ВМК - 2023
материал
Материалы ВМК учителей родного, в том числе русского языка
Мой национальный костюм https://vk.com/wall100302984_1688
Видеоролик учащейся "Вокальное мастерство" https://vk.com/wall100302984_1689
Скачать:
Вложение | Размер |
---|---|
darzhay_a.a._avamga_7_kl.docx | 35.67 КБ |
suvakpit_o.o._at_charyzhy_5_kl.docx | 31.25 КБ |
Предварительный просмотр:
Муниципалдыг бюджеттиг өөредилге чери
Сосновка ортумак ниити билиг школазы
7-ги класска кичээл
Александр Даржай «Авамга»
Тыва дыл, чогаал башкызы
Монгуш Саяна Ахмедовна
тургускаш, эрттирген
Сосновка, 2022
Клазы: 7 «а». Эртеми: Төрээн чогаал
Кичээлдиң хевири: чаа билиглерни шиңгээдип алырының кичээли.
Сорулгалары:
Ѳѳредиглиг: 1) Александр Даржайныӊ чогаадыкчы ажыл-чорудулгазын уругларга билиндирип, чогаалчыныӊ ыры апарган «Авамга» деп шүлүүн сайгарары.
Сайзырадыр: 1) Шүлүктүӊ идей-тематиктиг утказын дамчыштыр уругларныӊ амыдыралче бот-тускайлаӊ медерелдиг көрүжүн болгаш уран чүүлге сонуургалын оттурары. 2) Өөреникчилерниӊ сөс курлавырын байыдып, боданыр чоруун сайзырадыр.
Кижизидилгелиг: 1) Аваларынга ынак, оларны хүндүлээр чоруун, хамааты бот медерели бедик кижилер кылдыр кижизидери.
Бүгү талалыг өөредилгениӊ ажыл-чорудулгазын боттандырары (БТӨА азы УУД):
Бот-тускайлаң түңнелдер: Өѳредилге үезинде чедиишкиннерин билип алыры: бодун анализтээри болгаш бодун боду хынаныры. Эштери болгаш башкызы-биле ажылдап, харылзажып билири. Берге болгаш нарын байдалдардан үнүп билирин сайзырадыры. Кичээлдиң темазын тодарадырда ,билир билиглеринге даяныры. Эки чүве күзээри, хүндүткелдиг болуру, долгандыр турар кижилерге кичээнгейлиг болуру.
Метапредметтиг: бодунуң туружун, үзел-бодалын илередип, камгалап билир; орус дылдан сөстерни тыва дылче очулдуруп билири.
Харылзажылганыӊ (коммуникативтиг): эжин дыңнап билири, диалог тургузары. Эштери болгаш башкы-биле харылзаа тудуп билири. Бодунуң туружун тайылбырлап, шынзыдып шыдаары. Аас чугаазынга сѳс-домаан шын тургузары. Бѳлүк болгаш эжеш ажыл үезинде ажыл-херек тудуп билири, медээлер тывары.
Регулятивтиг (башкарылгалыг): ѳѳредилге ажылының үезинде ѳѳредилгениң сорулгазын, айтырыын шын хүлээри. Бодунуң ажылын планнап, хайгаарап, үнелеп шыдаары.
Билип алырының (угаап шиңгээдир): номда медээлер-биле ажылдап билири. Номдан билип, хайгаарап кѳргени билиглерин түңнеп билири. Сайгарылгалыг угаап-боданыышкынын сайзырадыры. Дилеп-тыварының айтырыгларын шиитпирлээри. ИКТ-биле ажылдаары.
Предметтиг түңнелдери: төрээн чогаалга өөренген бүгү теориялыг билиглерин, чогаалдарныӊ дылыныӊ уран-чурумалдыг аргаларын ханы сайгарып билир.
Ажыглаар арга, методтар: хайгаарал, беседа, ном-биле ажыл, бот-ажыл, дилеп-тыварыныӊ, деӊнелге, аянныг номчулга.
Ажыглаан технологиялар: медээ-харылзажылга, төлевилел болгаш шинчилээриниӊ технологиялары.
Кичээлге ажылдаарыныӊ хевирлери: бот-тускайлаӊ, бөлүктер-биле.
Даянган принциптер: ѳѳредиглииниң, медерелдииниң, кѳргүзүглүүнүң, дес-дараалашкааның.
