Внеклассное мероприятие "Мордовские посиделки"
материал (7 класс) на тему

МБОУ»Мордовско-Полянская СОШ»

Мордовские

посиделки

Тонафтысь:Моисеева Людмила Михайловна

Вход под мордовскую музыку. Дети одеты в национальные

костюмы. Они садятся на скамейки по 4-5 человек.

Входят ведущие, дети и учителя.

1 учитель:  Шумбратада ялгат! Тячи минь мархтонт ётафттама

велень посиделкат.   Лятфтасаськ,кода мокшень ломаттне ваймосесть работада меле.

1 ученик:  Ульцява вов гармония пиди

И морось песта пес лийкстай

А садса панчфне ловнякс пяярихть,

Шинь стяма вармась кожф уфай.

Эх,кода кельгса шачем ширезень

Лугатнень,шяйхнень,паксянь пульть!

Сей одста яксень,котьфти иредезь,

Кядь песа каннень,розень пулфт,

2 уч.  И велеса и вирьса,паксяса

Тевсь сембе вастса учсемазь.

Ки няфнесь знамясь мазы пацяса

Эрь мезне сяскикс лихнемазь.

И сянкса тяни мяльс пяк тушенди:

Кинь пяли аньцек аф суват

Тонь ванфце тоса канькс аф мушенди,

А васьфни пара изолфкат.

(Сувай атя костюмса)

Атя:  Шумбратада, шабат!

Уч-не:  Шумбратада.атяй!

Атя:  (якай ученикнень малава)

Мон ётань кудонтень вакска и ванан: тоса палы толня. И арьсезевонь дай-ка суван и варжаса мезе тоса тиендихть.

1 уч-сь:  Минь тяса,атяй,ваймосетяма.  Мон вов  кодан.

2. Мон кштирдян.

3.  Мон сёрмадан.

4. А мон карьхть кодан.

5.  А мон бабазенди кептерня кодан.

Атя:  Тинь ванца ёжуфтада шабатне. А ёфкскя аш мяленте кулхцондомс?

Уч-сь:  Азонт,атяй.кулхцонттама.

Атя:  Ну озада лацкас, рядняс и кулхцондода. Мон ушедан тейнть ёфскя.    (Атясь азонды  мокшень ёфкс).

А тяни мон тинь кулхцантядязь, мезе тинь машттада тиема.

1 учит:  А минь машттама и морама,и кштима, и налхксема.

А ну-ка маорасаськ мороть «Раман аксясь». (Иттне морайхть мора «Раман аксясь»).

2 учит:  А минь маштама мокшень стихт. (Азондыхть шабатне стихт).

Олять шнасы бабац

Оля кочкай модамарьхть,

Переса шиц ётась

Пуворкст кядезонза лиссть,-

Сяшкава работась.

А мзярда куду сась

Бабац Олять эса шнась:

-Молодецат тон.стирняй,

Тевти вийса прафтат,

Касат агроном улят,

Паксяс сёра касфтат.

******

Кие, кие тя стирнясь,

Кие тя аф шнамась,

Кие,апак сеенть прясь

И рдазу шамась?

Кие тя ванка

Да, тя нола Анкась!

*******

Мон тиян аэроплан,

Пацянза сонь келихть

Озафтсайне эзонза,

Сятнень,кит аф пелихть.

Яфт, аэропланозе

Равжа модать эзда

Лии аэропланозе

Сенем менельть эзга.

Велетне и ошне,

Ётнихть паця алган.

Лии аэропланозе

Ламос мон аф валган

*******

Колма шит трудясь Макарнясь,

Апак ваймак эрь шиня

Пилсесь-Лаксесь,тяшнесь-нарнесь,

Пись псьмаронди кудня.

Оцю,мазы,пара няфтемс

Алянц мархта марса стяфтозь

Сонь кувака омонь пес

Морай,вяшконди псьмарнясь,

Котоксть кудонц перьфке марсь,

Шнасы кайгиста Макарнять.

*********

Шачем ширенц кадозе,

Сроконц ётай-сай

Пограничник брадозе,

Флотся сон служай

Вармась вяшки мачтаса.

Жальфтихть синь волнат

Брадозе монь вахтаса

Кирди автомат

Оржа ванфонц ёрясы

Ичкози аф стак,

Штоба Чёрнай моряса

Афоль уле враг

Атя:  Лац азонтода,а тяни кулхцондода,

Мон тейнть азондан валмуворкст

1 уч:  Атяй. а тяни содайть содама ёфксоньконь. (Содама ёфкст)

1. Сёксенда мады, целай тяла уды,

Аф мърнай,  аф козы

Аньцек мадянц нозы (офта)

2. Кие тялонда якай кяжиста, вачеда (врьгаз)

3. Тялонда акша, кизонда уле. (нумолсь)

4. Аш кенкшец, аш вальманза, а кудсь пешксе эряйда (куярсь)

5. Аф трактор, а увнай,  аф нармонь, а лии  (самолёт)

Атя:  Весяла тинь тяса, но тейне пинге ни тумс, тевдон лама кудса.

Уледа шумбрат,шабанят.

Уч-сь:  Уледа шумбра, атя!

Учит:  А тяни, шабат, вайматама и налхктама

А тяни морасаськ моронять «Луганяса келунясь»

Стирнятне-цёранетне морасазь кельгома сиде мороняснон.

Сембе кштихть.