Багшанартаа зорюулнаб
статья на тему

                    Багшанартаа зорюулнаб…

      Октябриин 19-дэ лицей - hургуулинуудай мүндэлhэн үдэр гэжэ тоотой ха юм. Түнхэнэй аймагай Аршаан hууринда 1993 ондо Россин габьяата багша Роза Александровна Фомкиновагай ударидалгаар шэнэ шэглэлтэй лицей-интернат нээгдэhэн байна. 20 жэлэй хугасаа соо лицей- hургуулиин алтан богоhо хэдэн олон бэлигтэй шабинар алхан ороо, 394 hурагшад hургуули дүүргэхэдээ:

• 23 алтан ба 38 мүнгэн медальтай
• Жэл бүхэн олимпиада ба конкурснуудай илагшад
• Дээдэ мэргэжэл абахаа иимэ хото городуудта hурана - Москва, Санкт – Петербург, Красноярск, Новосибирск, Томск, Воронеж, Иркутск, Улан –Удэ, Нью-Йорк,  Геттеборг, Пекин, Токио, Тайбэй
• Энэ эгээл элитэ агуу бэрхэ багшанарай хүсэн, лицейн коллектив 34 багшанартай байгаа, тэдэнэй дунда дээдэ шатын багшанар - 11, нэгэдэхи шатын – 14, хоердохи шатын– 4,  «Почетный работник общего образования РФ» - 7, «Заслуженный учитель РБ» - 1, «Отличник физической культуры РФ» - 1, «Заслуженный работник физической культуры РБ» - 1, Россин hуралсалай министерствын хүндэлэлэй грамотаар шагнагдаhан – 2, Буряад ороной hуралсалай министерствын хүндэлэлэй грамотаар шагнагдаhан – 5,  Буряад ороной Правительствын хүндэлэлэй грамотаар – 1, Буряад ороной  Хуралай хүндэлэлэй грамотаар- 3. Үшѳѳ саашань тоолоо hаа, лицейн багшанарай амжалтанууд тоогүй.

2014 оной июниин 28-да байгаалиин үзэгдэлэй тодхор боложо, Аршаанай лицей-интернат хаагдаhан байна. Лицейн үдэрѳѳр багшанараа амаршалжа, ажалдань амжалта, гэр бүлэдэнь зол жаргал хүсэжэ, лицейн 10 «б» ангиин шабинартаяа (мүнѳѳ эдэнэр Аршаанай дунда hургуулида hурана) сэдьхэлэй уран үгэнүүдые хэлэхэ дуран хүрэнэ:

Ном уншаха дуратайшуул

Номой сан ошодог

Энеэбхилэн маанадые

Римма Бимбаевна угтадаг.

Алин таг дээрэ

Ямар ном олохобта

Намдуу гоеор

Харуулжа үгэдэг,

Ажалай эршэтэ сууряан соо

Ашата хэрэг  

 Арюуханаар мандуулжа

Үндэр нэрэеэ  

 Үргэжэ ябадаг хододоо.

Зүрхэ сэдьхэлдэмнай

Эгээл дүтѳѳр hанагдаха

Зэлэ татаhан багшамнай.

Заалгажа тандаа байhандаа баяртайбди.

Хари хэлэ булта

Хамсы шуунхай үзэнэбди.

Баяр, жаргал хүсэнэбди

Раиса Ивановна таанадтаа.

Эрдэм hургаалай дээжэ

Эхэ оронойнгоо түүхэ

Эдир залуу хүүгэдтэ

Энхэрэн заадаг

Саян Намсараевич

Тандаа амар мэндын

Тэмдэг болгон

Энэ үгэнүүдээ уншанабди.

Аабагар жаахан хүүгэдтэ

«А» үзэг танюулhан

Домогто мэргэн багшанараа

Доро дохин амаршалнабди.

Ажал дээрээ хододоо

Үльгэр жэшээ болодог

Саяна Владимировна

Татьяна Николаевна тандаа

Үнэн зүрхэнhѳѳ дуратайбди.

Аршаанай лицейн

Алтан богоhо алхалжа

Залуу, үндэр, сэбэр

Зохид багша оробол.

Баатар олон хүбүүды

Баярта дангина басагады

Тамирта дуратайгаар hургажа

Түрүү hууринуудые эзэлнэлта.

Хүндэтэ Алексей Валерьевич

Хүнгэн солбон тамиршан.

Хүмүүжүүлжэ байгаа шабинараа

Хүнэй зэргэ болгожо

Эрдэмэй ехэ далайе

Эрхим hайнаар hургажа

Ажалдаа абьяастай

Эхэ орондоо туhатай

Манай хүмүүжүүлэгшэ

Ирина Алексанровнагаар

Бидэ булта омогорхонобди.

Тоо бодолгодо

Тон hайнаар hургадаг

Олоhон мэргэжэлээрээ

Олон жэлдэ

Ошотой залитайгаар

Ажаллажа ябадаг.