Дерилгези: номнар, ноутбук, презентация, фонограммалар, чуруктар, бот-шүгүмчүлел демдеглээр саазыннар, ава дугайында үлегер домактар, чогаалчыларныӊ хөрек чуруктары, кроссворд, таблица.
Кичээлдиң чорудуу:
Предварительный просмотр:
Кичээлдиң технологтуг картазы
Эртеми, клазы, башкызы | төрээн чогаал, 5 класс, Монгуш С.А. Эрттирер ай, хүнү: _________________ |
Темазы | Олег Сувакпит «Аът чарыжы» |
Кичээлдиӊ хевири | чаа тема тайылбырлаарының кичээли |
Сорулгалары | 1. Чечен чугааның авторунуң дугайында кыска медеглелди сонуургатпышаан, чогаалдың кол утказын, уран-чеченин сайгарып өөренири. 2.Уран чугаа болгаш аас, бижимел чугаа сайзырадылгазын чорудары. 3.Тыва кижиниң аътка ынак болгаш ону азыраарынга, сонуургаар чоруунга уругларны кижизидер. |
Технологиялар | Кадыкшыл камнаар, медээ-харылзаалыг, оюннар |
Ажыглаан арга, методтар | Хайгаарал, беседа, башкыныӊ сөзү, бот ажыл; Инсет, дедукция (чижектерден түӊнелче), чогаадыкчы онаалгалар, тест |
Өске эртемнер-биле харылзаазы | Информатика, тыва улустуӊ аас чогаалы, улусчу ужурлар |
Кичээлге ажылдыӊ хевирлери | Шупту, бөлүктеп эжи-биле, бот хуузунда |
Дерилгези | Карточкалар, саазындан самолётчугаштар, аътчыгаштар, проектор, экран, презентация, чогаалчыныӊ портреди, номнары, кажыктар |
Бүгү талалыг өөредилгениӊ ажыл-чорудулгазын боттандырары | Бот хуузунда чедип алыр түӊнелдер: өөредилге ажыл-чорудулгазынга эки хамаарылгалыг, сонуургалдыг; мөзүлүг бүдүштү, найыралды үнелээр чорукту хевирлээри; бодунуӊ кылган ажыл-чорудулгазыныӊ түӊнелин үнелеп билири. Эртем талазы-биле: чогаалдыӊ дылын ханы сайгарып билир; аас болгаш бижимел чугаазы сайзыраӊгай, чугааныӊ байдалынга дүүштүр бодалдарын тода илередип шыдаар арга-шинээн тодарадыр; өөредилгениӊ сорулгаларын салып билирин чедип алыр. Метапредметтиг: чогаал сайгарылгазын улустуӊ аас чогаалы, өске эртемнер-биле сырый харылзаалыын тодарадып, бүгү эртемнерни чергелештир өөренир арга, мергежилдерни чедип алыр. Билиглерни шиӊгээдириниӊ талазы-биле: салдынган айтырыгныӊ утказын шын медереп билип, аӊаа дүүшкен шын харыыны аас-биле тургузуп билири, салдынган сорулганы шиитпирлээриниӊ аӊгы-аӊгы аргалары турар деп чүвеге өөренип алыры; номдан херек медээни тып билири. Харылзажылганыӊ: чугаалажып турар кижизин дыӊнап билири; кижилер-биле харылзажып тургаш, хүндүткелдиӊ дүрүмнерин ажыглап, харылзажып турар кижизинге билдингир кылдыр чугааны шын тургузуп билиринге чаӊчыктырар. |
Кичээлдиӊ чорудуу:
Кичээлдиӊ кезектери, чижек үези | Башкыныӊ ажыл-чорудулгазы | Өөреникчиниӊ ажыл-чорудулгазы | ||||||||||||
| (Өөреникчилер-биле мендилежир, кичээлге белеткелин көөр). - Экии, уруглар! Олуруп алыӊар! (Оожум аялганы салыптар) - Карактарыӊар шийип алыӊар. Чуртталгаӊарда кажан-бир шагда болган бир-ле солун, каттырынчыг, хөглүг чүүлдү сактып келиӊер. Ол сактып келген солун чүүлүӊер силерниӊ сагыш-сеткилиӊер өөртүп, хөгледипкен. Хүлүмзүрүг арныӊарны долуп келген. Ам карактарыӊеарны ажыдыӊар. Ол хүлүмзүрүүӊер чаныӊарда орар эштериӊерге сөӊнеп шаӊнаӊар. Эжиӊерге база хөглүг апарган. Ынчангаш бо кичээливисти ол-ла хөглүг байдалывыс-биле эгелээлиӊер. Кичээлде идепкейжи ажылдаар боор деп силерге идегедим. | Кандыг-бир медээни хүлээп алырынга бодун база өөредилгеге эргежок чугула дериг-херекселин белеткээр. Башкы-биле мендилежир, башкыныӊ удуртулгазы-биле кылыр дээн чүүлдерин деӊге күүседир. | ||||||||||||
