Тиринь мастором
классный час по теме

Наумкина Галина Ивановна

Литературно-музыкальная композиция о родном крае

Скачать:

ВложениеРазмер
Microsoft Office document icon urok_koncert.doc47.5 КБ

Предварительный просмотр:

МОУ «Кочкуровская средняя общеобразовательная школа»

Урок-концерт

«Тиринь мастором»

Ютавтызе: Наумкина Г. И.

эрзянь келень тонавтыцясь


Тиринь мастором.

Бажамось: келейгавтомс ды домкалгавтомс тонавтницяцятнень содамочист Мордовиянь литературань ды культурань таштавкстнэде.

Оборудованиясь: композитортнэнь портретнэ ды фольклорной ансамблянь фотографият, магнитофон, эрзянь оршамот, баян.

        Шумбрачи, Мордовиям,

        Шумбрат!

        Зардо роботасо гайгить санот, -

        Сестэ весе седейсэ марят

        Кода братот, шнамга, тонь лангс ваныть.

        Лия вий арась истямо ней,

        Ояксчиденть, кона седе кеме,

        Лия ки арась седе келей

        Весе минек Родинанть икеле.

        Шумбрачи, Мордовиям,

        Шумбрат!

        Мазычинть ды сюпавчинть неия.

        Умаринакс садсонть тон цветят,

        Конанень весе мерить – Россия.

                                        А. Мартынов

Тонавтыцясь:

Эрзянь раське … Эрицят, эрийть. Истя лемдильть эсь пряст кезэрень шкане эрзятне. Ламо сядот пингеть эрить эрзятне модамасторонть лангсо, ламо стакачинь пачк ютасть, ламо зыян каршо цидярдсть. Россиясо те сехте покш раськетнестэ вейкесь, саи котоце тарканть, финнэнь-угрань семиясо – колмоценть.

        Эрьва раськенть эрямосо улить паро ды берянь шкат. Паро шкатнестэ эрямозо кузи тёкшос,бэрянь шкатнестэ нурьги суре  вельде, липни-ципельди пельс мадевиця толнэкс. Ды те, кода арсесть эрзятне, ламова ашти пазтнэнь эйстэ.

Кунсолосынек (Миф Пазтнэ) - ловнэ тонавтниця.

Тонавтыцясь:

Эрзятнестэ лиссть ламо ине превей ломанть. Ютксост васенце ученоесь                 М.Е. Евсевьев,   кона ламо вий путсь эрзянь фольклоронь пурнамонтень.

Тонавтыцясь: Эйкакшт, кодат фольклоронь жанрат содатадо?

Эйкакштне: Ёвтнить: ёкст легендат, преданият, морот.

Тонавтыцясь:

        Оштё фольклоронтень совить нурька морынеть (морасынек).

Эйкакштне морыть:

        Шумбратадо паро ялгат,                        Ней эрзятне пек культурнойть,

        Кода тынь эрятадо?                                Тиринь кедьде нулгодить.

        Кунсолодо паро мельсэ,                        Вана минь тыненк невтьсынек,

        Минь тыненк моратано.                                Кода эрзятне кортыть.

        Верев варштан ковонтень,                        Через речку -  леенть трокс                        Алов варштан ловонтень.                        Кепе проходила.                        

        Бути алужом кадсамам,                                Не успела чалгануть,

        Молян прокуроронтень.                        Пильгем промочила.

        Верьга ливти эроплан                                Исяк якинь эсь велезэнь,                        Куншкасонзо эске                                Ярсынь сывель ямдо.

        Те кодамо велинесь,                                Неень эрзянь од цератне.

Руз-эрзядо пешксе.                                Берянть обезьгандо.

        

Тонавтыцясь:

        Те иестэ топодсь 75 иеть, кода минек Мордовиясь теевсь республикакс. Саранск ошось – сонзэ столицазо.

Тонавтниця ловны:

Монь Мордовиям.

