Яңа ел бәйрәме.
методическая разработка (5, 6, 7 класс) на тему
Яңа ел бәйрәменең сценарие. Бәйрәмне 5нче сыйныфларның рус төркеме укучылары үткәрде.
Скачать:
| Вложение | Размер |
|---|---|
 yana_el1.doc | 54.5 КБ |
Предварительный просмотр:
Яңа ел бәйрәме
1.Җыр “Яңа ел килә”
1 нче укучы. Бүген без чыршы янында
Әйлән-бәйлән уйнарбыз.
Кыш бабайны каршыларбыз,
Яңа җырлар җырларбыз.
2нче укучы. Нинди матур безнең чыршы
Җем-җем килеп яна ул,
Башлыйбыз чыршы бәйрәмен,
Котлы булсын яңа ел!
Алып баручы. Киң яланга куяннар
Бәйрәмгә җыелнаннар.
Ак киемнәрен киеп
Бииләр матур итеп.
Менә шулай сикереп,
Колакларын селкетеп,
Бер әйләнеп , бер чүгеп,
Тыпырдап, кызык итеп.
2.Куяннар биюе.
1нче куян. Бүген бездә зур бәйрәм!
Яңа ел килә!
Шатланасы, уйныйсы,
Җырлап биисе килә!
2нче куян. Бераз гына моңсу да,
Ник икәнен мин беләм:
Хушлашабыз ,чөнки без
Бүген иске ел белән .
3нче куян. Күрегез бу чыршыны
Чыршының да чып-чыны.
Нинди төз, матур , биек –
Тора түшәмгә тиеп.
4нче куян. Кунак булып яшел чыршы
Килгән безгә.
Ул ямь өстәп тора
Безнең бүлмәбезгә.
5нче куян. Көтеп тора безнең биеп
Җырлаганны.
Тирәсендә әйлән бәйлән
Уйнаганны.
Алып баручы.Әйдәгез, балалар, чыршы янында әйләнеп җырлап алыйк.
“Сагынып көттек ел буе”
Сәхаб Уральский шигыре
Исмай Шәмсетдинов көе
Чыршы, чыршы, без сине
Сагынып көттек ел буе.
Син тагын да матурырак
Бизәлгәнсең бу юлы.
Энҗе карлар явып үткән
Яшел ылысларыңа.
Күп бүләкләр китергәнсең
Без нәни дусларыңа.
Без уйныйбыз, җырлыйбыз,
Әйләнәбез , көләбез.
Безгә рәхәт тормыш биргән
Илебезне сөябез.
Татар биюе.
Тылсымлы музыка яңгырый. Җырлый-җырлый Кар кызы керә.Куяннар кар кызының җырын тыңлыйлар , иркәләнәләр.
Кар кызы җыры
Г.Зәйнәшева сүз,
Р.Еникеев көе.
Кар буранда тудым мин,
Кар биләүдә үстем мин.
Кар биләүләрдә үстем мин,
Кар сулары эчтем мин.
Карлы-бозлы күлмәгем,
Капрон челтәр итәгем.
Ап-ак, ап-ак кар чәчәкләр
Сезгә бүләк итәрмен.
Мин биимен, җырлыймын,
Буран уйнап торганда.
Биеп аргач ,ял итәрмен
Чыршы үскән урманда.
Мин салкыннан куркмыймын,
Мин кар-буран яратам.
Бизәп йорим бар дөньяны,
Кар бөртеге таратам!..
1нче куян.Кыш бабайны күрдеңме?
Кар кызы. Күрдем, матурларым.
2нче куян. Ә ул кайчан килә?
3нче куян. Бүләкләр алып киләме?
Кар кызы. Тиздән килеп җитәчәк , куянкайлар, бүләкләр дә әзерләп куйды.
4нче куян. Карчәчәк, ә син кар яудыра аласыңмы?
Кар кызы. Әйе. Әгәр минем табышмакларымны чишсәгез,ап-ак кар яудырырмын.
5 нче куян. Тра-та-та, тра- та-та! Хәзер карчәчәк куар яудыра!
Кар кызы. Әйдәгез, табышмакларны тыңлагыз.
- Ишектән килеп керә-түргә менеп утыра.(Суык.)
- Ак ашъяулык таптым,
Җир өстенә яптым.(Кар.)
- Ак сыер торып китә,
Кара сыер ятып кала.(Кыш,яз.)
- Килделәр агайлар балтасыз,
Салдылар күперне тактасыз.(Суык.)
5. Утта янмый, суда батмый.(Боз.)
- Кулсыз, аяксыз, тиәрәзә кага.(Җил.)
- Үкерә дә котыра,
Бөтен җиргә тутыра.(Буран.)
- Канатсыз оча,аяксыз чаба,
Тышта өелә, өйдә җәелә. (Кар.)
- Йолдыз-йолдыз вак кына,
Челтәр-челтәр ак кына.
Өс киеменә куна,
Тәнгә тисә юк була.(Кар бөртеге.)
