Еджак1уэхэм зезыгъэужь джэгук1эхэмрэ творческэ лэжьыгъэхэмрэ адыгэбзэ урокхэм къызэрыщагъэсэбэпыр
методическая разработка (8 класс)
Еджак1уэхэм зезыгъэужь джэгук1эхэмрэ творческэ лэжьыгъэхэмрэ адыгэбзэ урокхэм къызэрыщагъэсэбэпыр
Скачать:
Предварительный просмотр:
Тема «Использование развивающих игр
и творческих заданий на уроках кабардинского языка»
Еджак1уэхэм зезыгъэужь джэгук1эхэмрэ
творческэ лэжьыгъэхэмрэ адыгэбзэ
урокхэм къызэрыщагъэсэбэпыр.
Егъэджак1уэм: Фи махуэ ф1ыуэ!
ЦIыкIухэ, сыт щыфлъагъурэ мы слайдым?
(3-нэ слайд.)
Нобэ мы ди лэжьыгъэм ирихьэл1эу фэ фи жэрдэмк1э вгъэхьэзыращ тхылъ ц1ык1у,вагъуэхэм теухуауэ. Ар щывгъэхьэзырым къэфщ1ауэ, е фщ1эуэ щытауэ, е дызэджа тхыгъэхэм фыщрихьэл1ауэ сыт хуэдэ вагъуэхэр фщ1эрэ?
Вагъуэхэм я щытып1эр, щытык1эр адыгэхэм къызэрагъэсэбэпу щытахэм щыщу сытым фыщыгъуазэ?
Сэри ,ц1ык1ухэ, фхуэзгъэхьэзыращ вагъуэ.
Джэгу-зэпеуэм щ1эддзэн ипэ къихуэу, гуп къэс зы еджак1уэ доскам ф1элъ вагъуэхэм щыщ зырыз къыф1эфх. (Доскам ф1элъщ вагъуих, тетхахэр умылъагъуу. Абы тетхэр гупхэм я ф1эщыгъэц1эхэрщ: Вагъуэкъан, Нэхущвагъуэ, Вагъуэзэшибл, Вагъуэгущэ, Вагъуэк1апсэ, Вагъуэбэ. Вагъуэ зырыз къыф1ахри къызэтоувы1эхэ.) Вагъуэхэм тетхэм фыкъеджэт. (Къоджэ къалъысахэм. Егъэджак1уам гуп къэс ст1олым трагъэувэну ф1эщыгъэц1эхэр ярет. Псори мэт1ысыж.)
Егъэджак1уэм:
Зыдогъэц1ыху нобэрей гупхэм ф1эщыгъэц1э яхуэхъуахэм я теплъэхэмрэ урысыбзэк1э зэреджэхэмрэ.
(Слайдхэр: 4, 5, 6, 7, 8,9)
Джэгу-зэпеуэр 1ыхьитхуу зэхэтщ. (10-нэ слайд.)
- 1. «Пк1эгъуитху».
- 2. «Насыпырыхь».
- 3. Псалъэ зэблэдзахэр.
- 4. Лейр къащ1э.
- 5. Адыгэбзэр адыгэбзэк1э зэдзэк1.
«Iуэху мыублэ блэ хэсщ», - жи1ащ пасэрейм. Дублэнщ ди зэпеуэр дыщымышынэу блэмик1.
1. Щ1эддзэнщ акъылыр зэрагъэлажьэ джэгук1эк1э. Абы зэреджэр «Пк1эгъуитхущ». (11-нэ слайдым тетщ: япэ пк1эгъуэм къэпщ1эн хуей псалъэм и мыхьэнэр жыжьэу къыщрегъажьэ. 2-нэм зы т1эк1унит1эк1э нэхъ гъунэгъу ухуещ1. 3-нэм а т1эк1унит1эм аргуэру т1эк1у хохъуэ. 4-нэр нэхъ гъунэгъужу бгъэдохьэ. 5-нэр гъунэгъу дыдэ хуохъу.) Нэхъ псынщ1эу къэпщ1эху, уи к1эныр нэхъыбэ и уасэщ – 1-5, 2-4, 3-3, 4-3, 5-1.)
12-нэ слайдым тетщ:
- Ар – псалъэухам и пкъыгъуэщ. (Егъэджак1уэр къоджэ, еджак1уэхэр мэгупсысэ.)
Еджак1уэ гуэрым: Абык1э къыпхуэщ1энукъым, псалъэухам и пкъыгъуэхэр 5 мэхъу.
- Ар – псалъэухам и пкъыгъуэ нэхъыщхьэкъым.
Еджак1уэ гуэрым: Иджыри къыпхуэщ1энукъым, псалъэухам и пкъыгъуэ нэхъыщхьэхэр 2, пкъыгъуэ ет1уанэхэр – 3 мэхъу.