                                Вечкса минек Саранск ошонть

                                Течинь волдонзо, мазынзэ,

                                Покш цветямонь сонзэ коштонть,

                                Вандынь неявиця чинзэ.

                                Вечкса минек Саранскоенть

                                Кенярстыця касоманзо,

                                Сонзэ виенть, сонзэ коенть,

                                Мазый гайтьсэ гайгеманзо.

                                Вечксынь сонзэ од кварталтнэнь,

                                Тейтерькс пейдиця кудотнень,

                                Паркнень ды сулеев садтнэнь,

                                Васов нявиця толтнэнь.

                                Вечкса, кода эрьва чистэ

                                Тевс молить, капшить ломантне,

                                Кода стальстэ, кода кшнистэ

                                Теить памятник эсь шкантень

                                Вечксынь келей китнень – янтнэнь

                                (Сынст ламонень ютамс лети),

                                Кува минек од ломантне

                                Капшить университетэв …

                                                        А. Мартынов

Тонавтыцясь: Саранск ошсо ули С. Эрьзянь – ине скульпторонть музей. (Эйкакшт ёвтынк, косо чачсь С.Д. Эрьзя?).

Эйкакшне отвечить.

Тонавтниця ловны:

Эрьзя

Ванан мон Эрзянь галереянть:

Тесэ Чилийка, Моисей,

Француженка, эрзява, неян –

Сынь весе братт, сынь оят ней.

Сынь весе вейсэть, ве седейсэть,

Сыненст эряви вейке – Мир

Ды самай ине те покш тевсэнть

Ламо тейсь Эрьзя – богатырь.

Мик тосояк, долларонь мирсэнть,

Косо весементь рамак – сайть…

Ине ломанень лементь кисэ

Эрьзянь резец – церась свал гайгсь.

Сон тосояк ульсь гражданинэкс,

Россиявгак истямокс сась…

…Паряк, кой – мезе ды кой – кинень

А тукшны мельс, - тень невтьсы шкась…

Мон жо, эрзя, мерян Эрьзядо:

Сон ломань славамс ламо тейсь.

Тень кис пси валсо ёвтан сядоксть

Сюкпря теть, Эрьзя – Чародей!…

А. Эскин

Тонавтыцясь: Мордовиясо ламо фольклорной ансамблят, те «Келу», «Умарина», «Торамо», «Ламзурь» ды лият. Сынь морыть кезэрень ды неень шкань морот.

Эйкакшт, ёвтынк, Мордовиянь композитортнэнь?

Эйкакшне отвечить. Н.В. Кошелева, Г.И. Сураев-Королев ды лият.

Тонавтниця:

Мордовиянь искусствань заслуженной деятельсь, РМ-нь Госпремиянь лауреатось, содавикс композиторось Нина Васильевна Кошелева чачсь 1952-це иень июлень 1-це чистэ Сыре Шайговань Вертелим мокшонь велесэ.

        Саранскойсэ тонавтнесь музыкальной школа-интернатсо, Л.П. Кирюков лемсэ музучилищасо. 1979-це иестэ прядызе Казанень государственной консерваториянть.

        Н.В. Кашелевань творчествазо – те симфоният, музыкальной пьесат, ораторият, морот… Сон – минек республикань гимнанть сёрмадыцязо.

Тонавтыцясь: Кунсолосынек Н.В. Кошелевань моронзо «Россиясо» (моры тонавтныця).

Тонавтыцясь: Эрзятне эрить аволь ансяк минек республикасо но сонзэ томбалеяк: Татарстансо, Ульяновскойсэ, Башкортостансо, Н. Новгородсо ды ламо лия таркасо. Николай Ревизов эри Н.Новгородсо. Кунсолосынек сонзэ стихотворениянзо.

                                                Эрзямас.

Полевые дороги,                                Плачь эрзянских детей,                

Полевые цветы.                                Клич тревожный Пургаса,

Вдоль дороги синеют                        Грозный топот коней,

Васильки, васильки.                        Под чужою звездою

В полевых дорогах                        Смерть эрзянских богов,

Эрзямас, Эрзямас…                        Стон Алёны от зноя,

Древний край эрзянский                Стон позора веков.