Заншал hайтай

Сэсэн шабинар

Лицей hургуули дүүргэжэ гарадаг.

Энэл даа ажалайтнай дүнгүүд  

Татьяна Владимировна.

Урин сэбэр шарайтай

Ухаа эрдэм ехэтэй

Хүгжэм дуунай

Хонгео хоолойе

Сэб гэмэ табидаг

Сэнтэй багша манай

Олон олон мүрысѳѳнүүдтэ

Ошон шэнги бадардаг

Лицей hургуулиин шэмэг

Наталья Валерьевна

Манай баяр таанадтаа.

Соел болбосорол дэмжээжэ

Суутай зэргэ олоходотнай

Һургажа байhан хүүгэдтнай

Зураха бидэ дуратайшуул

Танай түлгэ болодогбди.

Хүндэтэ Юлия Гавриловна,

Хүндын дээгүүр танаа hанадагбди.

Золтой олон үхибүүдые

Зоригтой олон үетэниие

Хүмүүжүүлжэ, hургажа

Байдаг Оксана Валерьевна,

Тамара Доржиевна,

 Туяна Дамбаевна

Саяанhаа үндэр амжалтатай

Урин сэбэр зантай  

Эгээл дуратай хүмүүжүүлэгшэднай.

Аршаанай лицейнгээ

Шэмэг болоһон

Саяан уулын малгайдал

Сагаан буурал толгойтой

Манай Нина Раднаевна

Мүнхэ танай hургаалhаа

Мүшэн ходо сасардаг

Нангин танай нэрэтнай

Наран боложо мандаа мандадаг.

Эльгэ нимгэтэй

Энэрхы сэдьхэлтэй

Эхэ эсэгын алтан hургаал заабаритай

Эрхим манай багша

Олониие оройлжо, түмэниие түрүүлжэ

Ябагша Андрей Батаевичта алдар соло!

Һонюуша, hонор сээжэтэй

Һүбэлгэн, шуран, бэрхэ,

Хатарха дуулаха дуратай

Евгений Павлович багшамнай

Түрэл hургуулидаа ерэжэ

Түрүү информатик болоолта.

Эрдэмэй дээдэ шататай

Эдирхэн шабинарай багша

Хүндэхэн ажал шэлэжэ

Хими эрдэм зааналта.

Ажалдаа амжалта туйлажа

Аргагүй ехээр оролдонот.

Одоо мүнѳѳ ,

Галина Дымбрыловна

Жэшээ мандаа харуулнат

Бидэ танай шабинар

Доро дохин амаршалнабди.

Эхилбэл-эсэстэнь хүрэжэ

Захалбал-захадань тулажа

Эдээр бэшэ-эрдэмээр

Энэ бэеэ шэмэглээд

Эрхим багша боложо

Эдир манаа номдо hургажа

Ород баян хэлэеэ заажа

Одон шэнги яларжа ябаналта

Валентина Базыровна багшамнай.

Абьяас бэлигээр баян

Амаргүй ажалша

Арадайнгаа дундаршагүй баялигые

Альган дээрээ үлгыдэн

Бурханhаа үгтэhэн

Хурса ухаатай

Эрдэм мэдэсэ ехэтэй

Аршаанай лицей- интернадай

Багшанарай багша

Дашима Гылыковнае магтанабди.

Наhанай, ажалай дабаае

Найдамтайгаар дабшажа

Шабинартаа ород хэлэеэ

Шадамар бэрхээр заажа

Үлгэн дэлхэйдээ жаргалтай

Үргэн зондоо хүндэтэй

Олоной түлѳѳ оролдожо

Ошо дүлэ сасаржа

Зоной түлѳѳ зорижо

Зула шэнгеэр бадаржа

Золтой байналта

Наталья Карловна

Манай эрдэм бэлигтэй багша.

Ханхинадаг hайхан хоолойтной

Мохитохые мэдэдэггүй

Хаhатай энэ наhантнай

Хүгшэрхые мэдэдэггүй.

Абьяас бэлигтэй шабинараа

Алдар солотой болгожо,

Орон нютагаар

Нэрынь нэрлүүлжэ

Үнэтэ шэнэ англи үгэнүүдые

Үер шэнгеэр урадхаадаг

Галина Шириповна

Манай омогорхол багша.

Тоогүй олон шабинарта

Тоо бодолго заадаг

Талын шэнээн танилнуудтай

Нютагаар дүүрэн нүхэдтэй

Нэгэ үгѳѳр хэлэхэдэ,

 Валентина Владимировна

Залуу наhанhаа

 Эрдэм гуламтын

Богоhо алхалжа

Ажалайнгаа намтар  

 Анхан эхилээ бэлэйлта.          

                Аршаанай лицей-интернадай буряад хэлэнэй багша, мүнѳѳ Аршаанай дунда hургуулиин буряад хэлэнэй багша Жалсанова Людмила Владимировна.