Доклад на эрзянском языке «Эрзянь келень уроксо тиринь масторонть вечкеме тонавтомась»
статья

МБОУ «Аловская средняя школа»

Доклад

«Эрзянь келень уроксо тиринь масторонть вечкеме тонавтомась»

                               Анокстызе: Козина Т.М

                                                                                       эрзянь келень тонавтицясь

   Тиринь масторонть вечкеме эйкакштнень ды од ломантнень   тонавтомась – пек эрявикс тев. Истямокс сон ульнесь свал,течи, зярдо полавтовсть эрямонь лувтне ды питнейчитне,ды пек ламова аволь паро енов,кармась эрявомо седеяк пек.Прявт таркась тесэ максови школатненень.тиринь масторонтень вечкемась ушодови эсь кудораськентень,эсь эрямо кудонтень.Школанть молеманзо марто сон касы эсь тиринь велентень,эрицятненень вечкемакс.Тиринь масторонтень вечкемась ловови весе наукатнень прявт юрокс.

 Те юрось путови тиринь келень уроктнесэяк.Косо,кода аволь сынст эйсэ,эйкакштне седеяк пек кармить вечкеме эсест келест,сонзэ трокс панжсызь эсест лия раськень кельтнень ды культуратнень мазычисткак,ды истямо ладсо сыть эсь масторонть вечкемантень.Тень кувалма эрзянь ды мокшонь кельтнень эряви аволь ансяк ванстомс,эряви кортамс ды сермадомс эйсэст,тонавтнемс сынст вадрясто.Те-миненек покштянок ды тетянок-аванок казнест,конань,седеяк мазыекс ды сюпавокс,эряви пачтямс тенек мельганок сыця эрийтненень.

Эрзянь келентень ды чачома масторонтень вечкеманть мон бажан путомс эсень тонавтницятнень седейс эрьва уроксто.Тень пингстэ кирдян истят бажамот:

-панжомс «тиринь масторонтень вечкема» валсюлмавкстнэнь смустест;

-невтемс эйкакштненень тонавтнеманть эрявиксчинзэ кода тувтал,кона лезды муемс эрямосонть эсь превтнень ды вийтнень коряс тев;

-сюпалгавтомс тиринь мастордонть эйкакштнень содамочист.

Мон келейстэ нежедян дидактикань лездамопельтнень лангс.Сынь седе домкасто арсевтить эйкакштнень се ежомарямонть лангсо,кона сюлмавозь тиринь масторонтень вечкеманть марто.

Покш лезэ кандыть чачома енксто ды мастордо валмеревкстнэяк,конат нолдавить тевс.

Тиринь масторось-те,нама,сонзэ пертьпельксэськак,кона пек мазый ды сюпав.Тень седе вадрясто невтеманть кисэ мон сеедьстэ пшкалян эсенек сермадейтнень книгаст туртов.Покш лезэ канды валкстнэнь,кортамолезкстнэнь,методикань лездамопельтнень марто важодемаськак.

Содавтнян эйкакштнень эрзянь ды мокшонь раськетнень кезэрень кедъенксост ды важодемапелест мартояк,конат пурназь-невтезь минек школань музейсэнть.

Вийсэ тиринь масторонть вечкеме киньгак а кармавтсак.Секскак тесэ эряви муемс истят лездамопельть,конат седеяк кастовлизь тонавтнемантень эйкакштнень мелест.Сехте мельс туицятнестэ налксемань технологиясь,проектэнь методось,ИКТ-технологиясь.

Тиринь масторонтень вечкемань коряс содамочитне невтевить эрзянь ды мокшонь кельтнень коряс олимпиадатнесэ,конференциятнесэ ды лия промкстнэсэ.

Тиринь масторонь вечкеме тонавтомась веши эрьвачинь мель ды важодема.Кода вишка чувтынесь,мельганзо парсте апак яка,а совавтови вийс,истя эйкакшоськак а кастови эсь раськень ды масторонь алкуксонь ломанекс,весе седейсэ сынст вечкицяст ды эйстэст мелявтыцякс,а карминдерят видеме оймезэнзэ неть видьмекстнэнь чиде-чис,апак лотксе.Видеме ды мелявтозь кастомо.