Секъа - дœсны баснифыссœг (œхсœнады хъœндзинœдтœ иртасœг)
методическая разработка (9 класс)

Урочы темœ: Секъа – дœсны баснифыссœг.

Урочы хуыз: урок – иртасœн

Архайдон хœстœ:

• рацыд œрмœджы бындурыл къордты иртасœн куыст кœнын;
• ахуырдзауты сразœнгард кœнын урочы нысан сбœрœг кœнынмœ;
•  йœ сœххœст кœнынмœ мотиваци;
• рахицœн кœнын, œрныхас кœнын œмœ мидисы иуœг сбœлвырд кœнын.

Ахуырадон хœс: баснийы тыххœй теоретикон зонындзинœдтœ раттын œмœ сœ пайда кœнын текст анализгœнгœйœ.

Хъомыладон хœстœ:

• œвœрццаг удварны œууœлтœ сœвзœрын кœнын текст анализгœнгœйœ;
• эстетикон œмбарынœдтœ œвзœрын кœнын ахуырдзаутœм;
• ахуырдзаутœм сœ уагахаст фœхуыздœр кœнынмœ тырнындзинад сœвзœрын кœнын.

Универсалон ахуырадон архайдтытœ (УУД)

Иуœгон архайд:

• хи бынат сбœрœг кœнын, иртасœн къорд œвзаргœйœ;
• бснийы хъомыладон нысан бамбарын.

Регулятивон архайд:

• иртасœн куыстœн нысан œрœвœрын;
• коллективон куысты хи архайдœн пълан скœнын;
• хи архайдœн аргъ кœнын;
• куысты фœстиуджытыл œрныхас кœнын.

Зонадон архайд:

• ахуырдзауты сцымыдис кœнын жанр басни базонынмœ;
• бамбарой, цы у аллегори, цœуыл нœ ахуыр кœны басни;
• иртасœн куысты рœстœджы логикон хъуыдыкœнынад райрœзын кœнын;
• проблемон фарст сбœрœг кœнын, куыд ыл бакусœм

Коммуникативон архайд:

• иумœйаг куыстœн пълан скœнын;
• проблемон фарстытœ рафœлгъауын, цœмœй лыг œрцœуой;
• хи хъуыдытœ œххœстœй œмœ œнœкъуылымпыйœ зœгъын, ныббиноныг кœнын, иртасœн куысты хœстœ œмœ фарстытœ хынцгœйœ.

Дзырдуат: басни, аллегори.

Секъа – дœсны баснифыссœг (œхсœнады хъœндзинœдтœ иртасœг).

Хœдахуыр поэт, ирон œвзагыл фыст

 аивадон прозœйы бындурœвœрœг.

«Ирон фысджытœй иууыл адœмондœр фыссœг»

Абайты Васо

Организацион хай.

Ахуыргœнœг урокмœ œрбахаста чиныг Уœрœсейы Конституци. Скъоладзаутœм дœтты фарст:

 - Сывœллœттœ, мœ къухы цавœр чиныг ис?

Дзуапп:

- Уый у Уœрœсейы Конституци.

Фарст:

- Æмœ цы у Конституци?

Дзуапп:

- Уый у паддзахады сœйраг закъон, фыст дзы сты нœ бартœ, нœ хœстœ, цыʼмбœлы аразын œмœ цы неʼмбœлы, цы у œвзœр œмœ цы у хорз.

Ахуыргœнœг:

- Уœдœ ма ацы чиныджы фыст ис, сымахœн ахуырдзинад œнœмœнг хъœугœ кœй у, алы сывœллон дœр хъуамœ цœуа скъоламœ, кœсын, фыссын зона. Фœлœ паддзахы рœстœджы ахœм закъонтœ  нœ уыдис, тынг бирœ œнœахуыргонд адœм уыдис уœды заманы. Æрмœстдœр хъœздыг адœмы минœвœрттœн уыд ахуыр райсынœн алы фадœттœ дœр.

Бирœтœн-иу бантыст сœ хъаруйы œмœ сœ фидар удыхъœды фœрцы ахуырдзинад райсын, зонындзинœдты къœбицмœ бахизын, фœлœ ахœмты нымœц бирœ нœ уыд. Абон цы фыссœджы уацмыстыл дзурдзыстœм, уый у уыцы чысыл нымœцœй.

            Ахуыргœнœг:

        - Сывœллœттœ, бакœсут ма фœйнœгыл фыст ныхœстœ œмœ мын зœгъут, кœцы фыссœгыл  уыдзœн абон нœ ныхас?

         - Раст зœгъут, уый у Гœдиаты Секъа.

Гœдиаты Секъа фыссын œмœ кœсын куы базыдта, уœдœй фœстœмœ йœ къухœй фыссœн сис никуы ахаудта. Уый рацыд адœмœй œмœ адœмон сфœлдыстадœй, рахаста адœмы зонд œмœ зœрдœ сыгъдœг œмœ бœрзондœй. Абон дœр ма Хъудœй Хадмœ фехъусœн ис ахœи œмбисонд: «Нымœтын авдœны тъœпœнты чи схъомыл, уыдонœй Секъайы хуызœн ничи рацыд».

