«КРЕАТИВНЫЕ ТЕХНОЛОГИИ В ОБУЧЕНИИ РОДНОМУ ЯЗЫКУ И ЛИТЕРАТУРЕ»
материал

ЗАЯВКА УЧАСТНИКА

РЕСПУБЛИКАНСКОГО КОНКУРСА НАУЧНО-МЕТОДИЧЕСКИХ ПРОЕКТОВ СТУДЕНТОВ И УЧИТЕЛЕЙ ОБЩЕОБРАЗОВАТЕЛЬНЫХ ОРГАНИЗАЦИЙ  РМ «КРЕАТИВНЫЕ ТЕХНОЛОГИИ В ОБУЧЕНИИ РОДНОМУ ЯЗЫКУ И ЛИТЕРАТУРЕ» В НОМИНАЦИИ: «КРЕАТИВНАЯ ОРГАНИЗАЦИЯ ВНЕУРОЧНОЙ РАБОТЫ ПО РОДНОМУ (МОКШАНСКОМУ) ЯЗЫКУ И ЛИТЕРАТУРЕ.

Костькина Галина Степановна – старшая вожатая муниципального бюджетного общеобразовательного учреждения «Атюрьевская средняя общеобразовательная школа №1» с.Атюрьево  Атюрьевского муниципального района Республики Мордовия.

Тел. 8 906 379 42 31

Адрес электронной почты g.kostkina@mail.ru

Аннотация. Сценарий «Ёфксонь шиня» («Сказочный денек») предназначен для обучающихся младшего и среднего  школьного возраста. Цель сборника сценариев мордовских сказок – привлечь внимание школьников к чтению книг на родном языке. Все сценарии сопровождаются музыкальным оформлением, где звучат мордовские песни и мелодии. Для активизации внимания автор сочинил небольшую мокшанскую песенку на мелодию песни «Я на солнышке лежу» к сказке «Чертсь и нолась». При постановке сказок рекомендуется одевать детей в мокшанские платья. Это яркое зрелище надолго запомниться не только зрителям, но и актерам, после чего всем захочется познакомиться с мокшансим фольклором.

Михаил Сайгинонь ёфксонц коряс  «Чертсь и Нолась»

Маряви «Торама», мокшень мелодиясь. Лиси ефксонь азысь.

Ефксонь азысь.

Тя ульсь нинге кунардонь кунара. Но азонкшнесазь сире ломаттне тячемс.

Мокшень фкя велеса эрясь нола ломань. Ульсь сонь лемоц, но велеряйхне мярьгондсть тейнза Нолапарь.

Лиси Нолась и морай мора «Я на солнышке лежу» мелодиять коряс.

Шинять каршеса удан,

И эсь прязень аф сюдан.

Мон удан, мон удан,

И эсь прязень аф сюдан.

Ломатть работайхть шиньберьф,

Ливозсь шуди эздост фельф.

Эздост вельф, эздост вельф,

Кадыть работайхть шиньберьф.

Ефксонь азысь.

А лемсь Нолапарь педсь эзонза ва кода.

Видесь сон уманязонза сура. Хоть и уманянц нумолда башка кивок ашезе навозякшне, но суронясь аф ни мярьгат пяк, но шачсь.

Ломаттне лиссть суроснон шудижуть эзда урядама.

Лиси кафта стирьнят и «Вай, луга» мороть коряс урядайхть тише.Сяда меле туйхть.

Ефксонь азондысь. Мольсь уманц лангс Нолаське. Пульзясь ума пети.

Нолапарьсь. Чертсь сявозазе, кочкондови. Мзяра шачи, сявок тейне саты.

Ефксонь азондысь. Яфодезе кяденц и тусь куду.

А Черть самай ся пингоня угадясь сияне етамда – кулезень Нолапарьть валонзон.

Маряви мелодиясь «Бригада» киноть эзда. Лиссь Чертсь и семьяц.

Чертсь. Вов тя и пара.

Черттне сязендихть тише.

Ефксонь азондысь.

Воля вастоняса суронясь шачсь лац. Сура прянятне, кода цект нюрьгсть.

Нолапарьсь сась урядамонза, нльне тетькозень сельмонзон: васенда чандазе, афи сонне тя умась.

Кулеви моронясь «Шинять каршеса удан», лиси Нолась.

Нолась. Да, тяфтамсь, эбять, афи урядави.

Кулеви мелодиясь «Бригада» киноть эзда, лиси Чертсь.

Чертсь. А урядаса мон. Мон кочкине, мон и урядаса. Урядаса и прдаса.

Нолась. Эрь, эрь.

Нолась и Чертсь тусть.