Моих предков страна.                        А сегодня очнулся

Люди солнца, природы,                Эрзямас, Эрзямас.

С мудрой песней в устах.                Празднуй же возрожденье

А душа у народа                                В Акузах, в Акузах.

В васильках, васильках.                Полевые дороги,

Полевые дороги –                         Полевые цветы.

Это книги без слов                        Улыбаются солнцу

Я на этих дорогах                        Васильки, васильки.

Слышу поступь веков,

Слышу гул поколений,

Тонавтыцясь: Родинатнеде кавто: покш ды вишкене. Покшась – Россия, вишкенесь – велесь, косо тон чачить. Лейнесь, кона чуди кевне ланга. Кунсолосынек Нуянь Видязонь стихотворениянзо.

Тонавтниця ловны:

                                        Вирь чиресэ.

Вирь чиресэ кудынесь седейсэм,

Эри эйсэнь чинек-венек свал,

Ваны Сура енов  нусманясто

Яла кевкстни, мекс кувать а сан?

Апак конштне ваны леенть ёнов

Сэрест пандтнэнь вановтсо онкстни.

Лангаст вирьсэнть тунда морыть цёковт

Кизэсь юты – сёксь тува яки.

Тонавтыцясь: А ней кунсолынк мон мораса моронть «Свал мельсэнь се кудось»

Тонавтыцясь: Эрзянь модатнень рузонсетнень юткс човорямодо мейле ламот минек ломантне рузыявтозельт, а рузонь аватне лиснильть мирденень эрзяс ды кортасть мейле эрзякс.

Тонавтниця ловны:

Ютасть иеть, ламо иеть.

Каня эрзятне рузыясть,

Каня рузтнэ пачк эрзиясть –

А чарькодьсак кодаяк.

Велесь эри кавто кельсэ,

Кавто кельсэ - вейке мельсэ,

Кавто кельсэ морот моры,

                       Слави од эрямонть сон.

                                                Д. Надькин

Я люблю…

Я люблю тебя, Мордовия,

Всей душою, всеми чувствами,

Хоть и русская по крови я,

Но звучит во мне без устали

Твоя песня, песня древняя

От венца финно-угорского

Средь мордвы моя деревня, -я-

И мордовочка, и русская.

Ты рукой родною матушки

Направляла и лелеяла

Говор леса, словно травушки

В красоту сказаний сеяла.

Из истоков первобытия

От язычества – младенчества,

От тебя мой дар сказителя,

От тебя любовь к Отечеству.

Силой песни, красок буйствами,

Хоть и русская по крови я,

Всей душою, всеми чувствами,

Я люблю тебя, Мордовия.

                                Тамара Киреева.

Консолотано эрзянь морот (моры Анна Атласова).

Тонавтыцясь: Урокось прядовсь. Вастомазонок.


По теме: методические разработки, презентации и конспекты

"Содак ды вечкик тиринь енксот"

Урок развития речи, с использованием национально-регионального компонента....

«Урок – киякамо антонимтнень масторов».

Уроконь целесь:            1 домкалгавтомс ды келейгавтомс тонавтницятнень  содамочист ...

Тиринь келем сехте мазый

Тиринь келем сехте мазый (алтави эрзянь келень чинтень)...

"Тиринь келесь сехте мазый"

Внеклассное мероприятие о родном языке.Звучат стихи и песни на родном (эрзянском)языке. Мероприятие воспитывает любовь к родному языку, к родному дому, к Родине....

Тиринь мастор. Родная страна

Урок эрзянского языка...

Урок в 5 классе Тиринь келесь-эрьва раськенть сюпавчизэ

Цели: образовательная -  познакомить учащихся с историей развития мордовских языков развивающая – развитие внимания, памяти, мышления, умения чтения с пониманием основного содержания; активи...

Урок эрзянского языка по теме «Монь мастором» (6 класс)

Конспект урока+ презентация к уроку...