"Мөғжизәләр яланы" уйыны
презентация урока для интерактивной доски (7, 8, 9, 10, 11 класс) на тему

“Мөғжизәләр яланы”  уйыны

(М.Кәримдең ижадына арнала

Ҡатнашыусылар: 7 – 10 –сы класс уҡыусылары.

Алып барыусы: Асҡарова Г.М.

Сараның маҡсаты: уҡыусыларҙы Башҡортостандың халыҡ шағиры М.Кәримдең ижады менән таныштырыу, уның тураһында белемдәрен тәрәнәйтеү; шәхескә, ижадына ҡыҙыҡһыныу уятыу, хөрмәт тойғоһо тәрбиәләү, уҡыусыларҙа үҙаллылыҡ, дуҫлыҡ мөнәсәбәте тәрбиәләү.

Йыһазландырыу: Интерактив таҡта, М.Кәримдең китаптарынан күргәҙмә, уҡыусыларҙың һүрәттәре, М.Кәрим ижадына арналған таблица, уйын өсөн барабан.

Сара барышы:

Алып барыусы:

Аяҙҙа ла, йонсоу көндәрҙә лә

Ғүмер юлы тигән араны

Уҙған саҡта,

Йондоҙҙарҙай күреп, мин күҙҙәргә ҡарап барамын,

Кешеләрҙең шат, өмөтлө, моңһоу

Күҙҙәренә ҡарап барамын,  -

Юлдарымда аҙашмаҫ өсөн,

Йырҙарымда алдашмаҫ өсөн.-

        шулай тип яҙған Башҡортостандың халыҡ шағиры, С.Юлаев исемендәге, К.С. Станиславский исемендәге РСФСР дәүләт премияһы һәм СССР дәүләт премияһы лауреаты, Социалистик Хеҙмәт Геройы, Г.-Х. Андерсен исемендәге Халыҡ-ара Почетлы диплом лауреаты Мостай Кәрим.

        Беҙ ҙә бөгөн бында,   “Мөғжизәләр яланы” уйынында  һеҙҙең , уҡыусылар,  шат та, өмөтлө лә  йөҙҙәрегеҙҙе күреп торабыҙ.  

Бөгөнгө уйын М.Кәримдең тыуыуына 95 йыл тулыуға ҡарата үткәрелә. Хәҙер уйындың ҡағиҙәләре менән танышып китәйек.

Уйын 3 турҙан торасаҡ. Һәр турҙа өсәр кеше ҡатнашып, бер еңеүсеһе билдәләнә. Һәр тур еңеүселәре тағы ла үҙ-ара көс һынашасаҡ. Ә иң һүңғы еңеүсе суперуйында ҡатнашып, еңеүсе буласаҡ. Барабанда Банкрот, Музыкаль пауза, сектор плюс, Приз секторҙары бар. Улар уйын барышында аңлатыласаҡ.

Уйын барышы: Тәүге өс уйынсы сыға.

Алып барыусы: 1938 йылда Мостай Кәрим дошман пуляһы комсомол билетын һәм йөрәген тишеп сыҡҡан  йәш һалдат үлеме тураһында шиғыр яҙа. Һуңынан , 1942 йылда, Мценск ҡалаһы эргәһендә дошман пуляһы М.Кәримдең үҙенең күкрәк кеҫәһендәге комсомол билетын тишеп, йөрәк япмаһына саҡ-саҡ етмәй ҡала. Йәшәү менән үлем араһында оҙаҡ көрәшә ул .Госпиталдә саҡта, һауыға башлап, өс-дүрт айҙан һуң ошо шиғырын яҙа ул.  

Һорау: Был шиғыр нимә тип атала?

(музыкаль пауза – 7-се класс малайҙары “Аҡтаныҡ” йырын башҡара)

Икенсе тур.

Һорау: М.Кәрим ниндәй китабы өсөн  1977 йылда Г.-Х. Андерсен исемендәге Халы-ара Почетлы диплом менән бүләкләнә?

(музыкаль пауза – 10-сы класс “Ярлыҡау” повесынан өҙөк)

Өсөнсө тур.

Һорау.: М.Кәримдең ғүмеренең һүңғы йылдарында яҙылған хикәйәһе.

(музыкаль пауза – Солтанова Фаягөл “Йылғалар төнөн һөйләшә)

Финал уйыны:

Өфөлә М.Кәримгә төҙөлгән һәйкәлдең авторы.

Супер-уйын:

Супер уйында ҡатнашыусыға ике хәрефте асырға рөхсәт итәбеҙ.

Һорау: “Ярлыҡау” повесында ошондай юлдар бар (Интерактив таҡтанан күрһәтеү). Пароль нимә ?

Тимәк, уйыныбыҙҙың еңеүсеһе билдәләнде. Уны ҡотлайбыҙ!!!

(һәр уйынсыға, еңеүсегә бүләктәр таратып бирелә)

Уйынды М.Кәрим һүҙҙәренә яҙылған “Уҡытыусыма” йыры менән тамамлайбыҙ. Һау булығыҙ!