Ефксонь азондысь. Нолати шарьхкодевсь стане, што Чертсь лезды тейнза.

И Чертсь урядазе.

Кулеви морня «Кафта церат тише лядихть»

Чертсь семьянц мархта урядай сура.

Лисенди Нолась, Чертсь макссь тейнза шаваня сура, а эстейнза сявсь мешок.

Маряви мелодия «Фиаско». Тусть геройхне.

Ефксонь азысь. Чертсь Нолапарьти кадсь аньцек видеманкса и сокаманкса, а лядыть ускозе эстейнза. И тячемс ярхцси суронь пачада и ямда.

Маряви морось «Суронь пачат». Чертсь семьянц мархта киштихть.

- А Нолась шокшенды пейзиволензон и ниленди коське сельгонзон.

(Нолась лиси и ащи бокса, пряц нолдаф.)

Аф стак мокшетне тянинге мярьгондихть: «Нолать чертське наругасы»

Мокшень мороня вельде артисттне комайхть и туйхть.

«Урсь и врьгазсь» ефкссть коряс.

Маряви вирень нармонень морама.

Сценать кучкаса уды врьгазсь, крнай.

Ваксканза ласьконди урнясь.

Ефксонь азондысь.

Урсь комотнесь тарадть лангста тарадс и прась уды врьгазть лангс. Врьгазсь комотсь и мялецоль ни сивомс урть.

(Мезе корхтави, эряви няфтемс)

Урсь кармась эняльдема:

Урсь. Нолдамак!

Врьгазсь. Пара, мон тонь нолдате, аньцек тон азк, месс тинь урхне тяшкава веселайхтяда? Тейне прокс скушна, а тинь лангозонт ванат и няйсак, кода налхксетяда и комотнетяда.

Урсь. Нолдамак инголи шуфтть пряс, а тоста мон азса мес, а то тяса мон пелян эздот.

Ефксонь азондысь. Врьгазсь нолдазе урть.

Урсь. Тейть сяс прокс скушна, мес тон пяк кяжият. Тонь седицень кяжсь плхтазе. А минь весялатама сяс, мес киндинге кальдяв аф арьсетяма и аф тиенттяма.

Маряви мокшень мелодия. Марнек артисттне арайхть сценати и сюконяйхть.

«Паронь тии офта» ефкссь.

Ефксонь азондысь.

Весть мокшень стирьсь тусь розень нума. А паксясь ульсь вирть маласа.

Стирьсь нуй. Маряви мокшень мора.

Ефксонь азондысь.

Мокшень стирьсь кеподезе прянц, каршезонза сай офта. Эводсь стирьсь, мялецоль ни ласькозь тумс. Ноофтськенерсь маладомс ни каршезонза и няфнесы эсь оцю мадянц. Ваны стирьнясь, а офтть мадяса оцю сарда.Таргазе сон сартть, а вастозонза путсь пчкафты тишеня. Сюконясь офтсь стирти и тусь вири.

(Марнек няфтеви).

Стирсь мольсь куду и ялганзонды азонды.

Стирсь. А мон офтти помагань, сарда мадястонза таргань. Сон тейне сюконясь.

Ялгаза аньцек кядься яфиесть.

Ефксонь азондысь. Етась аф лама пинге, стирти тага эрявсь молемс нума.

(Стирсь нуй. Маряви мокшень мора)

Нуй и нуй розть эса. А мзярда кеподезе прянц, инголенза ащесь сяка офтсь. Ингольдень мадянзон мархта сон кирдсь медь парьня. Офтсь путозе парьнять стирть инголи и сюконясь, тоса тусь меки вири.

Ефксонь азондысь.Моли стирсь куду парнянц мархта, а сембе дивандайхть

Стирсь моли, а сембеласькихть инголенза и няфтьсазь дивандамаснон.

«Яга Бабась и Натанясь» ефксть коряс

Азондысь. Сексень фкя лямбе шиня велень стирнятне тусть вири пангс.

(Маряви мокшень мороня, шабатне кептерняснон мархта молихть.)

Азондысь. Стирнятне ашесть фатя, кода пачкодсть эше вирти, коса марявсть то панчфонь, то пангонь танцти шиненятне.лгатне курокста срадсть вирть келес, юватькшнемок фкя-фкянди «Ау-ау».

(Маряви «ау» юватькшнемась)

Азондысь. Натаняти ня валхне марявсть сяда шуроста и шуроста.

Натанясь. Улема, мусть пангонь васта, а монь юкстамазь серьгядемс.

Азондысь. Эводезь калтадсь стирнять седиец и тусь Натанясь шава кептернянц мархта шуфттнень еткова. А мзярда сизесть сонь пильгонза, озась и аварьгодсь.

