Марий йылме. 5 класс. Муткылдыш.
план-конспект урока (5 класс)

Теме: Муткылдыш

Урокын типше: комбинированный урок.

Регулятивный УУД: теме почеш шкегыч йодышым шынден мошташ.

Познавательный УУД: 1) пуымо ойлончылаште муткылдышым муаш.

Коммуникативный УУД: 1) муткылдышым чын чоҥаш;

2) пален налме шинчымаш почеш моло-влак дене кутырен мошташ;

3) сочиненийым возымо навыкым вияндаш.

Тунемме книга: Кузнецов В.В.,Кузнецова Н.В. Марий йылме. 5 класслан учебный пособий. – Йошкар-Ола: Марий туныктыш институт, 2018. – 200 с.:ил.

Ешартыш материал:

З.В.Учаевын «Муткылдыш» таблицыже.

Урокын эртымыже:

I.Организационный ужаш.

  1. Саламлалтмаш.

  2. Йоча-влакын уроклан ямде улмыштым тергымаш.

  3. Тунемше-влакым пашаш кумылаҥдымаш.

II.Кодшо урокышто возымо  диктант негызеш йоҥылыш дене паша.

III.Уроклан задачым шындымаш.

IV. У темым тунемме корно.

1). Темым рашемдаш 2 столбик почеш пашам ыштена.

кинде               уржа кинде                  

                         шыдаҥ кинде

пӧрт                 пу пӧрт

                         кермыч пӧрт

А).Ончыч лудын лектына да вара нунын кокласе ойыртемым кычалына. (Иктышт посна мут веле улыт гын, весышт предметым рашынрак ончыктат).

Б). Правилым шымлымаш (Книгасе 23 стр.)

Лудмо негызеш шкегыч схемым ыштена.

Мутлан,        

                    могай?        

                               ←Х

                    уржа кинде

Тунемше-влак тӱҥ да рашемдыше мут нерген изирак класслаште тунеммым шарналтат, иктешлымашым ыштат.

2). Правилым паша дене пеҥгыдемдымаш.

Тунемме книгасе 36 паша(устно) – Йоча-влак икте-весыштым шкеак тергат, йоҥылышыштым тунамак тӧрлат.

3). Физкультминутко.

37 ден 38 паша-влакым ваш тергыктыман, кӱлеш годым тӧрлатат.

4). Писе тунемшылан 40 паша.

V.Тунемшын шке пашажым аклымыже.

1). Мут деч муткылдыш мо дене ойыртемалтеш пала мо?

2). Ойлончо гыч муткылдышым ойырен луктын мошта мо?

3). Тетрадьыште чылажымат кӱлеш семын ыштен мо?

Йоча шканже тетрадьысе поляште отметкым шында, а туныктышо ужын шуктышаш да молан тыге аклымым пален налшаш.

VI. Мӧнгысӧ пашам умылтарымаш.

42 паша. Кӱчык сочинений. Заданийысе пуртышаш муткылдыш ден план пашам куштылемда.

VII. Йоча-влак урок нерген шке шонымашыштым каласалат.