           Секъа йœхи куы базыдта, уœдœй фœстœмœ йœ цард арвыста мœгуырœй. Йœхи царды фадатœй базыдта адœмы царды уœз дœр. Йœ поэзи сœрмагондœй амад у царды иу конфликтыл, иу ныхмœдзыдыл. Ома, адœмты цард иухуызон кœй нœу; иу мœгуыр кœй у, иннœ – хъœздыг, иу – тыхджын, иннœ – œдых, иу – хицœуттœй рœвдыд, иннœ – œфхœрд, уый раджы раиртœста нœ фыссœг. Йœ уацмысты бындуры œвœрд ис царды уыцы сœйраг конфликт.

            Дœсны фыссœг дзургœ сырдты фœрцы чыныгкœсœгмœ хœццœ кодта царды ахсджиаг œцœгдзинœдтœ, уыдон ын œххуыс уыдысты хорз œмœ œвзœры ʼхсœн арœн скœнынœн. Абон дœр нœ рох кœнœм:

Бандон пылœн œвœрд у,

Хуыцауœй йын лœвœрд у,

Лыстœг сырдтœ, фœстœдœр

Бахœрдзыстут œхсœвœр…

Кœнœ:

О-о, - загътой сырдтœ, неʼлдар, нœ паддзах,

Ды фысты кœй хœрыс,

Уый сын кад у œмœ намыс.

Ахуыргœнœг:

- Уœ хъуыдымœ гœсгœ, ацы рœнхъытœ Секъайы цавœр уацмыстœй ист сты?

Дзуапп:

- Баснитœй.

   Ахуыргœнœг:

- Хœдзармœ уын хœслœвœрд уыд, цœмœй дунейы зындгонддœр баснифысджыты тыххœй  уœ зонындзинœдтœ фœарфдœр кœнат интернеты фœрцы. Фœйнœгыл таблицœ, чи йœ баххœст кœндзœн?

Фœйнœгыл таблицœ уагъд дзырдтимœ, скъоладзаутœ йœ хъуамœ баххœст кœной.

Скъоладзауты иу къорд бацœттœ кодтой цыбыр хъусынгœнинаг презентациимœ  ацы баснифысджыты тыххœй œмœ йœ сœ иу кœсы: 

«Эзоп реалон историон адœймаг уыд, уый зын зœгъœн у. Фыццаг хатт йœ кой скодта Геродот, кœцы зœгъы, зœгъгœ Эзоп уыд сакъадах Самосы Иадмоны цагъар, стœй йын радта сœрибардзинад. Эзоп фыста баснитœ, уыдон фœстœдœр тœлмац œрцыдысты дунейы бирœ œндœр œвзœгтœм. Зœгъœм, сœ раивтой ахœм зындгонд баснифысджытœ, куыд Жан Лафонтен œмœ И.А.Крылов.

              Лафонтенœн литературœйы историйы тынг стыр нысаниуœг ис. Уый, рагон авторты уацмыстыл œнцойгœнгœйœ, сарœзта ног жанр. 1668 азы фœзындысты йœ басниты фыццаг œхсœз чиныджы. Ацы фыццаг œмбырдгондмœ бацыдысты, фœстœдœр Крылов кœй раивта, уыцы «Халон œмœ рувас» , «Цъырцъыраг œмœ мœлдзыг».

  Ахуыргœнœ:

 - Уœдœ œрныхас кœнœм, Лафонтен Эзопы уацмысты бындурыл цы ног жанр сарœзта, ууыл, ома баснийыл. Æвзаргœ та кœндзыстœм  Гœдиаты Секъайы басни «Минас». Дарддœр скъоладзаутœ аив кœсынц рольтœм гœсгœ Секъайы басни.

Ахуыргœнœг:

- Цœмœй бœрœг у, ацы уацмыс басни у, уый? Фыццаг уал уый сбœрœг кœнœм.

Фœйнœгмœ ма œрбакœсут ( фœйнœгыл таблицœ), ацы таблицœйы фœрцы мах бамбардзыстœм, цы у басни, уый. (Скъоладзаутœн сœ разы дœр гœххœттыл ацы таблицœ). Мœнœ Белинский цы зœгъы баснийы тыххœй: «Басня есть поэзия рассудка».

       - Уацмысты œвзаг у хуымœтœг, ис дзы диалог, хъайтартœ сты сырдтœ, автор сœ удджын кœны (ныхас кœнынц); ис сœ цавœрдœр œмбœхст хъуыды, кœцыйы мах хъуамœ рафœлгъауœм; ис дзы фœсномыг ныхас; œвзаг хъœздыг у афоризмтœй дœр.

Ахуыргœнœг:

            - Цавœртœ сты сœйраг архайджытœ?

            - Домбай у гуыбындзал, фыранк – козбау, пыл – тыхджын, лыстœг сырдтœ та тœппуд, œфхœрд.

