уран зохёолой абдарhаа
статья

Моригүй аад, эмээл бү бэлдэ

Үhөөтээ hанаан бэе зобөөхо, үндэр уула мори зобоохо

1. Хун болохо багаhаа, хулэг болохо унаганhаа. 
2. 
   Хулэг морин – хунэй нухэр. 
3. 
   Ута газарые гаталха – морин эрдэни. 
4. 
   Моригуй хун мухар, хонигуй хун хооhон. 
5. 
   Мориной hайниие унажа мэдэдэг, тумэрэй hайниие дабажа мэдэдэг. 
6. 
   Мори уябал – утэг. 
7. 
   Машинатайшье hаа, морин хэрэгтэй, залуушуултайшье hаа, убгэд хэрэгтэй. 
8. 
   Адуунай унаган, агтын туруу морин. 
9. 
   Эсэhэн мориндо хазар хундэ, эбдэрhэн тэргэдэ арал хундэ. 
10. 
    Уула мори зобоохо, уур хуниие зобоохо. 
11. 
    Даахияа унаагуй дааган, дахаяа нэмэрhэн убгэн. 
12. 
    Агта мори алдабал баригдаха, ама алдабал баригдахагуй. 
13. 
    Айл аймаг хадаа ахадаа хоригдохо, агта хулэг ургада баригдаха. 
14. 
    Харуулгуй адуун хагда танихагуй, хаангуй албатан хули танихагуй. 
15. 
    Унаган морин хугшэрхэ – унага дааганай наадан болохо. 
16. 
    Агтын hулдые ургэжэ шадаха хэрэгтэй. 
17. 
    Морин hайниие зугнэжэ шадаха, мууе мэдэжэ турьяха. 
18. 
    Даахи дороhоо хулэг гараха, даг дороhоо баатар гараха. 
19. 
    Мориной муу зан – эзэнhээ, хусэтэй ябадалшань – харууhанhаа. 
20. 
    Морин дурбэн хултэйшье hаа, будэрдэг. 
21. 
    Туруун мориео таталуула. 
22. 
    Бэлигэй мориной шудэ татахагуй. 
23. 
    Гамтай унахада, морин тарган, эбтээ ажаллахада, ажал тургэн. 
24. 
    Ташуур – мори сохихо зэмсэг бэшэ, мори шэмэглэхэ гоеолто. 
25. 
    Адуун дээрэhээ даараха, ухэр дороhоо даараха. 
26. 
    hайн морин харсага шубуунhаа хурдан, hайн нухэр шулуунхэрэмhээ бухэ. 
27. 
    Хулэгэй унаганда эжэл хэрэгтэй, хунэй хубуундэ нухэр олон. 
28. 
    hайн мориндо эзэн олон, hайн хундэ нухэр олон. 
29. 
    Морин номгон, эзэн ябаган. 
30. 
    Ургаар мори бариха – улан гарай хусэн, урин hайхан ябаха – ухаан Бэлигэй хусэн. 
31. 
    Моринойнгоо хазар бу гэшхэ. 
32. 
    Унажа ягаhан моринойнгоо толгой сохижо болохогуй. 
33. 
    Мори ябадалаарнь мэдэдэг. 

1. Хадата ужам Захааминай

Хонгорхон Мэлэ нютагтаа

Энхэргэн аба эжын ууган үреэр

Түрэһэн, үдэһэн заяамни.

2. Түрэл һайхан тоонтодоо

Багшанарайнгаа нангин һургаалаар,

Эрдэмэй орьёлдо хүрэжэ,

Һургуулияа дүүргэһэн заяамни.

3. Буряад хэлэеэ хүгжөөхэ,

Багша болохо хүсэлтэй

Буряадай гүрэнэй университедэй

Оюутан болоһон заяамни.

4. Хүхюу оюутанай хаһада

Хүлгөөтэ сэдьхэлэйнгээ бодолнуудые

Хоёр номой хуудаһанууд дээр

Хангюурдан урадхуулһан заяамни.

5. Зүрхэ сэдьхэлэйм мүрнүүдые

Зоной үндэрсэгнэлтэдэ хүртэн,

Алтаргана гэһэн мүрысөөндэ

Арадаа түлөөлһэн заяамни.

6. Багшын мэргэжэл абаһан гэршэлтэй

Һургуулиин богоһо алхажа,

Хүүгэдтэ эрдэм ном зааха,

Хүмүүжүүлхэ заяамни.

7. Түрэл һайхан һургуулидаа

Дали жэгүүр олгожо,

Багшын үндэр мэргэжэлтэй                              (Дарима Дулмаева. 2015 он)

Бусажа хариһан заяамни.

8. Эрхим багшанарайнгаа дунда

Дүй дүршэлөөрнь хубаалдажа абаха,

Һургаалтай нангин заабаринуудыень,

Шэнгээн абаха заяамни.

9. Хүлэгтэл хурдан шүлэгүүдни,

Дуунууд болон жэргэжэ,

Хүнэй байдал шэмэглэн,

Дуунууд соо мүнхэрхэ заяамни.

10. Үдэрбүхэнэй хэшээл,

Шабинарайм наһанай хэшээл болгон,

Утын харгыень арюудхан,

Һураха, һургаха заяамни.

11. Буряад хэлэнэй баялигтай

Бахархан нүхэсэһэн шабинарни,

Хожомоо гуурһаяа хурсадан,

Бэшэхыньүреэхэзаяамни.

12. Наһанайнгаа нүхэртэй золгожо,

Хүдэр хоер хүбүүдтэй боложо,

Эжын хэтын жаргал амсан,

Эдлэн жаргаха заяамни.