Нәүрүз бәйрәме.
план-конспект занятия на тему

                                     Нәүрүз – бәйрәме.

Сыйныф :3

Максат : баларның бәйләнешле сөйләм күнекмәләрен  

үстерү , сүз байлыгын арттыру, шигъри юллар, бию һәм уен аша халкыбызның гореф-гадәтләренә мәхәббәт хисләре тәрбияләү.

Җиһазлар: магнитофон, плакатлар, авыл өе макеты.

Алып баручы: Бүген бездә Нәүрхз бәйрәме. Элек татарлар Яңа елны  22мартта кашылаганнар.Аны Нәүрүз бәйрәме дип атаганнар. Бу көнне малайлар һәм кызлар матур киемнәр кигәннәр , аннан соң  һәр өйгә кергәннәр,матур җырлар җырлаганнар, биегәннәр. Хуҗаларны бәйрәм белән котлаганнар.(Балалар тәрәзә янына киләләр.)

Балалар:Ач ишегең, керәбез.

                Нәүрүз әйтеп киләбез!

                Өйдәме , түтәй?

                Тизрәк бир күкәй,

                Бирсәң безгә өч күкәй,

                Тавыгың  салыр йөз күкәй.

(Хуҗалар тәрәзәдән ярма , күкәй бирәләр)

Хуҗалар:

                   Нәүрүз котлы булсын!

                  Нәүрүз котлы булсын!

Балалар: Нәүрүз котлы булсын!

                Нәүрүз котлы булсын!

Бию: бабалар хуҗаларны котлап бию бииләр.

Алып баручы: Әйдәгез әле, балалар , бергәләп Нәүрүз бикәне чакырыйк.

Балалар: Нәүрүзбикә! Нәүрүзбикә!

                  (Нәүрүзбикә керә.)

Нәүрүзбикә: Исәнмесез, балалар!

                  Бик күп сулар үттем мин,

                  Агымсулар кичтем мин,

                  Сезгә килеп җиттем мин,

                   Нәүрүз әйтеп үттем мин.

                  Нәүрүз мөбәрәк булсын!

1 бала: Кыш китте, яз килде,

            Үрдәк белән каз килде.

            Былбылдан аваз килде.

            Нәүрүз мөбәрәк булсын.

2 бала: Нәүрүз килде, тиз килде.

             Нәрүз килде, яз килде,

             Яз белән байлык килде,

            Яз белән шатлык килде.

Җыр: “Яз җитте.”

Нәүрүзбикә: Яратыгыз көзне дә,

                    Яратыгыз җәйне дә,

                    Яратыгыз язны да.

Балалар: Нәүрүз, Нәүрүз зур рәхмәт!

                Нәүрүз, Нәүрүз зур рәхмәт!

(Кыңгырау тавышы ишетелә.)

Алып баручы: Бабалар, ишеттегезме, кыңгырау таышы. Безгә кунаклар килә, ахрысы.

(Кыш бабай керә.)

Балалар: Исәнме , Кыш бабай.

Кыш бабай:( Нәүрүзгә) Бу нинди бәйрәм монда?

                                Миңа әйтми киткәнсең,-

                                   Ха-ха-ха.

                               Бер өрсәм, җил исәр,

                                Ике өрсәм, кар явар,

                                Кит, Нәүрүз, кит.

Нәүрүзбикә: Шып итсәм-җил туктар.

                        Елмайсаң- карың елар,

                       Кит, Нәүрүз, кит.

Нәүрүзбикә: Шып итсәм- җил туктар.

                        Елмайсаң- карың елар,

                        Үзең кит, Кыш бабай.

Кыш бабай: Минем җитез атларым бар,

                       Гыйнвар, февраль айларым бар.

Нәүрүзбикә: Минем да бит   бар,

                      Җылы апрель, майларым бар.

Кыш бабай : Әйдә, алайса  ярышыйк, кем җиңә, шул кала.

Алып баручы: Кыш бабай, Нәүрүзбикә менә күрәсезме , балалар икегезне дә                                           яраталар.(Балалар Кыш бабай белән Нәүрүзбикәне  кочаклыйлар).

Кыш  бабай: Рәхмәт,рәхмәт . Менә хәзер карый әле ярышып, бераз аркан     тартышыйк.

(Нәүрүзбикә, Кыш бабай балалар  белән 2 командага бүленеп аркан тартышалар. Нәүрүзбикә командасы җиңә).

Кыш бабай: Менә кашык, менә күкәй,

                       Тот кулыңа чибәркәй .

                       Син дә йөгер, мин дә калмам,

                       Кайсыбыз килер алдан?

                         (Нәүрүзбикә җиңә).

Алып баручы: Инде хәзер биеп алабыз.

                           (Кыш бабай бии дә егыла).

Кыш бабай : Уф, арыдым, су кирәк,

                        Эредем бит, эредем.

                        Яз хуҗа булды инде .

                         Сезнең белән Нәүрүз кала,

                        Ә мин киттем, хушыгыз.

Алып баручы: Балалар әйдәгез , Нүәрүзбикәгә шигырьләр сөйлибез.

1бала: 

             Көннәр озая,

              Төннәр кыскара.

               Бу, кайсы вакыт,

               Я, әйтеп кара?

2 бала:

              Көннәр аяз, күктә алсу,

              Нур сибеп  кояш көлә.

              Җиргә тама , көмеш тамчы,

              Сагынып көткән яз килә.

3 бала:

              Әйтегезче , кайсы вакыт

             Яздагыдан  ямьлерәк?

             Кыш айларын да яратам,

            Әммә, яз күңеллерәк.

4 бала:

             Көннәр җылы, күктә алсу,

          Нур сибеп кояш көлә.

         Җәйге шатлык, көзге бәхет,

         Яз белән бергә килә.

Алып баручы:

                Гөлләр, чәчәкләр тотып,

                Тәмле исләр аңкытып,

                Тагын килеп җитте яз-

                Сагынып көтеп алган яз.

Шуның белән Нәүрүз бәйрәмебез тәмам, игътибарыгыз өчен рәхмәт.