| - Эрткен кичээлде чүнү өөренген ийик бис, уруглар? - Ам кыдырааштарыӊар удур-дедир солчуп, онаалганы кылганыӊарны хынажып, демдектен салыӊар. Онаалганы кылырынга кандыг бергедээшкиннер турду? Билбейн барган айтырыгларыӊар бар болза, кичээлдер соонда менче чедип кээр силер. | Башкыныӊ айтырыгларынга тода билдингир харыылаар. Кыдырааштарын солчуп, онаалгаларын хынажып, демдек салыр. | ||||||||||||
| - Тыва кижиниӊ өдээнде кандыг азырал дириг амытаннар барыл? - Азырал амытаннар деп бодаптарыӊарга, силерниӊ бажыӊарга кандыг бодалдар тыптып кээр-дир? - Азырал дириг амытаннар ажыктыг бе? Чүге? | Уругларныӊ тода харыылары. | ||||||||||||
(4 мин.) | Оюн «Самолёт» -Ам «Самолёт» деп оюндан ойнаптаалыӊарам. Мен силерже самолёттарны ужудуптарымга, ол самолётту туткан кижи ында айтырыгны ыыткыр номчааш, харыылаар. Оюннуӊ айтырыглары:
Берт черни берт-межел дивес – бедик мербегейлиг. Чүл ол?
- Эр хейлер! Ынчап кээрге, бөгүн чүнүн дугайында өөренир-дир бис? - Шын-дыр, аът, аът чарыжыныӊ дугайында чогаалчы Олег Сувакпиттиӊ «Аът чарыжы» деп чечен чугаазын өөренир бис. - Кыдырааштарыӊарга бөгүнгү ай-хүннү, өөренир теманы бижиӊер. - Бо кичээлде чечен чугааны номчуп, сайгаргаш, чүнү билип алыр ужурлуг бис? Кандыг сорулганы чедип алыр бис? Бодуӊарга кандыг сорулга салып алыр силер? Кандыг демдек алыксап тур силер? Демдеглеп алыӊар. Кичээл төнчүзүнде түӊнел үндүрер силер. | Самолётту тудуп, ында айтырыгга тода харыылаар. Аът чарыжын көрген азы чарыш аъдын мунган кижи бар болза, кысказы-биле тайылбырлаар. Номнарын ажыдар. Ай-хүннү, теманы бижиир. Өөреникчи бүрүзү чедип алыр ужурлуг сорулгазын тодарадып,кыдырааштарынга бижип алыр. | ||||||||||||
|
- Уруглар, силер чогаалчы Олег Сувакпит-биле таныш силер бе? Ооӊ кандыг чогаалдарын номчаан силер? Херек медээлерни бодуӊарга демдеглеп, бижип алыр силер (Слайдыларда чогаалчыныӊ дугайында медээ-биле таныштырар. Чуруун, номнарын база төрүттүнген черин Тываныӊ картазындан көргүзер). - 4 класска чогаалчыныӊ «Хаважыгаш» биле «Хуулгаазын кажыктарым» деп чогаалдарын өөренген силер. Шүлүктерде чүнүн дугайында бижип турар ийик? Кым сактып келир? - Чогаалчы бичии уругларга дыка хөй чогаалдарны бижээн. Дылы уран-чечен, билдингир чогаалчы болуп турар. - Тыва эр кижи 3 оюннуг дээр, уруглар. Ол кандыг оюннар ийик? - Аът чарыштырар, ча адар, хүрежир. Ынчангаш бир оюну, аът чарыжыныӊ дугайында көрээлиӊер. 2. Сөзүглел-биле ажыл. (Сөзүглелди инсерт аргазы-биле номчудар. Баштай башкы, оон өөреникчилер аянныг кылдыр херек чүүлдерни абзацтап номчуур). - Чүнүн дугайында номчудувус? 3. Словарьлыг ажыл. Девиржип турган аът – ушта чүткүп турар аът. Муӊгаш-дын – чүген дыны. Аът соодар – чүгүрүк аътты чарышка белеткээри. Үзүүргедир – маӊын үндүр мунар. - Бо сөстерниӊ шын бижилгезинче көрүӊер. Кандыг берге дүрүмнер бар-дыр, тайылбырлаӊар. | Уруглар боттарыныӊ бодап турары-биле харыылаар. Слайдыларны эдерти көөр, ушта бижилгени кыдыраажынга кылыр. Мурнунда чылдарда өөренген чогаалдарын сактып, айтырыгларга харыылаар. Уругларныӊ харыылары. Сөстерниӊ шын бижилгезинче хайгаарал салыр. Шын бижилге дүрүмнерин тайылбырлаар. | ||||||||||||
