вакыт.

-Буш  вакыт- ял  вакыты, ирекле  вакыт.

Укытучы:

Вакытны  файдалы  итеп  үткәр, вакытыңнан  дөрес  файдалан. Сез  бу  ки-

ңәшләр  белән  ризамы? Ничек  итеп  буш  вакытны  файдалы  итеп  узды-

рып  була?

Укучыларның  җаваплары:

-Минемчә, ул- китап  уку, саф  һавада  йөрү, әти-әнигә  булышу.

-Үзеңнең  яраткан  шөгылең  белән мавыгу,  спорт  белән  шөгыльләнү

- Ә  мин  буш  вакытымда  рәсем  ясарга, чигәргә  яратам  

2) Укучыларның  алдан  әзерләп  килгән презентацияләрен яклау.

“ Буш  вакытым”,( 2нче презент.)  

“Якын дусларның яраткан шөгыле”(3нче презент.)

“Яраткан шөгылем” (4нче през.)

”Мин спорт  яратам”(5нче през.)

  -Афәрин,укучылар! Бик матур презентацияләр әзерләгәнсез,матур итеп

сөйләдегез. Вакытыгызны бик файдалы итеп уздырасыз икән. Хәзер презентацияләрегез  буенча иптәшләрегезнең  фикерләрен тыңлыйк  әле.(Укучыларның фикерләрен тыңлау.)

 Ә хәзер ял  итеп  алабыз. ( Күзләргә гимнастика ясау)

-Укучылар, сез буш вакытында  тик  ятучы, урамда теләсә  ничек  йөрүче  балаларга нинди  киңәшләр  бирер идегез?

 Укучылар  үзләренең  киңәшләрен  бирәләр.

IV. Ныгыту.

1.9нчы күнегүне  эшләү.

 Диалогларның кайсысы ошады? Ни өчен?

2.Парлы  эш:  тема  буенча  диалоглар  төзеп  сөйләшү.

V.Йомгаклау.

1.Җөмләләрне дәвам  итегез.

Минем буш вакытым аз, чөнки... .

Минем буш вакытым күп,шуңа күрә... .

Интерактив  тактадан  киңәшләрне укып , нәтиҗәләр  ясау.(6 презент.)

VI. Өй  эше.

11нче (2)  күнегү. (Биремен  аңлату)

VII. Билгеләр кую.