- Ар – сказуемэм епхауэ къок1уэ.
Еджак1уэ гуэрым: Иджыри жэуап пэж пхуетынукъым – сказуемэм епхауэ къок1уэ подлежащэм нэмыщ1к1э пкъыгъуэ ет1уанэхэм щыщу дополненэмрэ обстоятельствэмрэ.
- Ар – л1эужьыгъуэ зыбжанэу еугуэш.
Еджак1уэ гуэрым: Иджы гуры1уэгъуэ хъуащ, сыт щхьэк1э жып1эмэ дополненэр гупит1 къудейуэщ зэригуэшыр: прямойрэ косвеннэу. Л1эужьыгъуэ зыбжанэ хъур обстоятельствэрщ.
Егъэджак1уэм: Тэмэмщ. Пк1эгъуипл1ым и к1уэц1к1э жэуапыр къэфщ1ащ. Ар баллит1ым хуок1уэ. Етхуанэми деплъынщ, жэуапыр къэфщ1амик1.
- Ар – дауэ? дапщэщ? дэнэ? сыт щхьэк1э? упщ1эхэм жэуап хуохъу. (Еджак1уэ къегъэджамэ, нэхъыф1щ.)
Егъэджак1уэм: Упщ1э псори къыщыхьауэ п1эрэ мыбдеж? Къэтхэр хэт къыджи1эн?
Еджак1уэ гуэрым: сыт лъандэрэ? сыт пщ1ондэ? сыт щыгъуэ? дэнэ деж? дэнэк1э? сытым къыхэк1к1э? сыт мурадк1э? н.
Егъэджак1уэм: Жыт1ахэм ипкъ итк1э , тхужы1эну п1эрэ нобэ ди урокыр зытеухуар?
(Жэуапыр – обстоятельствэ – къытредзэ и к1э дыдэм деж.)
Егъэджак1уэм: Адэк1э ди лэжьыгъэхэр обстоятельствэм епхауэ щытынущ, а темэр къызэщ1эзыкъуэж щытык1э я1эу.
«Насыпырыхь» зыф1этща зэпеуэм щ1ыдодзэ. Упщ1эхэр 9 мэхъу. Гупхэм чэзууэ езыхэр зыхуей упщ1эр (бжыгъэр) къыхах, упщ1эм сэ сыкъоджэ, фэ жэуап ивот. (13-нэ слайд.)
(Псори слайдхэм тетщ. Ебланэ упщ1эр къызэрызэ1уахыу егъэджак1уэм же1э ар къызэ1узыха еджак1уэхэм я насып къызэрик1ар – зыми хэмыту баллит1 къахь. Адэк1э: адыгэхэм блым теухуауэ жа1эр, я1эр къэщ1эн хуейщ – ар гупым я унэ лэжьыгъэщ.
9-нэ упщ1эр иужь дыдэ къызэ1уахмэ, нэхъыф1щ.)
Егъэджак1уэм: 60 гъэхэм Къэрэшей-Шэрджэсым щаухуауэ щыта телескопыр дунейпсом илъэс пщык1уийк1э щынэхъ ину щытащ, иужьк1э США-м щаухуащ абы нэхърэ нэхъ иныж. Телескопым теухуауэ ущеджэ хъунущ слайдым тет сайтым и адресымк1э. (23-нэ слайд.)
Егъэджак1уэм: 3-нэ лэжьыгъэм дынэсащ. Абы зэреджэр «Лейр хэгъэк1». (24-нэ слайд. Щэхуу макъамэ къоуэ.)
Зым къигъуэтар ет1уанэ гупым жи1э хъунукъым.
Лейуэ хэбгъэк1 хъунухэр, щ1эхъунур.
- Нэхущвагъуэр лейщ, ар планетэщ, адрейхэр вагъуэ гупщ.
- Нэхущвагъуэр лейщ, ар «вагъуэ» псалъэ 1ыхьэмк1э еух, адрейхэр абык1э къыщ1едзэ.
- Нэхущвагъуэр лейщ, ар Н-к1э къыщ1едзэ, адрейхэр В-к1эщ къызэрыщ1идзэр.
- Нэхущвагъуэр лейщ, алфавитк1э ар адрей щым и ужьк1эщ къыщык1уэнур.
- Вагъуэбэр лейщ, ар пычыгъуищщ зэрыхъур, адрейхэр пл1ы мэхъу.
- Вагъуэбэр лейщ, абык1э адыгэхэм гъэм и зэманхэр ягъэбелджылыт, адрейхэмк1э ягъэбелджылытэкъым.
- Вагъуэбэр лейщ, абы хэт хьэрф дэк1уашэ псоми я макъыр жьгъыжьгъщ, адрейхэр апхуэдэкъым – дэгуи жьгъыжьгъи хэтщ.