быжыглаашкын (8 мин.) | 1. Айтырыгларга харыы: - Тоожукчу маадыр ынчан каш харлыг турган-дыр? - Кол маадыр кымыл? Ооӊ аът мунары кандыг турган-дыр? - Чүгүрүк-Караны мунар аас-кежик оолга канчап келген-дир? - Чарышка каш аът киришкен-дир? - Чаржып үнерде, Эрес кымныӊ кандыг сүмезин кол деп санаан-дыр? - Эрести чүге «чолу чогувас оол» деп турганыл? Ол кандыг оол-дур? - Силерниӊ араӊарда Эреске дөмей болуксаар улус бар бе? - Силерде аът бар бе? Мунган силер бе? - Аът дугайында чогаалдар номчаан силер бе? Кинофильмнер көрген силер бе? - Тыва улустуӊ аас чогаалындан аът дугайында тоол номчаан силер бе? (Өөреникчилерниӊ адаан тоолдарыныӊ дугайында ылавылап айтырар). - Бо чогаалда Эрестиӊ чарыш аъды мунар күзели күштүг болгаш бүде берген. Күзелди бүдүрер деп бодаар болза, эки бүзүрээр, идегээр болза эки. - Орус литературада Александр Гринниӊ «Алые паруса» деп чогаалында бичии Ассоль деп маадыр бар. Уругнуӊ авазы чок апарган. Ол далай кыдыынга чүгле ачазы-биле чурттап турган. Бир хүн Ассоль аргага кылып каан ойнаар бичии ак-кызыл өӊнүг чалгынныг хеме тудуп алган турда, ону тоолчу Эгль көрүп кааш, сеӊээ шак-ла ындыг хемеге хаанныӊ оглу чедип кээр деп чугаалаан. Ассоль аӊаа бүзүреп, хүнүн-не далай кыдыынче барып, манап эгелээн. Өске улус уругну кочулап турганнар. А Ассольдуӊ күзели улуг болгаш, бүзүрелин ышкынмаан. Бир хүн, шынап-ла, ак-кызыл чалгынныг хемеге бай өг-бүлениӊ салгакчызы Артур Грэй чедип кээр. Ассольдуӊ күзели ынчаар бүткен. Түӊнел: Бүзүрээр, идегээр болза, кандыг-даа күзел бүде бээр.
- Уруглар деӊнелгелерни, оолдар эпитеттерни кыдыраашка ушта бижиир силер. Деӊнелгелер: акым сагыш човаан дег, дагдан баткан дукпурту дег, хартыга дег. Эпитеттер: чиик бичии кижи, «чолу чогувас оол», шилги аът, шилгедек, бедик сынныг кара аът, чок дээн чүгүрүк аът, көк шык… -Бөлүк бүрүзүнден 1-1 кижи уран-чечен аргаларны номчуптар. - Бо уран-чечен аргаларны чогаалчы чүге ажыглааныл? | Уругларныӊ тода харыылары. Уруглар деӊнелгелерни, оолдар эпитеттер ушта бижиир. Ушта бижээн чижектерин номчуур, эштериниӊ чижектерин база бодунче бижиир. Уругларныӊ харыылары. | ||||||||||||
| Сула шимчээшкин «Декей-оо» (Аът мунукчузунуӊ шимчээшкиннерин көргүзер) | Башкызы-биле деӊге шимчээшкиннерни кылыр. | ||||||||||||
(8 мин.) | - Аъттарны чылдыӊ кайы үезинде чарыштырарыл? - Чогаалдыӊ бижиттинген үезинде аът чарыжы Чөөн-Хемчиктиӊ Бора-Булак ховузунга болуп Турган. Амгы үеде ында аът чарыжынга тураскаадып, тураскаал кылган. Чуруу бо-дур. (Слайдыга Тываныӊ картазындан Чөөн-Хемчик кожуунун база тураскаалдыӊ чуруун көргүзер). - Аъттыӊ кандыг өӊ-чүзүннерин билир силер? - Аът кандыг-кандыг чоруктарлыг болурул?