Кар кызы. Бик тапкыр икәнсез, бөтен табышмакларымның да җавапларын таптыгыз. (Кар бөртекләре сибә).
Табышмаклар күп беләсез,
Зирәк икән үзегез.
Акыллы һәм тапкыр булсын
Сезнең һәрбер сүзегез.
Кар бөртекләре биюе.
Алып баручы. Нинди күңелле! Әйдәгез, балалар, чыршы тирәсендә тагын бер әйләнеп алыйк әле.
“Яшел чыршы” Җәвад Тәрҗеманов сүз.
Заһид Хәбибуллин муз.
Тышта буран бөтен җиргә
Карлар тутыра.
Безнең бүлмәздә ямь-яшел
Чыршы утыра.
Кушымта:
Бүген бәйрәм!
Әйлән-бәйлән
Уйныйк , гөрләшик.
Бүген бәйрәм
Бәйләм-бәйләм
Бүләк өләшик.
Яшел чыршы, иң очына
Йолдыз куелган.
Яңа елны каршыларга
Дуслар җыелган.
Кушымта.
Мотрос биюе.
“Яңа ел килә” биюе.
Аю, төлке һәм бүре зур сандык алып керәләр.
Аю.Карчәчәк, Кыш бабай капчыгын сандыкка сакларга салган булган. Урманда йөргәндә ачкычын югалткан.
Төлке.Бездән капчыкны сандыктан ничек булса да алырга, ачкычны табарга сорады.
Карчәчәк. Шундый зур урманнан ачкычны ничек табарбыз инде. Дусларым, сез булышырсызмы икән?
№ | Биремнәр | Җиһазлар |
1. | Тылсымлы эзләр | Идәндә 16 эз. |
2. | Тере картиналар: “Кар бабай ясау”, “Кар бәреп уйнау”, “Чыршы бизәү”. | Кечкенә сандык, биремнәр язылган открыткалар. |
3. | Кар бөртекләрен җыю | 15 кар бөртеге. Номерланган кар бөртекләренә “Эт кешенең дусты” дип язарга. |
4. | Эт рәсемен ясау | 5 әр альбом бите һәм фломастерлар. |
5. | Ачкычны эттән эзлә. | Эт, ачкыч. |
Карчәчәк. Ачкычны тапкан шатлыктан бер күңел ачып алыйк әле.
“Әйлән-бәйлән” җырын 3-4нче сыйныфлар башкара.
Татар биюе .Иң оста биючегә бәйге.
Карчәчәк.Дусларым, Кыш бабай бик озаклады.Чакырып карыйк мы әллә?
Балалар. К-ы-ш б-а-б-а-й!
Кыш бабай керә.
Кыш бабай.Исәнмесез,балалар!
Мин Кыш бабай, суык бабай,
Балаларны яратам.
Яңа ел белән котлап,
Бүләкләр дә таратам.
Яңа ел бәйрәменә
Биек-биек таулардан,
Тирән-тимрән таулардан
Бик ашыгып килдем сезгә.
Җыр “Кыш бабай”
1нче укучы. Әй,Кыш бабай, Кыш бабай,
Хуш киләсең уз бире.
Кунак булып килер дип
Күптән көттек без сине.
2нче укучы. Әй,Кыш бабай, Кыш бабай,
Хуш киләсең уз бире.
Шатланышып , җыр белән
Каршылыйбыз без сине
3нче укучы.Әй,Кыш бабай, Кыш бабай,
Безнең көткән кунак син.
Ямьле үтсен кичәбез,
Безне көлдерт, уйнат син.
Алып баручы.Бабакай, балалар белән “Өшетәм” дигән уенуйнап алыйк әле.
(Уен уйнала).
Җыр “Чыршы” Ә.Ерикәй сүз.
М.Мозаффаров муз.
Төрле-төрле утлар яна,
Без уйныйбыз әйләнеп.
Бигрәк матур, бигрәк ямьле
Безнең чыршы бәйрәме.
Җырлый-җырлый әйләнәбез,
Чыршы тора уртада.
Кунак булып ак сакаллы
Бабай килгән йолкага.
Кыш бабай.Минем күңелемне күрдегез, рәхмәт сезгә , балалар.
Алып баручы. Булган безнең балалар:
Шигырьләр күп беләләр.
Хәзер сезгә,әйбәт итеп,
Шуны сөйләп бирәләр.
Балалар шигырь сөйлиләр.
Алып баручы. Конфетлар да конфетлар.
Ниндие генә юк икән!
Шулкадәр тәм-том алырга
Акчасы ни чек җиткән?
Кыш бабай. Ярый , балалар, безгә китәргә вакыт инде. Безне башка җирләрдә дә көтәләрдер. Ашыгыйк.
Балалар. Хуш, Кыш бабай! Хуш, Кар кызы.
Алып баручы. Балалар, безгә дә хушлашырга вакыт инде. Тагын бер кат чыршы тирәсендә әйләник тә өйләргә таралышыйк.