Нуура Владимирин шʏлглəн.
план-конспект урока (11 класс)

Кичəлин тɵр: Нуура Владимирин шʏлглəн.

Кичəлин кʏцл: сурһульчнрин чадвр батллһн, амн ʏгəр келлһн, айслулҗ умшлһн, умшсан шалһҗ чадлһн.

Дɵнцл: шʏлгч  Нуура Владимирин зург, бичсн дегтрмʏдин һəəхʏл, кластермуд (опорн схемс), компьютерн презентац.

Кичəлин йовуд:

1. Мендллһн. Кичəлин тɵр болн кʏцл келлһн.
2. Багшин ʏг. Урдк кичəлд бидн Нуура Владимирин җирһлин болн ʏʏдəлтин хаалһла таньлдлавидн. Эндр болхла, бидн Нуура Владимирин бичсн шʏлгʏдлə таньлдхвидн. Тер учрар шʏлгʏдиг сəəнəр, айслулҗ умшад, умшсарн шалһлт кехвидн. Эн кɵдлмш кехин ɵмн шʏлгч Нуура Владимир ямаран хаалһар йовад, яһҗ литературт ирсинь медхмн.
3. Герин даалһвр сергəлһн.

Багш: - Нуура Владимирин тускар ю меднт? Кен келнə?

1). 1-гч сурһульч  кластерар шʏлгчин җирһлин хаалһин тускар келлһн.      

               (презентац)

Сурвр: - 1957-гч җилд нутгтан ирəд Нуура Владимир ямаран балһснд училищ тɵгсəнə?   - Нуура Владимир Черкесск балһснд багшин училищ тɵгсəнə.

                                                                  (опорн схемəр)

2). 2-гч сурһульч ʏʏдəлтин хаалһ келлһн.                        (презентац)

   3).  Кʏʏндлдəн                                                                   (хойр сурһульч)  

Сурвр: - «Алтн авдр» -гидг дегтрт ямаран шʏлгʏд барлгдҗ?  - «Алтн авдр» гидг дегтрт кесг тɵр багтажана: бичкдʏд то даслһн, җилин лит, долан хонгин ɵдр, моддын нердин тускар бичəтə.

4). Медрл шʏʏлһнə тест.

- Ода тест бʏрдчкмн.                                                     (слайдар кɵдллһн)

1. Нуура Владимир кезə тɵрсмн?

а). 1918-гч җил                                                     в). 1909-гч җил

б). 1925-гч җил                                                    г). 1938-гч җил

2. Нуура Владимирин тɵрсн һазр-усна неринь чикəр заатн:

а). Тугтн селəн                                                    в). Буһу хотн

б). Булмгт хотн                                                   г). Баһ-Чонс хот н

3. Эн ʏʏдəврмʏдин жанринь йилһтн:

     «Υгин кʏчн» -

     «Экин əрʏн зɵв» -

    «Модн болн кʏн» -

    «Кɵк Буурл теегм» -

    «Багшин нерн тугар делснə» -

 Багш: - Тана утх-зокъялын шʏʏврин даалһврмудт – 15-гч вариантд – 2-гч даалһврт сурврмудт хəрʏ ɵгтн гиҗəнə. Υʏдəвмʏдин жанринь йилһтн.

    IV. Шин тɵр.

Багшин ʏг: - Тадн йир сəəнəр кʏʏндвт, шʏлгчин җирһлин болн ʏʏдəлтин хаалһин тускар сəəнəр келвт. Эндр болхла, кичəлдəн билгин намтрас бидн Нуура Владимирин шʏлглəн гидг тɵрəр кɵдлхвидн. Нуура Владимир кесг шʏлгʏдин хураӊһудин тʏʏрвəч. Ѳдгə цагт Нуура Владимир мадн дунд эрʏл-дорул бəəнə. Билглəнə хаалһан цааранднь давулҗ, утдулҗ, ʏʏдəврмʏдəн бичҗ, умшачнрин седкл байрлулна.

V. Багш: - Ода бидн Нуура Владимирин  бичсн « Υгин кʏчн» гидг шʏлг умшхвидн. Дегтрəн  206 –гч халхт сектн.

                                                                              (толь на доске написать)

ʏгин кʏчн – сила слова

кɵшг – занавес

седкл – душа

буру хандх – отвернуться

элглх – родниться

туста – полезный

сɵрв – рана, шрам

селм – меч

VI. Багшин умшлһн.

VII. Сурһульчнр цевəр умшлһн.

VIII. Багш: - Тана хəлəцəр, эн шʏлгт юуна тускар бичгднə?

            - Тʏрʏн бадгт юуна тускар келгднə?

- Ямаран чигн ʏг келхлəрн, эрк биш ухалад келх кергтə, юӊгад гихлə, ʏгин кʏчн йир ик, тедʏ мет ʏнн седклəр келсн ʏг кʏʏнд урмд ɵгнə. Шʏлгчин хəлəцəр, иим ʏг - ʏʏл-кɵшг секснл əдл болна.