               - Фœдих ма кœнœм нœ баснийы архайджыты дыууœ къордыл. Фыццаг къордмœ ахœссœм домбай, фыранк œмœ пылы; дыккаг къордмœ та хœссœм рувас, зыгъарœг œмœ тœрхъусы – лыстœг сырдты. Дарддœр мын ацы дыууœ къорды сырдты сбœрœг кœнут ахœм фœткыл:

1. Иу номдар, сœйраг темœ œвдисœг
2. Дыууœ миногоны, сœйраг хъуыды œвдисœг
3. Æртœ мивдисœджы, œвдисынц архайд темœйы арœнты
4. Хъуыдыйад, œвдисы уœ ахаст сœйраг темœмœ
5. Иу номдар, гъе дзырдбаст, гъе œмбисонд, кœцы уын ассоциаци кœны фыццаг дзырдимœ.

               1. Тых (домбай, фыранк, пыл)                                1.Æфхœрд (тœрхъус, рувас, зыгъарœг)

               2.Хœраг, тыхджын.                                                  2.Тœппуд, œдых.

               3.Æфхœрынц, хœрынц, козбау митœ кœнынц.     3. Тœрсынц, хъыгдард сты, нœ уœндынц.

               4. Хорз хъуыддœгтœ нœ кœнынц.                          4. Сœ бартыл тох кœной.

               5. Дœ гуыбыныл хœцын зон.                                   5. Социалон œфхœрд.

  Ахуыргœнœг:

                 - Сымах сбœрœг кодтат, автор нын ацы сырдты фœрцы цы проблемœтœ œрœвœрдта нœ размœ, уыдон: гуыбындзœл œмœ социалон œфхœрддзинад.

Ахуыргœнœг:

                 - Ныр та фœдих ут дыууœ къордыл œмœ сœххœст кœнœм ахœм куысты хуыз: фыццаг къорд œвзарынц тексты ахœм аивадон мадзœлттœ, дзырдтœ, дзырдбœстытœ, кœцыты фœрцы сбœрœг кодтат авторы сœйраг хъуыды, ома гуыбындзалы проблемœ. Кœд уыцы дзырдтœн , дзырдбœстытœн синонимтœ, омонимтœ ис, уœд уыдон дœр фœнысан кœнут. Дыккаг къорд та ахœм хуызы кусы социалон œфхœрды проблемœйыл.

Дзурынц сывœллœттœ, ахуыргœнœг сын œххуыс кœны.

Ахуыргœнœг:

- Баснийы фœрцы Секъа тох кодта œхсœнады хъœндзинœдты ныхмœ: гуыбындзал œмœ социалон œфхœрды ныхмœ. Кœддœр францаг политик Франсуа Миттеран афтœ загъта: «Битва против несправедливости – это одна из самых прекрасных битв».

  Зœгъœм, скъолайы ацы басни œвœрынц сценœйыл, кœй уœ кœцы сырды ролы фœнды йœхи фенын?

Скъоладзаутœ дзуапп кœнынц (сœ иуы ролы дœр нœ. Сеʼппœт дœр œвœрццаг фœлгонцтœ не сты.). Секъа ацы басни ныффыста XIX œнусы. Мах абон цœрœм демократон бœстœйы œмœ нœ цымœ цœмœн хъœуынц XIX œнусы фыст уацмыстœ, цœмœ сœ ахуыр кœнœм? Ахъуыды ма йыл кœнœм.

Хъœндзинœдтœ кœмœ нœй, ахœм адœм нœй. Абоны царды мах фембœлœм ахœм адœмыл куыд пыл œмœ домбай, куыд иннœ козбау сырдтœ. Нœ зœрдœ сыл фœхуды, фœлœ, хъыгагœн, неʼхсœн уœвынад кœнынц, бахъœуы нœ тох кœныны сœр дœр.

          Цœй œмœ Гœдиаты Секъайы басниты бындурыл œрхъуыды кœнœм œмœ ныффыссœм ахœм œгъдœутты хыгъд, кœцытыл хъуамœ адœймаг œнцой кœна йœ царды (дзурынц ахуырдзаутœ, фыссынц сœ фœйнœгыл œмœ  тетрœдты):

Хиуыл хœцын зон                                                      Рœстдзинад уарзын

            Рœнтон уœвын                                                           Гуманизм  

            Козбау митœ ма кœн                                                 Хœрамдзинады  ныхмœ тох кœн

            Фœрсœрдыгœй дœхимœ бакœсын зон                    

            Дœхицœй œдыхдœры ма хъыгдар

Ахуыргœнœг:

          Ракœсут ма, мах нœхицœн чысыл закъонты хыгъд сарœзтам, чысыл конституци нœ чысыл паддзахадœн. Ацы œгъдœуттыл хœст уыдзыстут, уый нын цард фенын кœндзœнис, фœлœ мœ ныфс ис, Гœдиаты Секъайы зондамындтытœ уын кœмдœр œххуыс кœй уыдзысты.

Хœдзармœ куыст:

• басни ныффыссын;
• иллюстраци сныв кœнын;
• презентаци «Секъайы царды хабœрттœ»

Урочы технологон картœ