Натанясь. И ялганень эзда лядонь, и тядязе аф содасамань косан…

Азондысь. Но вов стирнясь эсь фталонза кульсь тарадонь цяторф.

Натанясь стясь и мезе няи…

(Лисенди Яга Бабась)

Натанясь. Ягась. Тяни пезе…

Яга бабась. Шумбрат, Ната уноконяй.

Натанясь (зрительхненди). Ерасамань лестязь васькафтомс.

Азондысь. Стирнясь ни ерась шапамста ювадемс: «Ворьть…», но месс-бди Натанять трванза мтрдсть.

Натанясь. Шумбрат, бабаняй-кстыняй.

Яга бабась. Кельгома уноконязе! Мон сембе эряфозень вирьса эряйне, вестенге кивок ашемань лемне кстынь лемса. Аньцек мархтон шабат эвфнесть. Видек, цебярь ломаненди мон пяк цебярян. И мярьк ломаттненди, штоба мархтон шабатнень афолезь эвфне.

Натанясь. Азса, сембонди азса, бабаняй.

Но вдь мон аф мусса эсь кудоньконь и ялганень эзда эрбгодень…

Яга бабась. Сявк кептерняцень и – куду.

(Макссь Натаняти пяшксе кептерня)

Натанясь. Да вдь сон монь шаволь.

Яга бабась. Мезевок тят кашторда, Натаня. Аньцек мярьк шаба ялгатненди, катк синь аф пелихть эздон.

Маряви нармонень морама.

«Келазсь и вирень тувось» Яков Пинясовонь ёфксонц коряс.

Азондысь. Мольсь вишке пизем. Ламос арнес келазсь вирьге. Ламос вешендсь эстейнза кудня, но кодавок изь мушендов. И аньцек мзярда прокс сизесть пильгонза, эста ни тумоть алда няйсь лотконя.

Келазсь. Кие тяса азорсь-баярсь?

Вирень тувось. Мон, вирень тувось. А мезе тейть тяфтама пизембачк эряви?

Келазсь. Пулонязе начка тяльмокс арась тя лима-сюна пиземть эзда, оржа пей тувоня, начка модань шувиня.

Вирень тувось. Азк, мезе тейть эряви, кият тонць?

Келазсь. Мон паронь арьси келаськясь. Нолдамак куднязот удома.

Вирень тувонясь. Монь куднязе эстейньге емла.

Келазсь. Ну, хуш фкя веняс, золотань щетина тувоня. Тонь тядянятне алянятне ульсть ляпе седихть.

Вирень тувонясь. Аш коза, тяльме пула.

Келазсь. Ну, хуш пиземть лоткамс нолдамак.

Вирень тувось. Сувак ина. Но аньцек пялес тяльгат куднязон – тесна.

Азондысь. Сувась келазсь вирень тувоть кудняс, ащесь аф ламос, спасибакшнесь азорти, а сяльде кармась пеняцема.

Келазсь. Сувафтомайть, а пулозе пиземть алу лядсь.Шаштт сяда фталуня.

Азондысь. Вирень тувось кирендезень пильгонзон.

Келазсь. Вов тяфта кунаркиге эряволь. Тонь щятяняце-щаваняце фалу тяфта тиенкшнесть.

Вирень тувось. Да вадефт ина, тяльме пула, удомазе сась.

Келазсь. Кирентть нинге. Сай кодамовок бралги пине, фатясамань пулода и каяфтсы орозень. А къда усксамань, тоньге фатятя пильгта и мельган усктя.

Азондысь. Вирень тувось стане кирендсь, што ваймоцка цють тарксеви.

Марявсь атямсь.

Вирень тувось. А мезе тяфта цяторгодсь?

Келазсь никсась.

Келазсь. Порафонь шиня маряви. Тя охотниксь ляцсь. Исяк нинге сязьгатась азондозе: охотникть мялец ляцемс вирень тува. Кле шуфттнень юрснон пяк шувондсыне.

Вирень тувось. Азк ляпе пула, кода ванфтомс пря?

Келазсь. Куроконе мук сязьгатать, катк васькафтсы охотникть, сявсы лия шири. (Торазевсь атямсь). Кульсак казяма пона? Ефси маласонк охотниксь.Улема, пильгокитнень музень.

Азондысь. Еньфтома вирень тувось лиссь куднястонза. (Торазевсь атямсь). И казяма пона тувось пильгонь-прянь синнезь, кифтома-янфтома ердась пря шобдати и ворьгодсь ся маластовок. А Келазсь сяшкава рахась, нльне стяфтозе удома вастстонза отькорьда отькорь урть.