- Вагъуэзэшиблыр лейщ, ар хьэрф дэк1уашэк1э еух, адрейхэр хьэрфзешэщ зэриухыр.
- Вагъуэзэшиблыр лейщ, абы ударенэр иужь ит пычыгъуэм щытохуэ, адрейхэм иужь ит пычыгъуэм ипэ къихуэм тохуэ.
- Вагъуэзэшиблыр лейщ, абы и зы пычыгъуэр хьэрфипл1 мэхъу, адрейхэм хэт пычыгъуэхэр хьэрф т1урытщ зэрыхъур.
- Вагъуэзэшиблыр лейщ, а зыращ бжыгъэц1э зыхэтыр, адрейхэм хэткъым.
- …
Егъэджак1уэм: 4-нэ лэжьыгъэм дыкъэсащ. Мыхэр т1у мэхъу, ауэ дгъэзэщ1энур зыщ. Ет1уанэр хьэщ1эхэм ейщ. Жэуапыр нэхъапэ къэзытыр – ток1уэ.
Псалъэ зэблэдзахэм – е палиндромхэм – урик1уэуи укърик1уэжуи укъеджэ мэхъу, къарык1ыр зэтемыхуэу. Доплъ япэ палиндромым. (25-нэ слайд.)
1а. Дыгъэм и плъыфэ, дыщафэ.
1б. Жьэпкъ щ1агъ къыздек1уэк1ыр.
Жэуапыр: гъуэжь – жьэгъу.
Егъэджак1уэм: Жэуапит1ым языр обстоятельствэу хэту псалъэуха зырыз фотх.
(Еджак1уэхэм псалъэуха зырыз ятх, зыбжанэ къоджэж. Обстоятельствэр къагъуэт, я мыхьэнэ елъытак1э сыт хуэдэ л1эужьыгъуэми жэ1э, обстоятельствэу къэк1уар сыт хуэдэ псалъэ лъэпкъыгъуэми жы1эн .)
Егъэджак1уэм: Дынэсащ и к1эм. (26-нэ слайд.) «Адыгэбзэр адыгэбзэк1э зэдзэк1» - ар дауэ?
Слайдым тет псалъэухам щыгъэпщк1уащ псалъэжь, псалъэжьым хэт псалъэ псори синонимк1э е къезэгъ жы1эк1эк1э зэхъуэк1ауэ. Сыт хуэдэ псалъэжьу п1эрэ щыгъэпщк1уар псалъэухам?
- Лэжьыгъэ зыщ1умыдзам хьэпщхупщ псыгъуэ к1ыхь гуэрым т1ысып1э щищ1ащ.
Жэуапыр: Iуэху мыублэ блэ хэсщ.
Егъэджак1уэм: Пэ зи1эм к1эи и1эщ. Iуэху мыублэ блэ хэсщ – жыт1эри къыщ1эддзати, абык1и духащ.
Къэфхьа вагъуэ бжыгъэхэр фыбжыжмэ, тек1уар занщ1эу нахуэ хъунущ.
Егъэджак1уэм: Нобэрей дерсым зи гугъу щытщ1а вагъуэхэр уэгум исхэщ. Уеплъ пэтми зумыгъэнщ1у уатхьэкъу абыхэм.
Апхуэдэу вагъуэ нур дахэр къащхьэщех"Лъэпкъым и вагъуэхэр" зыф1этща слайдым къыщыгъэлъэгъуахэм(27-нэ слайд).
Хэт сымэ хъуну мыхэр?
Фэ ц1ык1ухэр абыхэм фехъуапсэу фадэплъейуэ, зэгуэр ди лъэпкъым и вагъуэу фылыдыну сывохъуэхъур.
Предварительный просмотр:
Подписи к слайдам:
Мурад нэхъыщхьэр: еджак I уэхэр дэзыхьэх I эмал гъэщ I эгъуэнхэр, джэгук I эхэр къэбгъэсэбэпурэ я творческэ гупсысэк I эм, зэф I эк1хэм зегъэужьын.
Вагъуэкъан Юпитер
Нэхущвагъуэ Венера
Вагъуэзэшибл Большая Медведица
Вагъуэгущэ Кассиопея
Вагъуэк I апсэ Андромеда
Вагъуэбэ Телец
Теуэгъуэхэр 1. «Пк I эгъуитху». 2. «Насыпырыхь». 3. Псалъэ зэблэдзахэр. 4. Лейр къащ I э. 5. Адыгэбзэр адыгэбзэк I э зэдзэк I .
