Сценарий выступления, посвящённого 175-летию И.А.Куратова
материал на тему

Сценарий выступления, посвящённого 175-летию И.А.Куратова.

                                                                           Добрынина Н.В.,

учитель коми языка,

МАОУ «Гимназия №1»

г.Сыктывкара.

Ведущий:

Тайö енбиа морт Кебра сиктысь,

Таво сылы сё сизимдас вит,

Тайö медводдза Комиын гижысь,

Кодi тöдмалiс, висьталöй ним.

 (Иван Алексеевич Куратов).

Ведущий:

Коми кыв Куратовлы дона,

Сiйöс радейтiс гижысь  зэв ёна.

Стихотворение «Коми кыв».

1 ученик:

     Коми кыв, ме тöда,

     Ыджыдтор оз шу на,

     Тöда ме и сiйö –

     Оз и сöр на уна.

2 ученик:

   Тайö кыв мем дона,

    Небыд, мича, гора –

    Вунöдас ен мыжöс,

    Кодыр сiйöн кора!

3 ученик:

    Тайö муса кылöн

    Чой-вок сёрнитöны,

    Тайö кылöн меным

     Ай-мам бурсиöны!

4 ученик:

   Тайö кыв ме кывлi

   Аслам люлю дiнын,

   Сiйö менам вунас

   Сöмын дзебанiнын!

5 ученик:

    Тайö кывлысь мичсö

    Сьöлöмöн ме кылi –

    И ме медводз сыöн

   Ньöжйöника сьылi…

6  ученик:

     Тайö кылöн мукöд

     Гораджыка сьылас –

     Сё кызь сюрс пель сэки

     Уна буртор кылас!

 Ведущий:

Козин челядьлы  гижöма бур,

Талун петкöдлам сылысь  кывбур.

Басня «Чирка и кодзула».

(Действующие лица: автор, кузнечик, муравей)

Вильыш Чирк став гожöм сьылö!

Сьыв но, Чиркöй!  Видзьяс вылö –

Сiйö виччысь – усяс лым!

Со и енвевт лоас сiм,

Тöвтуй пуксяс; дзурскакылö

Дзугыль Чирк – и мывкыд вылас

Кодлы воас сьывны, кор

Тшыг, а сёйны нинöмтор?

Чеччалö Чирк Кодзув дiнас:

«Вокö, - сылы шуö, - вынöс

Бергöд мем тэ, ен бур вöч,

Верд и шонты тулысöдз!»

- Мый нö кутiс тэкöд лоны?

Ме ог вермы гöгöрвоны… -

Кодзув сылысь юалас:

Уджалiн-ö гожöмнас? –

«Сэтчööдз-ö сэки?» - Мыля?

«Со тай тайö! Сьылi зiля!»

- Сьылiн-ö, тэ шуан? – «Пыр!

Лолыштыны некодыр!»

- Тэ пыр сьылiн, - удж и сiйö!

Öнi йöктышт, муса пиö!

Ведущий:

Öнi мийö  сьылыштам,

Сьылыштам да йöктыштам!

Частушки на слова И.А.Куратова. (по 2 человека)

1. Гулю аддзас шобдi тусь,

    Регыдджыка кокыштас,

    Нывкöд вочча воас зон,

    Чöскыдджыка окыштас!

2.  Нылö, нылö, тэ ме вылö

      Мелiджыка видзöдлы!

     Месö тэнö, тэсö менö

     Окыштлы да дзигöдлы!

3.   Зонмö, зонмö, гажа ов!

     Кокыд на тай кокньыд!

     Джодж мед вöрас, эн тэ пов!

     Йöктышты да окнит!

4.   Катша-рака ывлаын

      Лунтыр талун шувгисны;

      Зонъяс, нывъяс керкаын

      Войбыд тавой увгасны!

Ведущий:

Иван Куратовöс  зонъяс да нывъяс,

Гижны тшöктöмась бур сьыланкывъяс.

Ок и мича жö артмöма кывъяс,

Важ моз сьылыштам,  зонъяс да нывъяс?

Песня «Том ныв».

1. Шондiбанöй

   Бур таланöй,

   Муса, мича ныв!

   Ошкöм öкты,

   Зон моз йöкты,

   Вильшась, серав, сьыв.

2. Юрас думсö,

    Вомас нюмсö

    Петкöд том мортлысь!

    Мед тэ бöрысь

    Гажмас пöрысь

    Сьöлöм гажöдысь!

3. Югыд шондi!

    Долöд, шонды

    Став енвевт увсö!

    Мича нылö!

    Мыччыв милы

    Кокньыд олöмсö!

Ведущий:

Иван Куратовлöн кывбуръяс олöны,

Коми йöзлы и миянлы колöны,

Кымын во колис, талун гажлун,

Тайö гижысьыс некор оз вун.