2. Оюн «Кым эӊ тывынгырыл?» (классты 3 бөлүкке чарар) - Кым эӊ тывынгыр эвес. 1-ги бөлүк аъттыӊ шола аттарын, 2-ги бөлүк аъттыӊ дериг-херекселдериниӊ аттарын, 3-кү бөлүк аъттыӊ аажы-чаӊын, чоруктарын бижиир силер. (Шола аттарынга бергедежи бээр болза, башкы белен карточкаларны чедир бижиир кылдыр ап бээр). 3. Кажык-биле «аът чарыжы» (Башкы уругларга канчаар чарыштырарыныӊ дүрүмнерин көргүзүп бээр). | Уругларныӊ тода харыылары. 1-ги бөлүк аъттыӊ шола аттарын бижиир. 2-ги бөлүк аъттыӊ дериг-херекселдериниӊ аттарын бижиир. 3-кү бөлүк аъттыӊ аажы-чаӊын, чоруктарын бижиир. Бөлүктер аразында чаржып, эштерин мурнаарын оралдажыр. | ||||||||||||
| Айтырыглар: - Кичээлдиӊ темазын кайы хире билип алдыӊар? - Кичээлге чунчу билип алдыӊар? - Бо кичээл эгезинде салган сорулгаӊар чедип алдыӊар бе? «Рефлексиялыг экран» - Бөгүн меӊээ солун болган чүүл … - Мен моон соӊгаар … | Башкыныӊ айтырыгларынга тодаргай харыыны бээр. | ||||||||||||
| - Силерниӊ бодалыӊар-биле кымнар бо кичээлде дыка эки ажылдады ышкаш? - Мындыг бадыткал бижиктер белеткеп алган мен. Ону кымнарга бээр бис? - Кичээл эгезинде ажылдап алыксаан демдээӊер бижип алган силер, ам боттарыӊарга үнелелден берип, демдектен салыӊар. - Онаалга. А) Тываныӊ ыдыы болур сүлде демдээнде аъттыӊ чуруун чүге киирген деп бодаар силер? Ону тайылбырлаар. Ооӊ дугайында төлевилел кылыр. Б) Аът дугайында үлегер домактар бижип алыр. | Боттарыныӊ ажылдаанын үнелеп, демдектерни алыр. Онаалгаларны дневниктеринге бижиир. |
По теме: методические разработки, презентации и конспекты
План работы МО учителей на 2021-2022 учебный год, 2022-2023 учебный год, 2023-2024 учебный год
План работы МО...
Эссе на конкурс "Профессиональное мастерство педагогических работников образовательных организаций ЗАТО Александровск - 2023". Номинация "Дебют года 2023"
Эссе на конкурс "Профессиональное мастерство педагогических работников образовательных организаций ЗАТО Александровск - 2023". Номинация "Дебют года 2023"...
ПРИКАЗ От 03.02.2023 года № 07 - 0 Об итогах районного этапа регионального литературно-художественного конкурса "Проба пера - 2023"
ПРИКАЗ От 03.02.2023 года № 07 - 0 Об итогах районного этапа регионального литературно-художественного конкурса "Проба пера - 2023"...
27.02.2023 -18.03.2023 г.г. Диплом I степени "Педагоги России"
Всероссийский конкурс работников образования "Педагоги России 2023" . «Мастер – класс» Цель: создание условий для...
06.04.2023 Г. - 08.04.2023 Г. РАБОТА ЭКСПЕРТОМ ПО ПРОВЕРКЕ ВПР - ГЕОГРАФИЯ
Проведено три экпертизы....
ПРИКАЗ № 162 - О от 29.08.2023 года О проведении школьного этапа Всероссийской олимпиады школьников в Велижском районе в 2023-2024 учебном году
ПРИКАЗ № 162 - О от 29.08.2023 года О проведении школьного этапа Всероссийской олимпиады школьников в Велижском районе в 2023-2024 учебном...