Джэгук I эм и хабзэр: япэ пк I эгъуэм къэпщ I эн хуей псалъэм и мыхьэнэр жыжьэу къыщрегъажьэ; 2-нэм зы т I эк I унит I эк I э нэхъ гъунэгъу ухуещ I ; 3-нэм а т I эк I унит I эм аргуэру т I эк I у хохъуэ; 4-нэр нэхъ гъунэгъужу бгъэдохьэ; 5-нэр гъунэгъу дыдэ хуохъу. Нэхъ псынщ I эу къэпщ I эху, уи к I эныр нэхъыбэ и уасэщ – 1-5, 2-4, 3-3, 4-2, 5-1. Пк I эгъуитху
Ар – псалъэухам и пкъыгъуэщ . (б.5) Ар – псалъэухам и пкъыгъуэ нэхъыщхьэкъым. (б.4) Ар – нэхъыбэм сказуемэм епхауэ къок I уэ. (б.3) Ар – л I эужьыгъуэ зыбжанэу еугуэш. (б.2) Ар – дауэ? дапщэщ? дэнэ? сыт щхьэк1э? упщ I эхэм жэуап хуохъу. (1б.)
1 2 3 4 5 6 7 8 9 "2 насыпырыхь" 2
1 Обстоятельствэхэр дауэ иугуэшрэ я мыхьэнэ елъытак I э? Обстоятельствэхэр я мыхьэнэ елъытак I э егуэш: щ I ып1э, зэман, щхьэусыгъуэ, мурад, лэжьыгъэм и къэхъук I э обстоятельствэхэр.
Гъэмахуэ жэщыкум Вагъуэбэр къуэк I ып I эмк I э къыщоблэ. 2 Жэщыкум – сытым щыгъуэ? Зэман обстоятельствэ Къуэк I ып I эмк I э – дэнэк I э? Щ I ып I э обстоятельствэ
Гъатхэм Вагъуэбэр щ1ым къыхэк1ырт, щ1ымахуэм хыхьэжырт. 3 Гъатхэм - дапщэщ? Зэман обстоятельствэщ Щ1ымахуэм - дапщэщ? Зэман обстоятельствэщ
Вагъуэк I апсэр 10-нэ л I эщ I ыгъуэ лъандэрэ ф I ыуэ яц I ыху вагъуэ гупщ. 4 10-нэ л I эщ I ыгъуэ лъандэрэ – сыт лъандэрэ? Зэман обстоятельствэщ Ф I ыуэ – дауэ? Лэжьыгъэм и къэхъук I э обстоятельствэщ
Ищхъэрэ Вагъуэр, Вагъуэзэши-блыр, Шыхулъагъуэр адыгэхэм сыт щыгъуи гъуазэу я I ащ. 5 Сыт щыгъуи – дапщэщ? Зэман обстоятельствэщ
Вагъуэкъаныр зэрыжыжьэ дыдэм къыхэк I к I э щ I ым щы I э телескопхэмк I э ядж. 6 Зэрыжыжьэ дыдэм къыхэк I к I э – сытым къыхэк I к I э? Щхьэусыгъуэ обстоятельствэщ
7 Пасэм щак I уэхэмрэ зауэл I хэмрэ здаунэт I а щ I ып I эр вагъуэхэмк I э мыгъуащэу къагъуэтырт. Пасэм – дапщэщ? Зэман обстоятельствэщ Мыгъуащэу- дауэ?Лэжьыгъэм и къэхъук I э обстоятельствэщ.
8 Сыт хуэдэ псалъэ лъэпкъыгъуэхэр обстоятельствэу къак I уэрэ? Обстоятельствэу къок I уэ: наречиер, эргативнэ, послеложнэ падежхэм ит щы I эц I эр, щы I эц I эм послелог и гъусэу, ц I эпапщ I эхэр, деепричастиер, деепричастнэ оборотыр, инфинитивыр.
9 Вагъуэгущэм, Вагъуэбэм, Вагъуэзэшиблым телескопк I э деплъыну Къэрэшей-Шэрджэсым дык I уащ. Деплъыну – сыт мурадк I э? Мурад обстоятельствэ Къэрэшей-Шэрджэсым – дэнэ? Щ I ып I э обстоятельствэ
Европэми Азиеми щы I э телескопхэм я нэхъ иныр Къэрэшей-Шэрджэсым 1960 гъэхэм щаухуащ. https://ru.wikipedia.org/wiki/ Специальная_астрофизическая_обсерватория_РАН
3. Лейр хэгъэк I . Вагъуэгущэ Вагъуэзэшибл Нэхущвагъуэ Вагъуэбэ
4. Псалъэ зэблэдзахэр. (Палиндром * бар – раб.) гъуэжь - жьэгъу 1а Дыгъэм и плъыфэ, дыщафэ. 1б Жьэпкъ щ I агъ къыздек I уэк I ыр.
5. Адыгэбзэр адыгэбзэк I э зэдзэк I . Лэжьыгъэ зыщ I умыдзам хьэпщхупщ псыгъуэ к I ыхь гуэрым т I ысып I э щищ I ащ. I уэху мыублэ блэ хэсщ.
Лъэпкъым и вагъуэхэр