- 2-гч бадгт  юуна тускар келгднə?

- 2-гч бадгт дəкəд болхла, ʏг əмт ʏʏрлʏлнə, зовҗах кʏʏнд нɵкд болна, җивр урһана гиҗ келгднə. Би шʏлгчлə зɵвшəрҗəнəв.

- 3-гч бадгт  юуна тускар келгднə?

- 3-гч бадг « Зɵвтə ʏгд – зʏркн хандг» гидг хальмг ʏлгʏрəс эклнə. Дəкəд чигн ʏг селмəс хурц болҗахинь шʏлгч медʏлнə. 

- Υгин чинр ямаран болҗана? – Υгин чинр кʏчтə, чидлтə болҗана.

Багш: - Не, сəн, чик келҗəнəт.

IX. Багш: - Ода болхла, кроссворд шалһхмн, нəəмн ʏгəс тогтсн.

• Хəлəтн, һол ʏгнь юн болв?     - ʏгин кʏчн –  ода тəəлхмн. Эн ʏгмʏдин тəəлврнь  шʏлгт харһна.

X .Багш:  Нертə шʏлгч йир билгтə. Нуура Владимирин бичсн кесг шʏлгʏднь дуунд тохрсмн.  Ода соӊсхмн.

  «Дагни»- гидг дун. Υгнь – Нуура Владимирин, дуулҗахнь – Хальмг Таӊһчин ачта  дууч - Данара Шалханова.

                                                                                                (дууна айс)

11. Кичəлин ашлвр:

Багш: -   Не, ода кичəлин ашлвр һарһхин тɵлə, ʏʏдəлтин кɵдлмш кʏцəхмн.

XII. Рефлексия.

- Ода эрəд болһнд иим даалһвр:  

1-гч эрəд -  Тадн ода ʏгин кʏчнə тускар эврəннь ухан-тоолвран келтн.

2-гч эрəд – йɵрəл тогтатн. «Йɵрəлин экн –тосн» - гиҗ цецн хальмг ʏлгʏрт келгднə. Нуура Владимирин бичсн «Υгин кʏчн» гидг шʏлгт бас йɵрəл харһна.  Тедʏ мет, ода ирсн гиичнрт йɵрəл нерəдəд тогтатн.

1). Кʏндтə гиичнр, тоомсрта багшнр!

2). Оньдин дɵрвн цагт

     Ѳрк-бʏлəрн, элгн-садарн

     Эрʏл-менд бəəтн!

3). Цаһан мɵӊгн мет

     Цаһан хаалһар йовтн.

    Улан мɵӊгн мет

    Ут наста болтн!

4). Сурһульчнртн ачта неритн дуудултха!

5). Эрдм-сурһулин ик девсӊгд кʏртхə гиҗ ʏнн цаһан седклəсн йɵрəҗəнəвидн!

                                                                                    (йɵрəл шиӊгртхə!)

Ашнь: - Багш: - Йир сəн, мел чик, даалһвран тадн сəəнəр кʏцəвт. Би таднла зɵвшəрҗəнəв.

Υгин кʏчнə тусинь медəд, мана ɵвкнр ямаран керг-ʏʏлдврəн йɵрəлəр эклнə. Эндр чигн келгдсн йɵрəл номин йосар кʏцг гиҗ ицҗəнəв. Хɵɵтндəн ʏг келхлəрн эрк биш цаһан седклəсн, чик ухаһарн амлтн гиҗ ʏрвр кеҗəнəв. Келсн ʏгтн тɵв болтха!

Кичəлд орлцснтн ик ханлт ɵргҗəнəв. Шʏʏврəн сəəнəр ɵгч, хату цаасан авч, шин җирһлин девсӊгд орҗ, амр-тавта, байрта-бахта бəəхитн олн Деедс бурхд ɵршəтхə!

XIII. Темдг тəвлһн. Эндрк кичəлдəн тадн гем уга кɵдлвт гиҗ би санҗанав.  

  Шʏлгчин җирһлин болн ʏʏдəлтин хаалһ тодрхаһар келснд Басана Альманад болн Һəрəн Цаганад  5 темдг тəвҗəнəв, кʏʏндлдəнд  орлцад, йир сəн белдвр кеснд Менкəн Илянад болн Лиҗ-Һəрəн Санлд бас 5 темдг тəвҗəнəв.  Кичəлин туршарт кɵдлсн  Алтанд, Эльдард, Димад, Алтанад, Ромад  4 темдг тəвҗəнəв.                                                                                                                

14.  Герин даалһвр. Нуура Владимирин нег шʏлг чееҗəр дасх. Утх-зокъялын шалһлт кʏцəх.

Багш: - Тадна ɵмн, цагин некврəр, смайлики кевтнə. Тегəд, давулсн кичəл ямаранинь ʏнлтн. Таднд кичəл таасгдв аль угай,

 Инəҗəх смайлик – кемр кичəл таасгдв, һурниҗəх смайлик – невчк кичəл  таасгдсн уга.

Кичəл чилв, сəн-менд харһий!